اقتراح للبنات فقط

الكاتب : ام ريما | المشاهدات : 2,579 | الردود : 47 | ‏23 أكتوبر 2007
  1. ام ريما

    ام ريما بـترولـي مميز

    اشلونكم بنات ادري الشباب فيهم نوع من اللقافه واكيد ادخلوا وشافوا الموضوع قلنا للبنات مو لكم وااااااي على لقافتكم

    اشرايكم في توحيد الزي لموظفات الشركة ادري راح اتقولون وين قاعدين في المدرسة لاوالله جد خوش اقتراح صدقوني راح توفرون جزء من معاشكم لان المعاش طاير على الملابس والكبت راح ينكسر من الملابس فانا اتمنى ان يوافقون على اقتراحي لو انشالله بيلسوت راضييييييين المهم بلا خساير


    ابي الرد للبنات فقط
     
  2. frfosha

    frfosha بـترولـي مميز

    753
    0
    0
    حبوبه أنا معاج وعلى فكره في بعض البنات اهما بنفسهم لبسو لبس رسمي ومحد قالهم شي يعني عادي وانا وبكل صراحه اول ما تعينت كلنت البس واكشخ وحالتي حاله جنه صج بس يوم انتقلنا المصافي وشفت اشياء تلوع الجبد قررت اني البس عبايه اسلاميه وافتك والحلو بالموضوع بعد انه ما معاي بنات بالقسم كللللللللللللش عشان يشوفون هذي شلبست وهذي شحطت وسوي مثلي وتوكلي على وعلى العلم انا مو متحجبه :)
     
  3. ام ريما

    ام ريما بـترولـي مميز

    شوفي حبيبتي انا العباية مااحبها ولااشتهيها يعني اذا لبستها اللي عندي زوجي راح يمسكها مسكه على فخليني على لبسي احسن قبل لاانقمت فيها :)
     
  4. frfosha

    frfosha بـترولـي مميز

    753
    0
    0
    لووووووووووووووووووووووووووووووول الله يكون بعونج بس ترى استغفر الله كلنا ما نحبها بس بصراحه انا اضطريت على الاشكال اللي شفتها ولو تشوفيني بالدوام وبره الدوام تنصدمين بس شنسوي الله كريم بس اقولج شغله روحي خياط خلود اللي بالقادسيه قطعه 3 وفصليلج ربس رسمي وتعالي داومي فيه واستانسي افا عليج شكو انتي فيهم ، حبوبه ترى اتغشمر معاج يا الغاليه
     
  5. م.محمد

    م.محمد بـترولـي خـاص

    لا ام ريما وين قاعدين لبس موحد الجامعه ماسووها علشان الشركه تسويها
    وليش تقيدين الناس بلبس واحد هذا تقيد بحريات الناس
     
  6. redrose

    redrose بـترولـي نشيط جدا

    442
    0
    0
    انا عن نفسي ما احب العباية وخليتها بس كفانا وكفاكم الشر حق العزا ،،، دورو لبس ثاني غير العباية وانا وياكم
     
  7. الكويت

    الكويت بـترولـي جـديـد

    41
    0
    0
    موااااااااااااااااااااااااااااااافقه مليون مره

    امبيه متنا واحنا نشتري بهالهدوم والله معاشاتنا كلها طايره على الملابس لو يسوون لنا لبس موحد جان بخت انا بصراحه عندي فكره ليش ما نسوي احنا بروحنا لبس موحد يعني نخلي المجال مفتوح حق البنات كل وحده تصمم زي وتعرضه بالمنتدى وبالاخير نسوي تصويت ونختار وبروحنا نخيط الموديل وبس وصدقيني ما تمر السنه الا كل البنات لابسين نفسه هههههههههههه خو انتي تعرفين بناتنا من طق طبله قال انا قبله ... يلا يلا توكلي على الله ونزلي الاقتراح وخلينا نشوف البدع بالموديلات
     
  8. dehen_3ood

    dehen_3ood بـترولـي خـاص أعضاء الشرف

    وأنا بعد وياكم :D

    احنا بفترة من الفترات هبينا كلنا بالبلوستات
    بس ما استمروا البنات !!
    ادبلوا جبودهم بالتنشد والتسأل ليش وشحقة
    وشكو بنات تلبسون بلسوت ؟؟
    بالله المهندسة وعندها Site Visit شتلبس؟
    دراعة وعليها بخنق؟ :cool:
     
  9. engineera

    engineera بـترولـي مميز

    626
    0
    0
    السلام عليكم
    هذي اول مشاركه لي معاكم ....
    وعلى اللبس الموحد مادري احس جنه بمدرسه واشكره الكل بيدري انه نشتغل بالنفط اذا بغينا نروح سوق او شي عقب الدوام او بينه
    معنه فكره حلوه بس ماتوقع تتطبق
     
  10. زهرة التوليب

    زهرة التوليب بـترولـي خـاص

    لوووووووووووووووووووووووووووووول

    ما وحدوا زي الجامعه تبين يوحدون الزي في البترول ؟؟

    لا يبه مو خوش اقتراح اصير باجر حالي حال عيالي جني رايحه المدرسه معاهم :p

    بس شنو الحكمه من توحيد اللبس؟؟
     
  11. EQUATER-1

    EQUATER-1 بـترولـي مميز

    693
    0
    0
    السلام عليكم جميعا هذا الاقتراح اتوقع مايمشي الا عندنا بايكويت واتوقع لو البنات يطلبون يمكن من باجر يوفرون لهم الزي الرسمي.
     
  12. computer department

    computer department بـترولـي مميز

    725
    0
    0
    مهندسه كمبيوتر
    ديره الخير ( الكــويت )
    السلام عليكم
    لا يا الغاليه ما نبي نوحد اللبس خلونا جذي احسن :)
     
  13. بترولية

    بترولية بـترولـي جـديـد

    6
    0
    0
    مانبي لبس موحد ... نبي يعطونا مثل مايعطون موظفات الkpc


    مرحبا

    خواتي حبيباتي ... شلونكم ؟؟

    كل وحدة قالت رايها بموضوع اللبس الموحد ...

    آنا رايي ... ماله داعي... ومالنا خلق ضحك و تطنز علينا ...

    عن نفسي ... آنا الحمدلله ألبس عباة و مرتااااااااحة واااااااااااايد معاها... تعودت عليها ...

    الصراحة الدوام كله رياييل و مامعاي ولا حرمة بالقسم ... آنا بروحي ...

    والله تعودت عليها حتى بره الدوام ألبسها ... الصراحة أستر ... و الله لا يغير علي و يثبتني بعقلي :D

    أبيه... قرقت على روسكم و نسيت المهم :p

    موظفات المؤسسة بمناسبة و بدون مناسبة بعطزنهم شغلات .. صج إنها بسيطة بس مشجعة و تونس...

    بعيد الأم و لا القرقيعان و لا راس السنة ... عطاياهم تسوى و مفيدة ... مو إحنا عيد الأم اللي طاف عطونا طقم فناجين قهوة إب1.500 !!!!!! والله عطيتهم خدامتي ... استانست عليهم الفقيرة...

    من بين الأشياء اللي عطوا موظفاتهم ... علبة أدوات بديكير منيكير :D

    والله العظيم من ال7 لي ال3 وإحنا نطقطق بالكيبورد أصابعنا تتفخوا ... حرام عليكم... حسوا فينا حسسونا :p

    و ثانك يووووو :cool:
     
  14. الجامعي

    الجامعي بـترولـي جـديـد

    4
    0
    0
    بصراحه ,, بالذات عندنا في الكويت صعب اللبس يتوحد عند البنات

    فلو تسولفون وايد بهالموضووع ما راح تطلعون بنتيجه لان كل وحده تبي تمشي على مزاجهاا

    شرايكم فيني :)
     
  15. المشاكس

    المشاكس بـترولـي خـاص أعضاء الشرف

    998
    1
    0
    انا اقول لو يعطونكم وزار وشماغ وفنيله نص كم مو أحسن وأفور لكم .... :)
     
  16. ابوعبدالله

    ابوعبدالله بـترولـي جـديـد

    2
    0
    0
    انا اقول الزي الوحد لكل دائرة وقسم ووزارة احسن
     
  17. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أنا من رأيي تلبس اللبس الموحد للحريم كلهم

    الحجاب الشرعي هو زينة المرة في الدوام وبرة الدوام


    هذا هو أفضل زي موحد للحريم


    أما الباجي خليه عنج :)

    الزي الثاني تراه خسارة فلوس ..وخسارة حسنات ..وخسارة ايمان ..وخسارة احترام الناس


    هذا مو رأيي!!!!!!!!!!!!!!!!!!!!!!!هذا حكم نازل من سبع سموات

    :)
     
    آخر تعديل: ‏26 أكتوبر 2007
  18. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    اذا راح يوحدون زي البنات لازم يوحدون زي الرياييل بعد حالنا من حالهم
     
  19. ام ريما

    ام ريما بـترولـي مميز

    مشكورين اخواني عالمرور والرد في ناس موافقه وفي ناس غير موافقه حبايبي الناس اذواق وشاكره رايكم
     
  20. الجوهرة

    الجوهرة بـترولـي خـاص أعضاء الشرف

    3,136
    1
    0
    بصراحة أنا أحب اكشخ وألبس بس صراحة مليت قمت ألبس بصراحة عبي والله وايد أحسن لآني أشتغل بالمصفاة وبعدين سالفة الزي الموحد مو شي .
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    6,752
  2. API 18
    الردود:
    4
    المشاهدات:
    436
  3. سالم الخالدي
    الردود:
    10
    المشاهدات:
    3,619
  4. API 18
    الردود:
    0
    المشاهدات:
    444
  5. Failakawe
    الردود:
    1
    المشاهدات:
    394

مشاركة هذه الصفحة