شي غريب في شوارع الكويت !!

الكاتب : كعبول | المشاهدات : 1,062 | الردود : 18 | ‏21 مارس 2008
  1. كعبول

    كعبول بـترولـي نشيط جدا

    496
    0
    0
    السلام عليكم


    يا اخوان انه ملاحظ شي غريب في شوارعنا وهو الان بتزايد كبير ... واصبح خطرا جدا !!


    الا وهو الاستهتار والسرعة الزائدة ... !!

    مادري ليش مسرعين ومستهترين جذي الناس .. وخصوصا الشباب الله يهداهم ... !!

    يعني والله .. ثم والله .. ثم والله ... اني قاعد اشوف شبابنا يحذف عمره بالشارع ... !!

    وتخيلو اكثر من مرة بيصير حادث ... بس الله ستر عليهم !

    يعني اوكي هالمرة سلمت ... الثانية هم سلمت ... الثالثة صارت ... !!

    انه بذكر لكم حادثة صارتلي جدامي ...

    مرة كنت ماشي بحالي راد البيت على الخط السريع ... والا ما اشوف واحد ماشي 140 مادري 150 .... ولا ... وماشي على حارة الامان بجهة اليسار ... !!

    وطبعا كنا بندش جسر .. والعادة ان الجسور يكون فيها لفة على اليمين علشان يا تلف من تحت الجسر او تدش منطقة ثانية اتجاه اليسار ... !!

    ما اشوف الا المجنون اللي كان مسرع اتجاه حارة الامان ... كسر كسرة كبيرة من اليسار الى اليمين ودش اللفة واللي حتى اهو طاف اللفة بعد بس مادري شلون لحق عليها !!

    يعني هذا لو داعم عايلة ... مو جان الحين واحد منهم ميت ؟

    ليش هالسرعة الزائدة والاستهتار الكبير ليش ؟

    عندك صفقة بـ5 ملايين دينار بتروح علييك ؟
    بيتك قاعد يحترق ؟
    مرتك راح تولد ؟


    لأ .... بس جذي سرعة واستهتار للمتعة !

    استغفر الله العظيم ...


    ويقولون ليش الداخلية تزيد من عقوبات المخافات ! اذا هذي سياقتكم اكيد بزيدونهم ... !!

    ماقول الا الله يصلحهم ان شاء الله ...​
     
  2. نفط خام

    نفط خام بـترولـي نشيط

    121
    0
    0
    سلامي وكل احترامي لك يالغالي - انت شتقول - في اكثر من هذا - امس المغرب وانا راد البيت وبالقرين وبالشارع الرئيسي واللي فيه ماكدونالد والا الشارع مسكر وكنت اعتقد انه حادث واتفاجئ بالكارثه والا جناقل ومستهترين طا يحيله تشفط ومسكرين الشارع ولا جنه واكثر من 8 سيارات تقحص وتستعرض وجدام العالم وتم هذا الشي اكثر من ربع ساعه وعمك اصمخ ولين وصل الازدحام الى قرب الخط السريع - اخلاق ماكو تبي ربي يوفقنا بعد - الله كريم
     
  3. السيدة العجوز

    السيدة العجوز بـترولـي نشيط جدا

    314
    0
    0
    خيرا تكلمت
    موضوع جدا هام
    الله يكافينا شر الحوادث والسرعة
    والله المستعان
     
  4. مواق

    مواق بـترولـي مميز

    501
    0
    0
    مستهترين عرفناها .. بس جناقل شنو . :confused:
     
  5. نفط خام

    نفط خام بـترولـي نشيط

    121
    0
    0
    ما علموه اهله التربيه الصالحه
     
  6. مواق

    مواق بـترولـي مميز

    501
    0
    0
    علينا [​IMG] يالله قول الصج .
     
  7. نفط خام

    نفط خام بـترولـي نشيط

    121
    0
    0
    تعرف القصد وما يبيله شرح
     
  8. بوغدير

    بوغدير بـترولـي مميز

    814
    0
    0
    مفروض الداخليه تسحب سياراتهم وتحجزهم...لا واسطات ولا غيره....ويطبق القانون عليهم...
     
  9. Q8GAS

    Q8GAS بـترولـي مميز

    514
    0
    16
    أي والله إستهتار ورعونه من شباب طايشين الله يصلحهم ويهديهم

    الظاهر مايتوبون إلا لما يستهتر ويتفاجئى بأنه داعم سياره فيها امه وابوه واخوانه وكلهم ميتين لاحول ولا قوة الا بالله .
     
  10. اي والله ياجماعه السرعه والاستهتار وايد في بلدنا

    وكل يووم وانت ماشي بالشارع تشووف السيارات مقططه على جانب الشارع تقول داخل سكراب

    وكل هذا السبب الرئيسي فيه السرعه

    كاميرات وموضوعها محلول لما اقرب بخفف

    الكاميرات احس انه مشروع فاشل

    يا اخي في فتره من الفترات وقبل الاحتفال بالاعياد الوطنيه
    كان في حمله على طريق الجليعه
    وكل واحد يمر هالصووب يدري انها حمله وشديده واقل شي فيها سحب اجازه ودفتر

    وفيها رادار للسرعه ودوريات واقفه على الخط

    نبي هالشي ينتشر ونبي حملات بالشوارع الداخليه

    نبي الشرطه تفتر

    وين دوريات قبل والله كنت اشوفهم على الاقل كل اسبوع بالشارع الداخلي مو العام يفترون الفجر

    الحين الشرطه ماتشوفها الا لما تتصل عليهم تقول تعالوا ياحادث او حرامي او هوشه

    ايام اوول ايام دوريات العقرب الى لونها اصفر بأسود بهذيك الايام كان فيه امن وخوف من الشرطه لو يوقفك شرطي تدري انك غلطان مو شرطة اليوم الله المستعان

    مشكور وماقصرت على الطرح
     
  11. بوعبدالرحمن

    بوعبدالرحمن بـترولـي مميز

    710
    0
    0
    موضوعك طيب .... مشكور على هذا الطرح
     
  12. HUMMER

    HUMMER بـترولـي خـاص

    مشكور يااخي على طرح الموضوع وماقصرت

    والسرعه والاستهتار بسبب ان الداخليه فقدت هيبتها وماصار لها قيمه والسبه بعض

    الاشخاص من الضباط والافراد اللي وصخوا سمعة الداخليه والمشكله الثانيه ان مافي

    رادع قانوني للشباب المستهتر والله يخلي الاعضاء مايقصرون
     
  13. بوغدير

    بوغدير بـترولـي مميز

    814
    0
    0
    المشاركة الأصلية كتبت بواسطة مواق
    علينا يالله قول الصج .

    تعرف القصد وما يبيله شرح


    **المشرف اللي شطب مشاركتي على تعليق الاخوان..!!مادري ليش؟؟انا ماغلطت على احد ...(ولاتحيزت لحد بس الحق ينقال الاصل فاقدينه بعض الاخوه ويحاول التعويض؟؟؟؟؟؟؟؟؟؟؟؟؟؟؟..
     
  14. يورياوي

    يورياوي بـترولـي مميز

    688
    0
    0
    q8
    السرعة مو معناها استهتار او عدم تربية ليش ماتكون عادة سيئة مثل الزقارة .واحيانا الضروف تخلي الواحد يسرع يعني الحين الديرة كلها زحمة وين بنسرع بس لما نشوف فجة بنطير من الاختناق .
    بس الي يبتونون بين هالسيارات وقز 24 ساعة وخز مخازز جنه الشارع بأسمه هم اللي يبون وقفة من الداخلية .
     
  15. صندوق شكاوي

    صندوق شكاوي موقوف

    141
    0
    0
    الداخلية ما تبي تردع هالمستهترين بطريقة سليمة وفعاّلة .. تبي تعرفون ليش ؟

    تخيّل لو قامت الداخلية على مستوى الكويت كلها بسحب سيارات هالمستهترين وحجزهم .. السيارات تحتاج إلى مكان حجز وسيارات سحب لسحب هالسيارات وتحتاج زنازين لتوقيف هالمستهترين وتأمين لهم أكل وراح تكتظ المخافر .. وراح تكون هناك تكاليف وبذل أموال .. أما إذا مشت على ما هي عليه الآن وشدخ مخالفات وغرامات مالية فراح تكسب أموال طائلة وميزانية ضخمة .. فهذا هو السبب
     
  16. الفصول الأربعة

    الفصول الأربعة بـترولـي نشيط جدا

    437
    0
    0
    شنو القصد ؟
     
  17. الفصول الأربعة

    الفصول الأربعة بـترولـي نشيط جدا

    437
    0
    0
    شجاب الجناقل اللي بالجنقل حق التشفيط معااااااااااااااااااادله محيره
    الجنقل معناه الغابه أبي أفهم ممكن تعلمني يانفط ياخام.
    والله ختلطت عليك الأمور.
    عشانك خام مثلن مو مستوعب.

    نرد للموضوع أهو السرعه نلخصها بكلمه وحده السرعه = الموت.
     
  18. زهرة التوليب

    زهرة التوليب بـترولـي خـاص

    للأسف فعلا هالظاهر منشره بشكل كبير الله يستر علينا وعلى عيالنا
    الواحد قام يخاف يطلع بالشارع من هالمسرعين

    المشكله مو بس المسرعين يسببون حوادث

    حتى التكاسي الله لا يوريكم
    تلقونه هندي بديرته حتى ما يسوق قاري
    اييون هني ويعطونهم سيارات ويوقفون بأي مكان بالشارع ويسسبون حوادث
    ويمشون ويلزمون بريكات على الفاضي !!!

    غير الباصات اللي يحذفون نفسهم على الناس بالشارع ويكونون ماشين 60 !!

    واذا صار حادث او سيارة بنجرت شوفوا الفضول اشلون يذبح الناس وكلهم يوقفون ويتفرجون ؟؟
    ويسببون حوادث وازدحام كل هذا بس عشان يبلغون شفهم ويشوفون شنو صاير
     
  19. ANACONDA

    ANACONDA بـترولـي مميز

    687
    0
    0
    من امن العقوبه = اساء الادب =====المشكله بعد كل هالاستهتار وبعد القاء القبض عليه تشتغل الواسطات وابصراحه القانون بالكويت يطبق على المواطن وليس الاجنبى وهذا اللى شفته فى اكثر من موقع للداخليه = والا مقيم يتوسط حق كويتى = وين قاعدين احنا = والله يحفظ الجميع
     
جاري تحميل الصفحة...

مشاركة هذه الصفحة