ممكن تفيدوني بقسم ال crrosion? ولكم الشكر

الكاتب : Mesk W 3nbar | المشاهدات : 780 | الردود : 13 | ‏22 مارس 2008
  1. Mesk W 3nbar

    Mesk W 3nbar بـترولـي نشيط

    100
    0
    0
    السلام عليكم ورحمة الله وبركاته؟

    زملائي الاعزاء,,,,,,, تحية طيبة وبعد:)

    انا مهندس ميكانيك يو دي حطوني بدائرة التفتيش والتأكل في مبنى التعمير؟

    وصراحة كان ودي الانتاج بس ماحصل

    المهم ناس ذموا المكان وقالوا مهضوم حقنا في هالقسم

    اكثر ناس يكرفون واقل معاشات بالنسبة للاقسام الاخرى هل هذا صحيح؟

    وانهم محرومين من بدل الطريق؟

    افيدوني عسى الله يوفقكم

    وبخصوص الراتب خلال الدورة لاني حاليا بالدورة التدريبية ماهي البدلات الى راح أخذها بعد الانتهاء من الدورة ومباشرة العمل في هذا القسم؟؟؟



    ولكم مني جزيل الشكر
     
  2. مزيووووون

    مزيووووون موقوف

    92
    0
    0
    مبنى التعمير في الأحمدي


    وعلى حسب علمي... أن اللي في الأحمدي ما يستلمون بدل طريق ولا بدل خطر ولا

    بس الراتب الاساسي والعلاوة الاجتماعية وغلاء المعيشة وبدل الانتقال


    بس يا زميلي.... مسألة الكرف ما اعتقد إن في شخص عن شخص يكرف اكثر واقل راتب


    أنت ما شاء الله عليك

    بكرا يصيرر عندك مكتب ودوام صباحي,, ويكفي إنك تداوم بالأحمدي,,, يعني إذا احتجت شي مني ولا مناك :) تقدر تترخص من مسؤولك والخ

    تبي نصيحتي....... اخذ لك سنتين أو ثلاث...وتالي تعال الإنتاج

    علشان تكون مريح من البداية وتالي بعد ... فهمت علي..؟... تكون موقع قريدات ومريح ويعتمد عليك
     
  3. Mesk W 3nbar

    Mesk W 3nbar بـترولـي نشيط

    100
    0
    0
    الله يعطيك العافية على هالمعلومة

    انا كنت اعتقد ان بدل الخطر كل المهندسين والفنيين ياخذونه؟

    لابدل طريق ولابدل خطر؟

    نصيحتك حلوه لكنها توهق الواحد مستقبلا اذا كان يعتمدون عليه

    وانا ياخوي ابي البدلات وابي الشغل

    واذا الواحد ماتعب في اول عمره ماراح يرتاح اخر عمره

    حتى لو اريح في بداية عملي راح اتعب اذا ماعندي خبره والخبرة ماتجي إلا بالتعب

    لكن امرنا لله هذا نصيبنا

    عسى الله يكتب الي فيه خير للجميع
     
  4. MamLOoO7a

    MamLOoO7a بـترولـي مميز

    اخوي مسك

    يحق لك تاخذ بدل طريق وبالنسبه لبدل الخطر راح تاخذه بس لما تخلص 100 يوم باثر رجعي

    وراجع الادمن عندكم بالتعمير مبني D وهم راح يفيدونك

    وحقك مايضيع ان شاء الله
     
  5. مزيووووون

    مزيووووون موقوف

    92
    0
    0
    مملوحه...؟؟ كيف بدل خطر يأخذه وبدل طريق


    أنا داومت بالأحمدي سنة من السنين.... ما استلمت لا بدل خطر ولا بدل طريق


    إلا في حالات خروجي خارج الأحمدي لموقع معين.... وبالتالي حساب الخطر والطريق



    يمكن تغير الوضع

    ؟؟ كل شي جايز
     
  6. مزيووووون

    مزيووووون موقوف

    92
    0
    0
  7. MamLOoO7a

    MamLOoO7a بـترولـي مميز

    اخوي مزيون

    مادمت تروح البرقان او الشمال يحق لك تاخذ بدل طريق تعبي الفورمه وتعطيها لسينيرك يوقعها بس اذا انت بالاحمدي ماتاخذ شي اذا مارحت سايتات مايحق لك تاخذ ولا تريب وصلت المعلومه

    وبالنسبه لبدل الخطر على حسب المسمى الوظيفي مالك بالنسبه لاخونا مسك بما انه مهندس ميكانيكي ماياخذ بدل طبيعه عمل واذا كان مهندس تاكل او مهندس تفتيش ياخذ وغصبن عليهم وصلت المعلومه :)
     
  8. مزيووووون

    مزيووووون موقوف

    92
    0
    0
    نعم نعم وصلت المعلومه

    شكرا عالتوضيح
     
  9. MamLOoO7a

    MamLOoO7a بـترولـي مميز

    عفوااااااااااااا

    حاضرين في خدمه الشعب :)
     
  10. judgement

    judgement بـترولـي نشيط جدا

    342
    0
    0
    معاين ابار

    على العموم ترى مايفرق وياك وايد يعني تقريباً 230 مجموع البدلات اذا كنت في برقان يعني انت مهندس مشالله عليك قريدك 12 مع الكادر اليديد ماراح تفرق معاك وايد زيادة 230 دينار :cool:
     
  11. Mesk W 3nbar

    Mesk W 3nbar بـترولـي نشيط

    100
    0
    0
    يعطيج العافية يامملوحه

    بس ممكن توضحين ليش ماآخذ بدل طبيعة عمل؟؟؟
    ومنو الى يستحقه؟

    وبالنسبة لبدل الخطر هل استحقه اذا عديت 100 يوم واذا لسه بالدوره التدريبة او اذا باشرت عملي؟

    لاني حاليا انا بالدورة التدريبة وعديت ال 100 يوم ولسه ماخلصت التدريب؟؟؟

    الظاهر اني كثرت عليج:)

    سامحيني على الاطالة
     
  12. Mesk W 3nbar

    Mesk W 3nbar بـترولـي نشيط

    100
    0
    0
    :)
    الفال لك ان شاء الله

    الحمد لله على كل حال الخير واجد وعسى الله يعينا على شكره

    صراحه ودي باحسن مكان من ناحية الشغل والخبره وهم من ناحية الفلوس:)

    عسى الله يكتب الى فيه خير للجميع

    ويعطيك العافية
     
  13. MamLOoO7a

    MamLOoO7a بـترولـي مميز

    هلا اخوي مسك

    ماقدر افيدك راجع الادمن عندكم وبالنسبه لبدل طبيعه العمل ماتاخذه لان مسماك الوظيفي غير في مجموعتك يعني انته مهندس ميكانيكي وفريق عملك مافي هالمسمى اقصد ماياخذ بدل طبيعه عمل بس مهندس التاكل او التفتيش واذا تبي افاده اكثر كلم المحاسبه احسن ويفيدونك بكل شي
     
  14. Mesk W 3nbar

    Mesk W 3nbar بـترولـي نشيط

    100
    0
    0
    يعطيج العافية اخت مملوحه
     
جاري تحميل الصفحة...

مشاركة هذه الصفحة