ليش الأسكان مايخصص مناطق سكن لموظفي البترول؟؟

الكاتب : ابوراشد | المشاهدات : 1,127 | الردود : 13 | ‏28 سبتمبر 2007
  1. ابوراشد

    ابوراشد بـترولـي نشيط جدا

    303
    2
    18
    السلام عليكم ورحمة الله وبركاته

    ياجماعة الكل يعرف ظروف عمل موظفي البترول من شقا وتعب وشفتات ومو ملحق الواحد على بيته ولا عياله وكل هذا في سبيل خدمة وطنه

    البعض يقول الشرطه نفس شفتاتكم والكهرباء ومادري شنو ,, انا اقول نعم نفس شفتاتنا
    لكن هل فيه التزام مثل التزامنا؟؟؟؟؟
    الشرطه واي مكان فيه نفس شفتاتنا تلاقي واحد يمسك الزام والباقين مزرقين
    لكن عندنا بالتايم وان تأخرت واحد ينطرك وتردها له في اليوم اللي وراه واذا صار نقص وماجيت اوفر تايم كم مره تبي ترتاح قالوا هذا مو متعاون وشهوا سمعتك,,, هذا غير الظغوط النفسيه اللي يداوم بالمصافي تقول داخل سجن تفتيش ذاتي اول مايدخل ومرات وهو طالع المباحث مسوين كمين يفتشون تقول خاشين مخدرات وكل هذا عشان ولاعه او تلفون
    وممنوع التلفون وومنوع الولاعه وممنوع الجرايد وممنوع الأكل من برى واللي يداومون في الوفره او في الروضتين او الخفجي هذولا الله يعينهم ساعتين حق الروحه وساعتين حق الرده وثمان ساعات بالدوام بس طار اليوم كله,,,

    فودنا لو المؤسسة تتبنى عمل مناطق سكن لموظفي القطاع النفطي ,, وانتم شايفين ماشاءالله الخير واجد ولله الحمد واعتقد ان العدد مو واجد على حسب كلام السياسه ان اللي بتحوشهم الزياده بحدود 20 الف موظف وموظفه شيل اللي عندهم بيوت وشيل الحريم يمكن يبقى اقل من النص,,, يعني منطقه وحده بس كافيه

    ولا شرايكم ياجماعه مانستاهل؟
     
  2. خالد محمد العجمي

    خالد محمد العجمي بـترولـي جـديـد

    بوراشد انتى تستاهل كل خير صراحه فكره ممتازه او يكون هناك قرض اسكاني حق عاملين القطاع
     
  3. ابوراشد

    ابوراشد بـترولـي نشيط جدا

    303
    2
    18
    صح كلامك اخوي خالد
    او يكون هناك قرض اسكاني
    ولو اني افضل المناطق السكنيه
    بلا دوخه راس وقروض ومادري شنو
     
  4. loard

    loard بـترولـي نشيط جدا

    216
    0
    0
    مهندس
    الكويت
    حسب علمي من الاخوان في اتحاد البترول ان هذا المطلب انطرح بالمفاوضات وسعد الشويب اكد ذلك ........شمال الاحمدي ومنها مستشفى جديدوجمعيه للقطاع النفطي
     
  5. أبـومبـــــــــــارك

    أبـومبـــــــــــارك بـترولـي نشيط

    61
    0
    0
    على كلام سعد الشويب هناك توجه لوجود منطقه سكنيه
    لقطاع النفطى
     
  6. أبو طلال

    أبو طلال بـترولـي نشيط جدا

    430
    0
    0
    أخي الكريم أبو راشد ...

    فكره جميله ... و لكن صعبة التنفيذ ...

    فماذا سيكون وضع المتقاعدين و من يستقيل

    من القطاع النفطي ... و بلا شك أن أي منطقه

    مشابهه ستكون قريبه من المنشآت النفطيه ... فكيف

    سيكون وضعها البيئي و التلوث ...

    أعتقد أنه ممكن إنشاء نوادي و جمعيات و مستشفى جديد

    و بعض المرافق الخدماتيه لموظفي القطاع النفطي ... و لكن

    منطقه سكنيه خاصه ... قد تكون صعبه ... مع أننا نتمنى أن تتحقق ..
     
  7. loard

    loard بـترولـي نشيط جدا

    216
    0
    0
    مهندس
    الكويت
    يقولون انها راح تصير مثل مدينه الجبيل الصناعيه كامله الخدمات من فلل وجمعيات ومدارس ومستشفيات
     
  8. Fire

    Fire بـترولـي جـديـد

    44
    0
    0
    الفكره حيل جميله بس متى التطبيق ؟
     
  9. نسناس

    نسناس بـترولـي جـديـد

    37
    0
    0
    شركات النفط الخليجيه كل موظف يحق له سكن ارض وقرض طبعا يعطونه على حسب راتبه كل مازاد الراتب يزيد القرض ويستقطعونه بشي رمزي شهريا واذا تقاعد الشخص يصفون حقوقه ويقصون منه الباقي من القرض

    انا اعرف شخص مصري كان يشتغل معنا مقاول وبعدها حصل على عقد في الامارات وصرفوا له بيت هو وعائلته


    انا من المؤيدين لكلامكم وياليت يوافقون عليه
     
  10. Q8GAS

    Q8GAS بـترولـي مميز

    514
    0
    16
    والله خوش فكره بس أفضل طريقة الأرض والقرض لكل موظف بالقطاع النفطي والله كريم .
     
  11. Q8_oil

    Q8_oil بـترولـي خـاص

    1,387
    0
    0
    و الله كلامك صحيح و أتمنى ذلك
     
  12. بترولي

    بترولي بـترولـي نشيط

    78
    0
    0
    السلام عليكم

    الاخوه الزملاء الاعزاء:

    مساكن شركة نفط الكويت(الاحمدي) لموظفي شركة النفط فقط .ولكن الوضع الحالي اختلف . جميع الشركات النفطيه تحت مظلة مؤسسة البترول الوطنيه . يعني المفروض تكون المساكن التي بالاحمدي لجميع موظفي البترول وليس لموظفي شركة النفط فقط.


    شنو رايكم بهالاقتراح؟
     
  13. PIC

    PIC بـترولـي نشيط جدا

    313
    0
    0
    اقتراح حلو

    بس يكون مؤقت لأنها بيوت قديمة جدا

    وإنشاء مدينة لموظفي القطاع النفطي ما هو صعب على دولة غنية مثل بلدنا

    لكن وين صاحب القرار

    مستشفي مو قادرين يبنونه!!

    وشلون مدينة

    الله كريم

    ما فيه شيء على الله قوي
     
  14. Koc

    Koc بـترولـي جـديـد

    34
    0
    0
    مـراقب أمن وسلامـه
    Kuwait
    فكرة جدا ممتازه وسهله بينا

    لكن صعبه ومستحيله عند البترول للاسف
     
جاري تحميل الصفحة...

مشاركة هذه الصفحة