معقوله! تجي منك ( لكل إبن عاق )

الكاتب : نفطي كويتي | المشاهدات : 336 | الردود : 4 | ‏20 مارس 2008
  1. نفطي كويتي

    نفطي كويتي بـترولـي خـاص أعضاء الشرف

    2,016
    12
    38

    إمرأه يرمي بها ولدها ويتركها ويرحل والأم المسكينه تنادي بإبنها ولكن..لا من مجيب
    وتنطلق تنهيده من قلبها مرت مدة من الزمن
    وقد ودعت حياتها رحمها الله


    فكتبها الشاعر ليتكلم عن هذه القصه وتم إنشادها

    --+ +--
    الشـاعر :
    ســـالم سيار

    إسم الشــعر : دعوة الغفران


    المنــــشد : خير الله


    الشــــريط: معقوله!


    الكلـــــمات:

    مو معقوله تجي منك وترميني لاي انسان
    يلملمني ولا يلقى بعيوني غير دمعاتي

    انا ماصدق انك انت تنهيني من الوجدان
    وترميني وانا اشوف القبر نادى مسافاتي

    وكسرني الشتاء ياوليدي وانت بداخلي دفيان
    تحملت الاسى والظيم عشانك يابعد ذاتي

    وصحى بي البرد واللاهوب وانت بداخلي غفيان
    تحملت السنين وقلت على الله تلملم شتاتي

    انا امك ياهيــــــــــــــــــه امك حملتك والعذاب الوان
    ولدتك والالم سكين يركز داخل لهاتي

    وانا اثناء الولاده من بكى صوتك طعنت احزان
    لاني شفتك بصوتك تنادي كل طموحاتي

    ومهدتك فعين وعين يشرب حزنها القران
    وهزيتك وكان النور يتهزهز من دعاتي

    اضمك في يديني لاتجي وتقول انا بردان
    تركت البرد لضلوعي رح انشد رعشة شفاتي

    وزولك من ركض فيني لمست بداخلي اوطان
    وتركتك تبني بمجدك على كتف انكساراتي

    وتذكر يوم مدرستك صدى وكفوفنا الحرمان
    وكانت رنته من فلس خنقته لك بشيلاتي

    كبرت وصرت بعيوني شجاعن واشهم الفرسان
    وحلفت اني على عرسك لارقص كل شيباتي

    اسولف للبشر عنك اقول ولا به اي نقصان
    رضع عز الشهامه شب طموحه في معاناتي

    وله شان الصقر لا لا اخذ منه الصقر له شان
    يجي مثل الوضوء لاطب حنينه فوق راحاتي

    يقولون الولد هو خان اقول وليدي لا ماخان
    وهم يدرون ماغطى منامي غير وناتي

    افااااااااااا وشلون تتركني يكحلني عمى النسيان
    وانت ادري فيوم الحشر جنه تحت خطواتي


    لك الله مانطق صوتي لك الا بدعوة الغفران
    ولكن خوفي من حزني ومن دعوات عبراتي

    تدين اليوم ياوليدي وباكر للاسف تندان
    ويرمونك مثل امك وتذكر حلم شيباتي
     
  2. صح السانه وخير ما اختار

    والله ينخاف من هالزمن وهالجيل الى مايحترم والدينه


    والله لو يعرفون فضل البر بالوالدين يبوس رجيلهم صبح ومسيه

    لكن كما تدين تدان ياويلهم من ربي


    لاهنت يانفطي وخير ما اخترت للنقل يالغالي
     
  3. Safety First

    Safety First بـترولـي خـاص أعضاء الشرف

    بسم الله الرحمن الرحيم

    **وخفض لهما جناح الذل من الرحمة وقل ربي أرحمهما كما ربياني صغيرا **


    كل الشكر لك أخي الفاضل
     
  4. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    مشكوور والله يعطيك العافيه
     
  5. Blue angel

    Blue angel بـترولـي خـاص

    مشكور نفطي و يعطيك العافيه :)
     
جاري تحميل الصفحة...

مشاركة هذه الصفحة