خاطرة على نظام المكسيمو

ياريت يعتبروني ثيرموكبل ويدرجوني في نظام مكسيمو وأفتك من مطالباتي بالكورسات و مطالباتي بزيادة الرواتب و مطالباتي بالعلاج بمستشفى الـ كي أو سي، وووو غيرها

مش للدرجادي .....

 

لا تذكرني بالماكسيمو هالنظام اللي دفعوا عليه فلوس الدنيا
وهو معقد !!

 

الماكسيمو نظام فاشل وكله خربات من يوم حطوه وهو في مشاكل

لكن فيه فائدة ترتيب العمل وأولويات العمل


لكن نتمنى من الشركة المخصصة بهذا البرنامج تطويره واصلاح المشاكل الدائمة والانهيار المفاجي الذي يشتكي منه الكثير من الموظفين

 

والله المكسيمو نظام حلو وممتاز
وانا اشتغلت عليه فتره من اول ما طلع وسويت له كتيب وترجمه للربع بالقسم
بس القائمين عليه مو مطورينه ولا مضبطينه ولا عارفين يديرونه
تحياتي

 

الماكسيمو من الأنظمة الرائعة ماعليه خلاف
بس تعال شوف شنو نوع الـ package الي طالبته الشركة
يعني على سبيل المثال روح شوف نظام الماكسيمو في بعض الشركات التجارية في الكويت مثل نوكيا / بعض شركات الاستثمار / بعض شركات الوساطة المالية تلقاه روعة وسهل وعملي جدا
نفس نظام الـ Oracle تدفع أكثر تاخذ باجيك أفضل ومميزات أقوى

 

الحين طوروا نلنظام صارلهم تقريبا شهر

بس احس واجة النظام اللي قبل كانت وايد اسهل واوضح
الحين معقد زود

خاصه القائمه اللي يشتغلون عليها الموظفين اللي يدخلون فواتير وعقود الشركات !!
بصراحه ما تدري وين القائمه !!
يعني بدال لا يطورون في النظام ويبسطونه عقدوه زود

 

؟؟؟؟؟؟؟؟؟؟؟؟؟؟؟؟

 

مو بس إهمال +دوس على المشاعر

خاطرة:

لو بحثنا في ملف الميزانية للشركة لماذا يوضع الموظف والذي هو الاستثمار الحقيقي في خانة المصروفات (Expenses) بينما يوضع الكرسي (مثلا) في خانة الأصول (Assets)؟

الموظف صار رقم عند الشركة. ما في إحساس و لا مراعاة لمشاعر الناس. تخيل إن صفحة الإنترا نت تسجل لك إجازة الوفاة (باليوم) و تسمى
death leave
و الود ودهم تعطيهم صور أهلك و هم يبكون و يتضرعون إلى الله يشافي مريضهم. يعني إذا خلصوا أهلنا الله يحفظ الجميع نرجع للإنترا نت علشان نتذكر تواريخ وفاتهم و الظروف" اللطيفة" اللي تصاحب وفاة عزيز. بس عندهم خلل بالإنترا نت: ما يحطون إسم المتوفي علشان ما يصير لبس و نحزن على أخونا بدل أبونا بالغلط. !!!!
يمكن هذي الأمور تدش بالتقييم و الدرجات. ما كو إلا ناخذ إجازات من رصيدنا و نفتك من الحالتين
أنا عن نفسي قمت أخاف أفتح صفحة الإنترا نت
أرد من الحين على اللي بيقول الموت حق و درب كلنا ماشين فيه. على راسي بس لازم أتذكر فقدان عزيز كل يوم!!!!!

 

نظام ولااروع ولاكن صدق ولاماتصدق
انا اشتغل بالبرنامج مكسيمو من اول ماطلع
وليلحين اسجل وادخل بيانات غلط والجهاز ماشى عندى موظفين منتهية عقودهم بالشركة منذ سنتين واساميهم شغالة والموظفين الى عندى ماتقبل بياناتهم
الى يشتغل زيد والى يسجل عبيد !!!!
والادهى والامر موظفين الشركة اساميهم ماتقبل والمقاول يقبل !!

 

لو كل شخص أدى العمل المطلوب منه وتعب نفسه وسأل عن النظام وطريقة عملة لعرف الجميع أنه نظام مكسيمو نظام عالمي يستخدمه كثير من الشركات العالمية وهو نظام يساعد في عملية الحسابات والتكاليف وهو خليط بين النظام المحاسبي السريع والنظام الفني حيث يقوم بجدولة الأعمال ومتابعتها وحصرها بطريقه عجيبة وسريعه

 

الخبير مو موضوعه الماكسيمو

يعجبني إشلون الموضوع يطلع عن أصله. أعتقد إن اللي مشارك بهذا الموضوع ما قاعد يتكلم عن الماكسيمو. بس بقدرة قادر صار الموضوع ماكسيمو و مو معاناة الموظفين من إهمال بالتدريب ولا الحس الرفيع اللي حاصل عندنا.