ساعات الانتر نت

الكاتب : frfosha | المشاهدات : 998 | الردود : 17 | ‏23 أكتوبر 2007
  1. frfosha

    frfosha بـترولـي مميز

    753
    0
    0
    شنو هالتخلف بهالشركه شنو يعني ساعتين حق كل موظف ما عدا المدراء والمشرفين ساعات غير محدده والله أنهم متخلفين اذا اهم يفكرون أنه راح ياخذ وقتهم عن العمل ترى حتى السوالف وشرب الجاي والريوق ياخذ وقتك عن العمل والله تخللللللللللللللللللللللللللللللف وشكرا
     
    آخر تعديل بواسطة المشرف: ‏23 أكتوبر 2007
  2. كلامي فوق

    كلامي فوق بـترولـي جـديـد

    19
    0
    0
    التخلف هههههههه حلوه التخلف

    أصلا التخلف برأسه يستحي لما يشوف هالديناصورات

    أنا سمعت من ديوانية عروقها بالنفط إنهم يفكرون يفتحون كوفي نت :eek: لا والأسعار راح تكون ببلاش

    الساعة 232 فلس والدفع كاش

    المهم لاتنسون تخردون فلسات حق النت
     
  3. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
  4. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أظنهم يقولون الموظف كافي عليه ساعتين فقط لأن لو عطيناه أكثر

    بيضيع وقت العمل كله في الانترنت

    وأنا بصراحة أوافقهم في هذه النقطة لأن معظم أقسام المصافي لهم كمبيوتر مشترك يعني ممكن أقسام فيها كل عشرة أشخاص على جهاز


    يعني تصوري لو كل واحد بنعطيه ثمان ساعات اللي بيستخدم الجهاز واحد من العشرة أشخاص


    لذلك حطوا ساعتين فقط لكل موظف ...هذه هي الحالى اللي أنا أقصدها



    أما الحالة الثانية فهي لأصحاب المكاتب يعني كمبيوتر شخصي كل موظف عمله مرتبط بمكتب أو مكان واحد هذا هو اللي أعتقد تقصدينه

    ففي هذه الحالة أنا معك ان الموظف اللي على مكتبه وعنده حاسب شخصي وشغله مكتبي

    فما المانع أن يكون الانترنت مفتوح ..وهذا من صالح الشركة ..لان هناك شيء يمسك الموظف للجلوس على مكتبه

    لأن اذا خلص شغله .. وما عنده شيء يسليه على مكتبه بيروح يفر على المكاتب الثانية وبتتصل عليه أو اذا بغيته في شغل

    ماراح تلقاه على المكتب

    اذن فالأفضل لهذا أن تفتح له الانترنت


    هذا رأيي[​IMG]
     
    آخر تعديل: ‏23 أكتوبر 2007
  5. ولد الفحيحيل

    ولد الفحيحيل بـترولـي نشيط جدا

    330
    0
    0
    snr.feald operator
    فحيحيلاوي
    قولي الحمدلله عندج ساعتين هههههههههههههههههههههههه
    احنا يالمشغلين ماعندنا ولا دقيقه قاعدين نظبط السوبر فايزر عشان ناخذ الساعتين اللي عنده لا والساعتين تتوزع على الشباب بالشفت
    يعني يااااااااااااادوووووووووووبك الواحد يطلع له اربع دقايق و32 ثانيه بسسس :):):):):
     
  6. كنبس

    كنبس بـترولـي مميز

    814
    0
    0
    ياجماعه ترى صج كلام الاخت هالشركه حزززره على موظفينها والهنود بالمكاتب طايحين له جرايد هنديه
    ولا بعد بورصات اجنبيه وتبادل ايميلات وصور وافلام وما يندرى شنو بعد !!!
    شوفو موظف النفط koc كل واحد له يوزر نيم ومفتوح بس مشكلتهم ماكو اجهزه متوفره كثير ومشاكل الخطوط عندهم تعبانه
    اما احنا خلفله علينا تدور النت غصب حتى الساعتين طراره ونطر بعد جهاز فاضى
    وغيرنا يلعب لعب بالانترنت
    ولا بعد يتحكمون بكل شي لا مواقع ولا شي ولا برامج ولا العاب غثه في غثه
    ما قول الا الديره صااارت طبقات. طبقات فوق طبقات. اميييييييييييييه طبقات ههههههههههههههه
    الله يخلى لابتوب البيت ابرك منهم ويخلى wifi والقهاوى والايقو ل mtc
    تحياتي
     
  7. زهرة التوليب

    زهرة التوليب بـترولـي خـاص

    اشوف النت ما يأخر المسؤولين عن شغلهم ؟؟
    اغلبهم شابكين 24 ساعه على صفحه البورصه :p

    واحنا وعليه علينا ساعتين وعلينا بالحسره
    لا وفوق هذا مواقع وايد قافلينها من غير سبب
     
  8. frfosha

    frfosha بـترولـي مميز

    753
    0
    0
    والله ضحكتني يا كنبس على سالفة الطبقات ويعطيكم الف عافيه وشوفو يوم قمت استخدم جهاز مسؤولي واهوا بره ما نحشت من الدوام هذي ميزه جيده بعد لووووووووووووووووووول
     
  9. كنبس

    كنبس بـترولـي مميز

    814
    0
    0
    والله انا اطقطق مرات مني ومناك شويه هنى وشويه هناك
    يعنى شويه من الشفت كنترول وشويه من السوبرفايزر وشويه بره بالمواقف بالابتوب والمسنجر والسكاي بي
    يالله قاااااااااااااااااازره
     
  10. Neilz

    Neilz بـترولـي نشيط جدا

    242
    0
    0
    انا برايي انه ساعتين كافي تدرون ليش اهمه معطينا الساعتين عشان نجيك ترا على ايميل الشركه او على الاوفر تايم او على السيك والاجازات مو حق مواقع او تنزيل اغاني او افلام انا اعتقد انها كافيه صج انه السوبر فايزريه 8 ساعات مفتوووووحه طوووول الشفت بس الحمدالله شي احسن من ولا شي لاتنسون انه قبل ماكان في شي لا نت و لاكمبيوتر عدل الحمدالله تطور شوي شوي

    قولو الحمدالله
     
  11. هامور كبر

    هامور كبر بـترولـي جـديـد

    22
    0
    0
    يه عادي الناس طبقات ايل عامل يسير مميزاته مثل المدير وش هل حجي لا يبه المدير هم انترنت البيت على الشركه وتوصله جرايد يومبه للبيت
     
  12. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    والله أختي فرفوشا كلامج عدل
     
  13. فنطاسي

    فنطاسي بـترولـي نشيط

    53
    0
    0
    احمدو ربكم كل شي تبون مثل المسؤلين قولو نبي سيارات بعد
    درسو وصيرو مسؤلين واخذو مثلهم ........انا عندي ثمن ساعات والحمدلله
    واللي يبي اعطيه منهم كم يدفعلي ههههههههههههههه
     
  14. ENG78

    ENG78 بـترولـي جـديـد

    18
    0
    0
    للعلم أصدقائي في ال Koc يقولون الإنترنت مفتوح والمسنجر مسموح , انا لي ساعتين تكفيني, ولكن هل تقليص المدة إلى ساعتين باليوم عادل ام لا. ياترى ما القصد وراء ذلك؟
     
  15. غيوره جدا

    غيوره جدا بـترولـي نشيط جدا

    249
    0
    0
    Specialist
    Virtuous City
    حقدت عليك فنطاسي ..;)

    واللهي ماني عارفه شالقصد من ورا ساعتين بس ؟!

    يعني موظفين ال knpc احسن اداء من ال koc وال kpc مثلا !!

    افتكر ان الواحد قعدته بمكتبه مع انترنت طول اليوم ارز له وابركله من انه يرز عمره بمكاتب الناس و التجمعات اللي مالها داعي

    عالاقل لا صار بمكتبه يصير يم شغله و تلفونه و اذا احتاجوه يلقونه

    السالفه يبيلها شوية تمعن و شوية منطق

    يا ليت النقابه تطالب فيها او الاداره العليا توفرها بدون وجع راس و اسوه بباقي الشركات

    اول عادي انطوف بس الحين مع منتداكم صعبه :)
     
  16. الامبراطور

    الامبراطور بـترولـي جـديـد

    12
    0
    0
    فعلا تخلف

    السلام عليكم
    اول ما يابوا لنا الكمبيوتر احنا مجموعه من المراقبين كنا ما نعرف اي شي بالكمبيوتر
    عقب جم يوم قالوا لنا لكم دوره بالكمبيوترخاصه بإدخال البيانات الخاصه بالعمل ا لمتعلق بالصيانه
    طبعا كل اللي كانوا معانا بالدوره لا يفقهون شيئا بالكمبيوتر و الادهى و الامر بعضهم لا يفقه شيئا باللغه الانجليزيه و المحاضر المسكين كلامه كله بالانجليزي و المصطلحات كلها بالانجليزي
    المهم مرت الايام والاشهر و احنا نطقق بالكمبيوتر و نسأل عيالنا عن بعض الاشياء في الكمبيوتر ياللله قمنا نمشي حالنا فيه و بالنسبه لادخال طلب العمل للصيانه احيانا كان يصتصعب علينا
    و في احد الاجتماعات مع مدير العمليات قال لنا منو عنده اي استفسار او اي طلب يومها كان فيه خبر اضراب المشرفين و المراقبين اقصد shift control & shift supervisors و الاجتماع كان بوقت مو طبيعي الساعه 3 الفجر بدون ذكر المكان المهم سأل احد الأخوه قال له بالنسبه للكمبيوتر و ادخال طلب العمل للصيانه اللي هو ال maximo فيه صعوبه شويه
    تخيل شنو كانت اجابته و رده مادري كان يبي يستظرف دمه او كان يتطنز والله مادري طبعا المهم قال لو كان رسيفر و مطلوب منكم فك الشفره عشان تطلعون القنوات الاباحيه جان عرفتوا لها بس عشان الموضوع يتعلق بالشغل تقولون انه صعب... بذمتكطم هذا رد مدير عمليات ؟؟؟ على فكره دائما المسئولين يحطون ببالهم سوء الظن و مستحيل يحسنون الظن يعني اللي ابي اوصل له انه لو واحد طلب من احد المسئولين زيادة ساعات الانترنت يقول لك شتبون في الانترنت اكيد تبون تدخلون مواقع ..... و ترى بالنسبه للساعتين نص الوقت يضيع في النتقال من موقع الى موقع و اكثر المواقع مسكره blocked from knpc ناهيك عن المسنجر المقطوع و الايميل اذا انترس ما يستقبل رسائل و الله مثل ما قلتوا بالبدايه تخلف و بدائيه
     
  17. مواق

    مواق بـترولـي مميز

    501
    0
    0
    من منكم جرب بروكسي لفتح النت :cool:.. مرات اشبك النت عن طريق البروكسي اذا خلص رصيد الساعتين . لكن هذه الطريقة لازم تكون بحذر وحتراف وفي اوقات معينه فقط ..
     
  18. غيوره جدا

    غيوره جدا بـترولـي نشيط جدا

    249
    0
    0
    Specialist
    Virtuous City
    مواق دشلي برايفت و علمني ضروري

    :)
     
جاري تحميل الصفحة...

مشاركة هذه الصفحة