أبشركم ياعمال مصفاة الأحمدي !!

ان صدق الخبر ... نقول

مبروكين لمصافتنا الأحمدي


أخيرا انتهت المعاناة وعقبال التطورات الجديدة



وعقبال اخواننا في ميناء عبد الله والشعيبة

 

بالمبارك إن شاء الله
وعقبال يشيلون إللي عندنا بالشركة !!

 

اذا صج كلامك اخوى
مبرووووووووووووووووووووكين
والفال لنا حتى نفتك منهم

 

والله نتمنى وانشاله الخبر صحيح

 

والله انا مستغرب يعني شفرقت منشات ولا سكيورتي كلهم بيسون نفش الشغل
؟؟

 

والله هذا الخبر محبط أمنين, ترا يا جماعة الأمن نعمة وما أعتقد أن السكيورتي قادرين على تحمل هذي المسؤلية ألحين ولا ننسا أنهم شباب صغار وتنقصهم الخبرة.
حبيت أسأل سؤال لي هذي الدرجة أمن المنشأة قامتين هلى قلوبكم با العكس معظم الأحيان أشوفهم متفهمي الأمور.

 

امن المنشآت افضل من الناحية الامنية كونهم جهة تتبع وزارة الداخلية ولديهم صلاحيات امنية كبيرة . وجهة لاتتبع قوانين الشركة ..
موظفين السكيورتي فيهم الخير ولكن صلاحياتهم محدودة ومغيدين بقوانين الشركة . ولكن لو اعطت لهم صلاحيات مطلقة ليس عليها اي قيود واصبحوا مثل شركات الحراسة الخاصة الموجودة بالعراق مثل شركة بلاك ووتر هنا فقط نقول لموظفي الشركة الذين يتذمرون من امن المنشأت مبروك

 

يا جماعة اهي مو سالفة تلفون .. سالفة الاكل ... مرات بشفت العصر ولا الليل نكون طالبين اكل من بره .. ولا على حظنا الحبيب اللى عالباب زافه الضابط ولا مطنقر يقول ممنوع يدش الاكل !!!! ولما تييبله واسطه يدخلك جدور المطعم كلها .. يعني السالفة ايضا فيها واسطة .... يا جماعة والله اعرف موظف مقاول كويتي يقولي العسكري عطاه رقمه وقاله انشالله لو صادوك مدخل قنبله انت بس دق علي ... شفتوا لي وين وصلنا ؟؟

 

مستانس يالحبيب ما اردا من المنسدح الا الواقف اسف لا تجريح بس امن المنشئات ابرك من االسكيورتي انا عاصرت تفتيش السكيورتي قبل امن المنشئات الله يعزك حتى جسمك من ورا يفتشه ما يخلي شي الى يفتشه وراح تشوف امن المنشئات مدلعينكم حتى الموبايل الي ممنوع نحصل اوبريتر في المصفاة مدخل الموبايل وراح تشوف يالحبيب

 

آنا مرة لحقوني شباب السكيورتي الصغار ، وقالي واحد منهم لازم تحترمنا ترى احنا رجال أمن ... وبدأ يهددني وراحوا ولحقتهم واشتكيت عليهم عند رئيسهم و وعدني انه يعاقبهم ، لأني ماسويت شي! وهو فهم تصرفي خطأ وانه قلة احترام.
هذيله شباب ومندفعين وماعندهم خبرة بالحياة ولا بالعمل ولاعندهم علاقات مع غيرهم ،
إذا كان لازم يمسكونهم كل الأمن لازم يكون معاهم واحد خبرة أو يخلونهم تحت التدريب مدة خمسة سنوات أو أكثر حتى يتحلمون شلون يتعاملون مع العامل بطريقة حضارية ، لأنه بروحة كارف كرف ومخه مشغول ، ويجب أخذ نفسية العامل بالإعتبار.
وصارت لي سالف إيجابية مع شباب السكيورتي ، كان واحد من شباب السكيورتي الناضجين ( بالعقل موبالعمر) يبتسم عند البوابة رحت صفطت السيارة ورجعت له مشي وقلت له (( والله لو تخالفني وانته تبتسم ، على قلبي عسل )) شكرني على إطرائي جزاه الله خير .