تدرون كم شركة تعالج في مستشفى الاحمدي ؟!

الكاتب : brilliant | المشاهدات : 2,002 | الردود : 22 | ‏21 مارس 2008
  1. brilliant

    brilliant المـراقب الـعـام

    8,477
    0
    0
    Engineer
    Kuwait
    السلام عليكم

    بالاول كنت اتعتقد انه بس الشركات الي تابعه لمؤسسة البترول الكويتيه هي بس الي تعالج بالشركه

    لكن للاسف هالكلام غير صحيح

    تدرون كم شركه تعالج ويانا ؟

    عرفت هالشي امس كنت في الطوارئ والاقي ورقه معلقه فيها كود كل شركه تعالج بالشركه

    يعني الي بالمؤسسة كودهم 01 وبعدها الرقم الوظيفي والي مثلا الي في البترول الوطنيه 04 بعدها الرقم الوظيفي وهالومجره

    لكن تدرون ان فيها اكواد ثانيه لشركات غير شركاتنا :confused:

    لما شفت الورقه الي فيها الاكواد ما صدقت عيوني :eek:

    قلت اصورها بالتلفون واخليكم تشوفونها بعيونكم

    [​IMG]

    الي مو واضحه عنده مكتوب الكودات كالتالي

    01 KPC
    02 KOC
    03 PIC
    04 KNPC
    05 KPTC
    06 KLT \ ALT
    07 KEPEC
    09 VIP :cool:
    11 AOC
    12 KAPCO
    13 SANTAFE
    15 BRITISH
    16 CHEVRON
    17 KGOC


    ليش كل هالشركات :confused:

    ناقصين زحمه :confused:

    واحنا على بالنا هالهنود الي يعالجون موظفين بشركات المؤسسة اثاري نصهم من هالشركات الثانيه :confused:
     
  2. Instrument

    Instrument بـترولـي نشيط جدا

    339
    0
    16
    Instrument
    K.O.C
    لا حول ولا قوة إلا بالله

    الواحد فينا اذا استمرض ، ينطر مليوووون سنه بالدوووور :(



    شكرا ً أخوي على هذا الإطراء
     
  3. السيدة العجوز

    السيدة العجوز بـترولـي نشيط جدا

    314
    0
    0
    اذا رحت مستشفى الشركة وانت مريض صدقني راح تطيب من شدة الانتظار
    ستين الف طبيب واربع ملايين مراجع
    اصبروا جم يوم راح يصير نفس الافنيوز
     
  4. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    مشكور أخوي على التنبيه.... بس ياريت نعرف هالشركات تابعة لمنو؟؟ او أصيغ السؤال بطريقة أخرى.. ما هي هذه الشركات؟ و شنو مجالها؟!!

    بالفعل الأولوية لنا إحنا موظفين القطاع.. و ياريت بعد الخدمات تتحسن في المستشفى.. عشان الواحد يقدر يتعالج في وقت يناسبه غير وقت الدوام!!!

    مشكور و ماقصرت
     
  5. كي او سي

    كي او سي بـترولـي خـاص أعضاء الشرف

    الحين سنتافيه وشيفرون وبريتيش شكو بهالمستشفيات والا ناقصهم فلوس والا شركتهم ما تعطيهم بدل علاج

    صج هذي اكبر مسخرة تتسجل للمستشفى مع الكثير الكثير من السلبيات اللي عليها

    ومشكور بريلينت
     
  6. koc-76

    koc-76 بـترولـي مميز

    591
    0
    0
    ازيدك قهر - شفرون بريتش على حساب الكي او سي
     
  7. kuwaity

    kuwaity بـترولـي جـديـد

    37
    0
    0
    :)
    kuw
    ليش حاسدين الناس :)
     
  8. حرف

    حرف بـترولـي خـاص

    1,776
    0
    0
    صارلى سنه ونص مارحت مشتفي الشركه من كثر الزحمه والبهذله اللى فيها
    و
    الله يخلي مستشفي الهادي والشفاء

    بفلوسك وتدلع نفسك :)
     
  9. مزيون

    مزيون بـترولـي نشيط جدا

    328
    0
    0
    مكانيكي بالقلب
    في أي قلب طيب
    والله أني ما أراجع بالمستشفى وسبى الدور المرض
     
  10. silent

    silent بـترولـي نشيط جدا

    219
    0
    0
    وحاسبينهااااااااااااااا علينا ميزة قال تعالجون في مستشفى الشركة
     
  11. غانم

    غانم بـترولـي جـديـد

    21
    0
    0
    يا جماعة ترى اللي أعرفه بقانون الشركات النفطية لازم يكون في مركز طبي للعلاج حق كل 100 موظف .... ماشي
    إنزين لما ال K.o.c تتعاقد مع الشركات الأجنبية على الأقل لازم توفر لموظفينهم العلاج .... عدل الكلام
    ولكن هالشركات لما تتعالج ترى بس تاخذ اللازم ... بمعنى آخر إذا احتاج موظف Chevron ان ينقل للعلاج بالخارج على طول طيارة إسعاف جوي من شركته تجي وتاخذه وتنقله على حسابهم .... كووووول الحين
    الشركات المذكورة كلها شركات نفطية
    شكريا شباب
     
  12. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    عدد الشركات التي تعالج في مستشفى الأحمدي تفوق 35 شركة

    وأنا شفت نفس هالصورة اللي حطيتها عند غرفة أحد المسؤولين بأرقام التسلسل لكل شركة
     
  13. Jassem-76

    Jassem-76 بـترولـي نشيط

    86
    0
    0
    مراقب حسابات
    الكويت
    نفس الحال
     
  14. saeedelhaj

    saeedelhaj بـترولـي جـديـد

    10
    0
    0
    يا إخوان الدخول على الدكتور جزء من المشكلة، المشكلة الحقيقية طابور الصيدلية، اللي يقولون: بعض الأدوية تاخذ وقت إعداد أكثر !!!
    طيب ليش ما يخلون الطوفة جام على شان نشوفهم شيسوون؟
     
  15. The^Queen

    The^Queen بـترولـي نشيط جدا

    288
    0
    0
    مستشفي الاحمدي = مستشفي حكومه
    نفس المستوي نفس الوضع بس ادويه الاحمدي نفس ادويه الخاص وابلاش
    فقط لاغير

    اما من حيث المعامله نفس الشي
    يعني تبي تدش علي الطبيب من سبع الصبح لازم ترتز هناك والا انسي تدش قبل ال 12

    وزحمه موووووووووووووووووووت
    ولعلمكم المستشفي مو مجانيه يتم محاسبه كل الشركات علي كل شخص يقوم بزياره المستشفي وتكلفتهم عاليه
     
  16. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    لأننا دائما مفاوضين غير جيدين و دائما نتنازل عن مكتسباتنا ، رضينا بعلاج موظفي شركات أجنبية
    في المستشفى الذي يكاد أن يخنق نفسه من الزحمة
     
  17. زيـنـه

    زيـنـه بـترولـي نشيط جدا

    162
    0
    0
    كلهم شركات نفطيه و مجالها واحد .
    و من زمان ادري و كانوا 16 شركه يعالجون بمستشفى الاحمدي .
     
  18. النفط مقابل الغذاء

    النفط مقابل الغذاء بـترولـي نشيط

    83
    0
    6
    مهندس
    الكويت
    السلام عليكم :
    انا صراحة اوفقك الراى مستشفى الاحمدى مايتميز عن المستشفيات الحكومية بأى شى
    وعلى فكرة الموظف مجانا بس اهل الموظف هم اللى عليهم رسوم سنوية تدفعها الشركات النفطية مقدارها تقريبا 300 دينار سنويا ومخصصة للاقرباء بالدرجة الاولى فقط( الاب الام الابناء الزوجة) وصراحة لها سلبيات كثيرة جدا اكثر من نفعها اولا : انتظار الدور اللى يسببلك ارتفاع بالظغط والسكرى حتى لو انت جاى مافيك شى تمرض:)
    ثانيا:مواعيد الى اجل مسمى ماتدرى انت تموت قبلها ولا يجيك الدور الله اعلم
    ثالثا:اجازات مرضية لو تناقز عند الدكتور مايعطيك ولو تسويله معاملة بالمرور عطاك سنه اجازة لا ودخول مستشفى بعد
    أسالنى انا مجرب:) والكثير الكثير مابى اطول عليكم تحياتى :)
     
  19. بلبل عنقريزي

    بلبل عنقريزي بـترولـي خـاص

    2,187
    0
    0
    يتراوالي لو يسكرون المستشفى او يقلبونه حكومي وايد احسن

    مامنهم فايده
     
  20. النفط مقابل الغذاء

    النفط مقابل الغذاء بـترولـي نشيط

    83
    0
    6
    مهندس
    الكويت
    زينه تدرين لو توقفين ساعة وحدة فى الانتظار صدقينى يحوشج شد عضلى بشعر راسج :) :) :)


    مصيبة مستشفى الاحمدى :)
     
جاري تحميل الصفحة...

مشاركة هذه الصفحة