كن حذر من التسمم (الماي)

الكاتب : ام ريما | المشاهدات : 961 | الردود : 14 | ‏23 أكتوبر 2007
  1. ام ريما

    ام ريما بـترولـي مميز

    السلام ياجماعه عندي لكم موضوووع مهم وانشالله راح تستفيدون منه لان ادري كلم كسولين تتصلون على البانترى وتطلبون شاي او ماي او قهوه قبل كل هذا انتوا رحتوا المطبخ وشفتوا الحنفيه والفلتر مال الماي ترى من سنة الطفحة مومغيرينه ومصدي والله احنا دخلنا المطبخ ولا الفلتر حده وصخ لسلامتكم روحوا شوفوا الفلتر قبل كل شي وبلا كسل يالله كل واحد يروح ويشوف والله جد اتكلم لاتتسممون اشوف انا كل مالي خلق اداوم الظاهر من الماي اللي اشربه ههههه عندي عذر
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    الله يكون بعونكم
    بالعفل اهمال في اهم الأمور
    قد ينظر اليها البعض على انها امور بسيطه
    ولكن كل مايتعلق بصحة الموظف هو مهم بالنسبه لنا
     
  3. SMART_BOY

    SMART_BOY بـترولـي نشيط جدا

    189
    0
    0
    أن اصار معاي ببيتي

    تغير طعم الماي مو ليه

    لما كشفنا المستور

    آآآآآه من المستور يا أم ريما

    اظهر وبان عليك الامان

    بلاااااااااااااااااااوي


    وتم ولله الحمد عمل اللازم


    شكرا يا ام ريما
     
  4. البرقان

    البرقان بـترولـي نشيط

    82
    0
    6
    ان كانت العملية حسب الانظمة

    فقسم صيانة المباني .. هم الموكل لهم القيام بهذه العملية

    بعد تركيب الفلتر .. يتم تنظيفه مرتين و في الثالة يتم التبديل

    و الفارق الزمني بين كل عملية يعتمد على عدد العمالة ....

    ولكن

    المشكلة .. الحقيقة انه يوجد في الشركة قوانين

    و صلت الى قياس قوة الضوء لكل مكتب وهل هو مناسب ام اعلى من المعدل

    ولكن اين هو من يفعل هذه القوانين ..............:cool:
     
  5. SMART_BOY

    SMART_BOY بـترولـي نشيط جدا

    189
    0
    0
    شتقول يا برقان

    القوانين ياخذونها خص نص من الشركات الأجنبية والمعايير العالمية (ستاندرد يعني)


    كل شي بالشركة ماخوذ من برا

    ولا يدرون هم شخذو اصلا


    وبعدين يقولون لما تبي اي تغيير


    ذس از كي او سي ستاندرد



    يا هالاستاندرد اللي جانا بلوى
     
  6. sanjar

    sanjar بـترولـي نشيط

    يا جماعة صلوا على النبي

    لا تتجنون على الصيانه انا ما صادفني اللي تقولون عليه اذا فيه شئ معطل عندكم دقوا على الصيانة صحيح انكم لازم تكلمونه اكثر من مرة بس الصراحة يجون ويغيرون اللي تبون او اذا تبون تغيير الفلتر مثل ما تبي الاخت ام ريما يسوونه بدقايق .
     
  7. SMART_BOY

    SMART_BOY بـترولـي نشيط جدا

    189
    0
    0
    ما نقول والله فيهم شي

    جهودهم مشكورة

    والله يعطيهم العافية

    وهذا والله ما هو تجني ... ولا قصدنا والله نضر أحد


    بس نذكر ما واجهنا

    وهم والله ما يقصرون


    يا شيخ شيلحقون عليه ... على ايه والا على ايه

    الله يعطيهم العافية



    وبعدين .. رضى الناس غاية لا تدرك


    إذا نقابتنا الحالية على كل انجازاتها في ناس مو راضين عليها لا الحين

    فما بالك بغيرهم

    أرجو أن تتقبل مروري .. ووجهة نظري .. تحياتي
    تحياتي
     
  8. ام ريما

    ام ريما بـترولـي مميز

    مشكورين عالمرور بس ماكو فايده من قسم الصيانه يعني تطلع روحك على مايووووون عندنا التكيف خربان نتصل عليهم وبعد سبوع ايون على مااحنا متنا من الحر خلها عالله حبيبي لاحياة لمن تنادي
     
  9. شكرا ً لج ام ريما على هالنصايح ..


    بالنسبة للبانتري الي اب سنترنا ,, الحمد الله الوضع مستتب :)


    توني مجيك عليه :)




    تحياتي ..
     
  10. Mr. Engineer

    Mr. Engineer بـترولـي مميز

    662
    0
    0
    و الله احنا بالـKOC ماشيين عالبركة و بحفظ الله،

    آنا كنت أداوم في مكاتب برقان، و كنا نشرب الماي العادي من الحنفية و للـ Team Leaders يعطون ماي بطول الروضتين، و فجأة لقيناهم يييبون كراتين ماي الروضتين البطل الكبير، حاسبين حق كل موظف بطل في اليوم، استغربنا شالكرم الحاتمي ؟ :confused:

    بعد الاستفسار و التدقيق من بعض موظفي الـ HSE ، درينا إن التانكي ماله غطا و أنه متروس حشرات و طيور ميتة، و أنه معرض للغازات و الأبخرة الصادرة من مراكز الانتاج في الحقول، :eek:

    فخافوا أحد يصير فيه شي فقالوا لا تشربون إلا ماي بطول، و بعد شهر واحد توقف إمداد ماي البطول، و رجعنا للماي الملوث مرة ثانية!!! :mad:

    خلوها على الله
     
  11. ام ريما

    ام ريما بـترولـي مميز

    شفتوا الحمدالله مو بس قسمنا اطلعت السالفه عند الكل واكبر دليل كلام مستر انجنير والله الواحد صار يخاف
    بس تدري الظاهر اهم لاعبينها عدل ليش احنا مأمن علينا فقالوا عادي اذا تسمموا نعطيهم تعويض :)
     
  12. HUMMER

    HUMMER بـترولـي خـاص

    انا من النوع اللي اجيك حتى على قلاص الماي قبل لاييبه حقي

    والله يستر
     
  13. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    انا اقووول اشربوو عاادي والمعدة رااح تقووم بالوااجب (:)
     
  14. dehen_3ood

    dehen_3ood بـترولـي خـاص أعضاء الشرف

    تسلمين ام ريما على هالتنبيه المهم
    ومشكوره وماقصرتي

    والحذر واجب بكل شي !!
     
  15. مختبرجي

    مختبرجي بـترولـي نشيط جدا

    196
    0
    0
    KOC
    اول شي مشكوره على الموضوع
    والحمدالله احنا بالشفت قاطين قطيه ونشرب ماي صحه
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    1,605
  2. المحرر النفطي
    الردود:
    3
    المشاهدات:
    1,833
  3. xoxq8
    الردود:
    5
    المشاهدات:
    851
  4. المحرر النفطي
    الردود:
    0
    المشاهدات:
    522
  5. المحرر النفطي
    الردود:
    0
    المشاهدات:
    734

مشاركة هذه الصفحة