مدربين الموظفين الجدد(nvq)

والله هذا الكلام عين العقل
لاكن اغلب الموضوع الجدد يكونون من حملة شهادات الدبلوم ولا اضن عندهم مشكله كبيره مع الانجليزي
لاكن يا حبذا لو كان المدرسين والمدربين من اعيال البلد

 

السلام عليكم ورحمة الله وبركاته:

اخي مانديلا ميناء الاحمدي انا اتفق معك من ناحية سياسة (( التكويت )) في القطاع النفطي

واختلف معك من ناحية ان لغة المدربين الجدد صعبه فهذا هو المطلوب

تتسائل لماذا؟

طبيعة العمل في القطاع النفطي تفرض عليك الاحتكاك بالأمريكي والبريطاني والهندي والمصري

وجنسياااات متعدده كثيره!!

لو تسأل أي شخص ماذا استفدت من دورة مؤسسة البترول ؟

لكان الجواب لاشيء !!

اللهم استفاده في تحسين لغته الأنجليزيه

وشكرا...


نــــــــــلـــــــتــــــــقـــي لـــــــنــــــرتــــــقــــــــــي

 

كلامك صحيح اخوي Agrp

ولاكن .........


انا احد تلاميذ هؤلاء المدرسين والعلم والاوراق اللي يحتفض بها ويشرحها لا نستفيد منها الا الشي القليل القليل

وذلك ..........

لان اكثر ما ياتون به هو على شكل تدريب الموظف في اول مراحله

والاسئله التي يسئلها هي الاعمال الروتينيه الذي يعملها الموظف العادي

ولكن اللغه هي التي اللي تستطيع ان تقول اننا استفدنا منهم ولو كنا نود انهم كانو متواجدون معنا فالبدايه

وشكرا ً ً ..

 

المدربين من غير مديح ايحاولون اب شتى الطرق انهم ايوصلون المعلومه للمتدرب او مدفوع لهم مبالغ اكبيره عشان ايوصلون الموظفين الى مستوا معين من الخبره انشاله اتكون لك فايده اكبيره اذا ركزت معاهم او نتمنا لنا ولكم التوفيق

 

بوطلي اوكي ما في شي جديد قاعدين يقدمونه هذول يصلحون حق التريني

ما يصلحون حق واحد مستلم

يعني يجيني بعد خدمه 5 سنين يقولي شلون تاخذ ريدنق ولا شلون تشيك ولا شنو سيفتي

والله ودنا انه شي نستفيد منه بس مو بالمستوى هذا

 

استفسار بسيط .. بس عشان افهم

حضرتك تتكلم عن تدريب الموظفين الجدد ولا عن الـnvq ؟!

لأنه اللي اعرفه انه الـnvq مستويات .. وكل مستوى حسب طبيعة عملك

يعني لو كنت مرؤوس بتكون في level 2 .. ولو كنت مسؤول بتكون في level 3

وبعدها ممكن تكون في level 4 او Assessor !!

احتمال اكون غلطانه او اتكلم خارج صلب الموضوع !

لكنني حبيت الفائدة لأني كملت level 2 و level 3 من الـ nvq

والصرحة تنقال .. البرنامج ممتاز للي يبي يتعلم أشياء وايد .. !
ومن عيوبه مثل ما قال اخونا operator انه يطلب شغلات بسيطه من واحد خبرته تتجاوز الخمس سنوات كأنه موظف جديد ..وياخذ من وقتك الشي الكثير!!

وسامحونا على القصور