الطعـن بالــميت حــــرام

الكاتب : VIBRATION | المشاهدات : 998 | الردود : 13 | ‏22 مارس 2008
  1. VIBRATION

    VIBRATION بـترولـي نشيط جدا

    السلام عليكم ورحمة الله وبركاته

    يا جماعة الخير القلب متروسة على قولة داود حسين ، وللأسف النقابات نايمه على اذانيها !

    هذا المنتدى يغطي أغلب الموظفين بالقطاع النفطي ، والصراحة القائمين على المنتدى والأعضاء ما قصروا وجزاهم الله ألف خير ، كل ٍ يعمل حسب إجتهاده الشخصي لايصال المعلومة الصحيحة للأخوة الأعضاء الآخرين لا لشيء فقط لرسم البسمة على الشفاه !
    طيب كلامي هذا كان كمقدمة فقط وحتى أعرج إلى نقاباتنا الفاشلة نعم الفاشلة وأتمنى من الأخوان أنهم ما يدافعون عنهم ! الصراحة ملينا يالربع ، في ذمتكم هذا الي قاعد يحصل الآن يرضي مسلم ! لا بالله حتى ما يرضي الكافر البوذي أو الهندوسي ! طيب نقاباتنا ليش نايمه ! ومو قادره تعمل شي وخصوصا ً في هذي الفترة الي كثر فيها القيل والقال !! معقولة نقابة ممثلة بالريس ونائب الريس وباقي أعضاء النقابة المبجلين مو قادرين يقولون لنا شنو صار على كادرنا وزيادة الـــ 120 !!! ، طيب دام إنكم مو قدها ليش دخلتوا المجال النقابي ! وعلى فكره ترى إحنا ما وصلناكم للنقابة حتى تكشخون ! ترى وصلناكم حتى تكونون عون لنا في وقت الحاجة ! ولكن هل فعلا ً النقابة كانت عون ؟

    يا جماعة والله ملينا من هالنقابات الي ما تودي ولا تييب !

    نعم يا أخوان الطعن بالميت حرام !

    والحمد لله رب العالمين
     
  2. silent

    silent بـترولـي نشيط جدا

    219
    0
    0
    القطاع النفطي يمثلة اللاتحاد وهو اللي يتكلم بسمه وبسم جميع النقابات لاكن على قولتك ملينا الناس نايمه:eek:
     
  3. المحترف33

    المحترف33 بـترولـي مميز

    676
    0
    0
    هدي نفسك يازميلي العزير


    الموضوع طلع من النقابه ووصل فوق فوق

    صاحب السمو هو اللي يقرر وهو يقود السفينه الي بر الامان

    بسبب فشل الحكومه في حلها
     
  4. VIBRATION

    VIBRATION بـترولـي نشيط جدا


    أخوي شقاعد تقول !!

    الكوادر وصلت المحاسبة ( knpc ) بس جم ومتى هذا شغل النقابات الي نايمه على اذانيها !
     
  5. الكبير

    الكبير بـترولـي نشيط جدا

    187
    0
    0

    مجرد إشاعات ماوصل شي بخصوص الكادر الى المؤسسة إشلون تبيه يوصل لل knpc
     
  6. VIBRATION

    VIBRATION بـترولـي نشيط جدا


    إشاعات :)

    أخوي آنا هذا الكلام مو من جيبي !

    هذا كلام نقل لي رفيجي وهو موظف بالمحاسبة ، قال بان في موظفين بالـــ week end مداومين over time بخصوص الكادر .

    بس متى راح ينصرف وجم الكادر الله واعلم !

    العلم يمكن يكون عند النقابات الي لغاية الآن ما صحت من نومها :)
     
  7. نفط خام

    نفط خام بـترولـي نشيط

    121
    0
    0
    سلامي وكل اخترامي - يالغالي انت شتقول بس الكادر اللي ما سمعنا نقابتنا العتيده تتكلم فيه - حبيبي اشاء كثير النقابه وريسها ونايبه واللي معاه اللي هم قووم تبع لانهم ما يشكون خيط بابره من دوم الزعيم ابو عقال وراعي القسم - حبيبي موضوع المطعم واللي كل يوم وحالته زفت بزفت حشاك وامور وايد والله وايد وبالقلب غصه ولكن يعل هالنوم للابد يا نقابة الحكي الواجد والفعل اللي ما ميش ولكم احلا تحيه
     
  8. المحترف33

    المحترف33 بـترولـي مميز

    676
    0
    0


    انا اتكلم ياحبيبي واقصد 120 هل تنظاف مع الكادر والا لاْ او ينخصم من الكادر120 دينار

    واتحداك اذا احد يدري لحد هذي اللحظه

    النقابه انتهي دورها الكلام والقرار عند الحكومه

    والله لا النقابه ولا غير النقابه يقدر يتدخل ~~واتمني تفهم كلامي عدل
     
  9. f-operator

    f-operator بـترولـي نشيط

    78
    0
    0
    ما أدري ليش هتاتكتيم والتعتيم على موضوع الكادر والزيادة ؟؟ ليش ما يكونون أكثر شفافية ووضوح كأنهم قاعدين يبنون مفاعل نووي
     
  10. زهرة التوليب

    زهرة التوليب بـترولـي خـاص

    وربي لعبوا في اعصابنا ورفعوا ضغطنا

    ما صارت هالزياده اللي حاسدينا عليها
    لو اهي حق العراق جان بغمة عين وافقوا عليها

    عين عذاري يا كويت :(
     
  11. radar

    radar بـترولـي نشيط جدا

    285
    0
    0
    نعم الموضوع أعلى من سلطة النقابات ولكن النقابات يجب أن تاخذ دورها بالشكل الصحيح والباقي على الله المهم لازم يكون هناك دور فعال نقابة البترول لم تجتمع مع رؤساء الاتحاد في المؤتمر الصحفي اللي صار قبل فترة مع كل رؤساء النقابات وأيضا يوم أمس حصل اجتماع في الاتحاد مع رؤساء النقابات ونقابة المؤسسة والخطوط والأطباء ونقابة البترول لم تجتمع معهم كيف تبي النقابة تجيب مطالبكم واهم متهاوشين على كراسي الاتحاد ونازل ما يقارب نصف أعضاء المجلس ليرشحوا انفسهم بالاتحاد ؟؟؟؟؟؟؟؟؟

    أين وعيد وتهدي النقابة ؟؟الظاهر لاهين بدورة كرة القدم اللي يقيمونها هذا الاسبوع يفرجون عن كرب العمال وينفعون ربعهم بالهدايا على حساب العمال واشتراكاتهم
     
  12. lab

    lab بـترولـي جـديـد

    25
    0
    0
    شدخل النقابه
    اذا الشويب مايدري عن شي !!
    حتى الوزير مايدري

    شلون تبيهم يعرفون ؟؟
     
  13. نفط خام

    نفط خام بـترولـي نشيط

    121
    0
    0
    يعطيك العافيه يا الغالي على حرصك الكبير على امور العمال وياريت النقابه وريسها عندهم ولو 10 بالميه من هذا الحرص - النقابه وريسها العتيد واللي ما عنده الا القسم وقسم الكذب والالتفات الى توافهه الامور - النقابه وريسها نايمين وجعلهم ما يقومون من هالنومه - الريس العتيد هاليومين شايفينه بميناء عبدالله مقر عمله اللي ما يداوم فيه الا بالشهرين مره جاي يبشر العمال بالزياده ومشاركة النجاح اللي ماله يد فيها واللي جابها رجال هو وربعه بعيدين عن هالوصف - يا الغالي لا تعور راسك وخل النقابه وريسها مشغولين بالدوره مالت كرة القدم واللي هي دورة الشهيد ولو الريس يستحي على روحه وعند النقابه فلوس زايده جان عطى كل عايلة شهيد هديه جان احسن من هالتبذير اللي راح يحاسبه ربه عليه يوم القيامه - خلهم نايمين والسلام على كل شخص غيور على مصلحة العمال واللي بالاكيد ولا واحد من مجلس ادارة النقابه الحالي
     
  14. المشعل

    المشعل بـترولـي نشيط

    95
    0
    0
    والله ..يالمحامي..كلامك صحيح وياما تكلمنا وزعلوا بعض الشباب!!!! ....( الله المستعان )...!!!!
     

مشاركة هذه الصفحة