فترات الدوام الرسمي في فصل الشتاء

الكاتب : frfosha | المشاهدات : 819 | الردود : 13 | ‏23 أكتوبر 2007
  1. frfosha

    frfosha بـترولـي مميز

    753
    0
    0
    أتمنى من النقابه النظر في فترة الدوامات الرسميه في فصل الشتاء بصراحه اللي بيته بالديره شصير فيه وتخيل بهذا الفصل تطلع من بيتك الشمس ما طلعت وعلى ما توصل دوامك واحنا بعد الله خير تعال شوفنا يا البنات بمصفاة الاحمدي بعز البرد عند البوابه ننطر الباصات عشان تنقلنا الى مواقعنا ومشالله على شركتنا حاطتلنا باص واحد ينقل 37 موظفه يا جماعه شوفولنا حل بفترة الدوام وحل ثاني حق انتظار الباصات حطولنا غرفه صغيره نتجمع فيها ننتظر فيها الباص سواء كان بالشتاء أو بالصيف ، والله انهم حاطيلنا سور أحظر شفتو شبك سوق الغنم بالضبط مثله ويعطيكم الف عافيه
     
  2. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    اقتراح للأخت فرفوشة حتى يصير الموضوع رسمي اجتمعي أنتي والزميلات في المصفاة واكتبوا كتاب للنقابة

    بهذا الطلب وأتوقع الموضوع سهل جدا


    هذا من رأيي
     
  3. dehen_3ood

    dehen_3ood بـترولـي خـاص أعضاء الشرف

    الله يعينكم اختي الكريمة !!
    بالبرد السحتني وبالقيض والحر !!
    ومثل ما تفضل اخوي الوسام اجتمعوا كلكم وكتبوا كتاب مذيل بتواقيعكم للنقابة
    وإن شاء الله تشوف لكم حل من هالمعاناة
     
  4. ولد الفحيحيل

    ولد الفحيحيل بـترولـي نشيط جدا

    330
    0
    0
    snr.feald operator
    فحيحيلاوي
    بانسبه لموضوع الانتظار اختي فرفوشه موجود غرفه انتظار مكيفه بالصيف للنساء بس الظاهر ماشفتيها . مكانها مقابل موقف الباصات
    وبالنسبه للتأخير اللي بسبب الباصات هذي مشكله الشباب والبنات كلهم مو بس انتي
    والله يعين انشالله ومنا الى المسؤلين :(
     
  5. frfosha

    frfosha بـترولـي مميز

    753
    0
    0
    جمعت من بنات المصافي تواقيع وسلمناها للنقابه للوصول الى حل والى الان لا يوجد حل وهذا من قبل 3 سنوات ، أما بالنسبه للاخ ولد الفحيحيل أنت تتكلم عن البوابه الرئيسيه للمصافي لا يوجد اي بنت تدخل من هناك لانه وانت عارف بطبيعة الحال الشباب كثيره في هذه المنطقه ويفضلون ان يكونو على البواابه الثانيه المقابله مبنى الادارة ونعم يوجد غرفة انتظار مكيفه بس كم تبعد عن البوابه التي بقرب مبنى الاداره ومن يكون في هذه الغرفه يا اخي العزيز الظاهر انت لم تدخلها ولا مره لانه كل سواق الباصات والهنود المقاول والبنقاليه تجمعهم هذه الغرفه وأتمنى لو تلقى نظره ولا أعتقد بشيمة رجالنا يرضون بالوقوف والانتظار أمام الشباب وعمال المقاول فلذا نظطر للوقوف بالحر أو بالبرد للانتظار الباص ويا اخي الفاضل للرجال 21 باص ولكن فعلا يكون مخصص لكل شركه بس أنت كشاب تستطيع الركوب مع أي شاب آخر غير عن البنات وانشالله تكون رسالتي يا ولد فحيحيل وصلت وشكرا
     
  6. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم

    كلامج صحيح اختي وصالة انتظار الحريم صارت غرفه خاصه للهنود والسواقين
    ولكن يوجد فاكس للنقابه سوي شكوى رسميه ووقعوا عليها كلكم ودزيها بالفاكس على النقابه
    او شوفي امين سر النقابه موجود في مصفاة الأحمدي اتصلوا فيه واجتمعوا معاه واشرحوا له مشكتلكم
     
  7. frfosha

    frfosha بـترولـي مميز

    753
    0
    0
    Q8ow مشكور وايد على الرد وأتمنى اذا يتواجد عندك رقم فاكس النقابه تدزلي عشان احط ريمايندر على كتابي واطرشه لهم ولك جزيل الشكر
     
  8. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    حاليا مو عندي بس ان شاءالله في اقرب وقت اجيبه
    او اذا احد من الاخوان يعرف يحطه لنا
     
  9. frfosha

    frfosha بـترولـي مميز

    753
    0
    0
    تسلم على هالتعاون وبصراحه مو غريبه عليكم روح التعاون
     
  10. كلامي فوق

    كلامي فوق بـترولـي جـديـد

    19
    0
    0
    تفضلوا رقم فاكس النقابة

    3980066
     
  11. frfosha

    frfosha بـترولـي مميز

    753
    0
    0
    وااااااااااااااااااااااااايد مشكورين على هالتعاون وانشالله تنحل مشكلتنا يا البنات والله المستعان
     
  12. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    جزاك الله خير اخوي كلامي فوق
     
  13. محمد الشيباني

    محمد الشيباني بـترولـي نشيط جدا

    306
    0
    0
    اختي فرفوشا انا اقترح يخلونكم تدخلون بسياراتكم الخاصه و هذا الحل افضل حل لكم وعددكم قليل اما بالنسبه للنقابه ما راح يسوون لكم شي لانكم ما تحضرون للانتخابات فبالتالي ما منكم فايده في نظرهم .

    اما بالنسبه للغرفه صعبه على الشركه و راح تلقين الهنود متسدحين فيها وريحتهم تصرع .
     
  14. kifanchi

    kifanchi بـترولـي جـديـد

    6
    0
    0
    الأستقالة ابرك من هالعذاب
     
جاري تحميل الصفحة...

مشاركة هذه الصفحة