من يتضايق اكثر الرجل او المرأه من قصر القامه؟؟؟

الكاتب : OK__6 | المشاهدات : 14,200 | الردود : 13 | ‏19 مارس 2008
  1. OK__6

    OK__6 بـترولـي نشيط جدا

    303
    0
    0
    يقال الطووول هيبه

    هل تخجل كونك قصير او قصيره.. وهل تفخر اذا كنت طويل القامه؟

    وهل طول المرأه يزيد من جمالها او يقلل منها؟

    تقريبأ 90%يلبسن احذيه (اعزكم الله)طويله وطويله جدا فهل هذ1 رغبه قي ان تكون طويله؟

    وهل يتضايق الزوج اذا كانت زوجته اطول منه؟

    وماهو شعور الزوجه اذا كانت اطول من زوجها؟

    وهل الزوج يتضايق اذا زوجته كانت قصيره؟

    وهل الزوجه تنزعج اذا زوجها قصير؟

    وهل تتضايق من تعليقات من حولك على طولك المفرط او على قصر قامتك وايهم يكون مزعج اكثر.

    وهل فعلا كما الطول عز كما يقولون....

    بنسبه لي 172


    ن/م


    تقبلواا احترامي وتقديري
     
  2. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    حسب خبرتي ( شفيه بو خبرة ) :d اعتقد انه اكثر شي يلفت نظر البنت للريال من ناحية المظهر اهوا طول القامة ( العن خيرهم يموتون على الريال الطويل ) حتى تشوف الطويل ماشي سوقة و عليه اقبال حتى لو كان شبه عبد الناصر درويش.

    اعتقد قصر القامة يختلف من الرجل للمرأة خاصة بالكويت يعني عندنا متوسط طول البنت 160 تقريبا و تحت هالطول تعتبر النبت قصيرة اما متوسط طول الرجل 168 و تحت هالطول يعتبر الرجل قصير .

    شي طبيعي انه الزوج يكون اطول من زوجته الا في حالات نادرة .

    البنت تتمنى لا و مرات تصر انه الرجل يكون اطول منها و بفارق بعد . يعني ام 152 تبي بو 185 ( يمكن عشان يشيلها و يتمشى فيها )

    عامة شباب الكويت ما يحبون البنت الطويلة اللي تتعدى 170 ما عدا ( البدو ) لحد يقول عنصري ترى هذا اللي لاحظته على الربع و اذبحهم على الرقبة الطويلة ( العنقا ) :D

    عن نفسي يا زين البنت لي صار طولها بين 164 الى 168
     

    الملفات المرفقة:

  3. Shoomy

    Shoomy بـترولـي خـاص

    فديت الطوال انا

    اخي العزيز .. تساؤلات جميله

    شوف الريال يتضايق اذا كان قصير .. واذا مرته اطول منه .. في اشخاص عادي عندهم لكن في ناس هالشي يضايقهم وايد

    الطول هـــــــيـــــــــبــــه .. صج بكل ما للكلمه من معنى :D

    بصوره عامه الطول حلو على الرجل والمرأه .. في ناس يحبون طولهم وفي ناس يتضايقون من طولهم ;)

    بالنسبه لأسئلتك :

    وهل يتضايق الزوج اذا كانت زوجته اطول منه؟ --> في ناس عادي عندهم لكن بصوره عامه اي يتضايق :(

    وماهو شعور الزوجه اذا كانت اطول من زوجها؟--> تحس بالاحراج .. يعني تحس ان النظرات عليها وان الناس يتكلمون عنهم :(

    وهل الزوج يتضايق اذا زوجته كانت قصيره؟ --> بالعكس في ازواج يستانسون اذا زوجاتهم قصار .. وهذا المفروض اصلن ان الزوجه تكون اقصر من زوجها :D

    وهل الزوجه تنزعج اذا زوجها قصير؟ --> سبق وجاوبت على هالسؤال .. ايي اكييد تتضايق :(

    وهل تتضايق من تعليقات من حولك على طولك المفرط او على قصر قامتك وايهم يكون مزعج اكثر؟ --> اووووووووووووووف عد وخربط بالتعليقات :D
    لكن هالناس اللي يعلقون عندهم نقص او عقده .. عشان جذي اهم يعلقون :mad:
    اكثر شي يضايق لمن يعلقون على الطوال .. لان الطوال نادرين بالديره .. لكن القصار .. ماشالله ياكثرهم .. شعب الكويت كلهم قصاصه .. يعني نادرا ماتحصل تعليق لانك قصير :p

    في مثل يقول .. " الــطــول هــيــبــه .. والــقــصــر خــيــبــه "
    الطول نعمه من الله وعلامه من علامات الجمال .. كافي اني ما احتاج احوس بمحلات الجواتي وانتوا بكرامه عشان ادور اطول كعب ممكن عشان ابين اني طويله ;)

    ويكفي لي بغوا الناس يشوفون الشخص الطويل .. يطالعون فوق جذي :rolleyes:

    كااااااااااااااااااااااااااااااااااك .. تذكرت سالفه بس ماراح اقولها اختصارا للوقت .. اعزائي المشاهدين

    هذا رايي .. اشكرك على الموضوع هذا .. ونتمنى المشاركه من باقي الاعضاء

    تحياتي
     
  4. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    الطول للجمال والوسامه للنساء


    <-- يعني قال شي :)
     
  5. جابر

    جابر قــلــم بــتــرولــي أعضاء الشرف

    يعطيك العافيه على الموضوع

    أقوال قديمه :

    القصار يقولون : الطول فالخشب والقصر فالذهب :)
    Good Things Come In Small Packages:)
    الوسامة للنساء والجسامة للإبل ...خذ من الفتى قلبه ولسانه ..

    الطوال يقولون : أتقى شر من إقترب من الأرض:)
     
  6. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    طولي 192 سم زييييين
     
  7. انا من ناحيتي قصير حيل وافتخر اني قصير

    وبعدين ما استحي من قصري وبحياتي كلها مالبست شي يطولني لان البس الشي الواطي الى يبين طولي الحقيفي

    لان ماحب احد يقوول شوفوا ماشالله ياحلو طوله واهو بالاساس قصير يعني تعتبر خدعت الناس


    وحسب علمي اكثر فرسان العرب كانوا قصار القامه

    وانا لو كنت طويل ماكنت امارس هواية ركوب الخيل :)


    مشكورين على الموضوع الرائع
     
  8. Blue angel

    Blue angel بـترولـي خـاص


    هل تخجل كونك قصير او قصيره.. وهل تفخر اذا كنت طويل القامه؟
    بالنسبه لي عادي انا طولي وسط ، احس الطول لازم يتناسب مع الوزن و الشكل العام اهوا الاهم
    وهل طول المرأه يزيد من جمالها او يقلل منها؟
    مو دايما اذا كانت وايد طويله مو حلوووو

    تقريبأ 90%يلبسن احذيه (اعزكم الله)طويله وطويله جدا فهل هذ1 رغبه قي ان تكون طويله؟
    يمكن للاشخاص قصار بس الطويل اذا لبس شنو يصير برج التحرير :eek:

    وهل يتضايق الزوج اذا كانت زوجته اطول منه؟
    في بعض الرياييل يتضايقون من هالشي و بعضهم عادي خصوصا اذا كان الفرق جم سم
    وماهو شعور الزوجه اذا كانت اطول من زوجها؟
    على حسب الزوجه اذا كانت تحبه ما اعتقد مسأله الطول بتفرق عندها اهيا من اول
    اختارته فماراح يهم


    وهل الزوج يتضايق اذا زوجته كانت قصيره؟
    اتوقع عاااااادي ماراح يتضايق

    وهل تتضايق من تعليقات من حولك على طولك المفرط او على قصر قامتك وايهم يكون مزعج اكثر.
    على حسب التعليق اذا كان جارح او لأ ، و على حسب الشخص اللي يعلق اذا كان يهمني رأيه و لا لأ؟

    وهل فعلا كما الطول عز كما يقولون....
    يمكن ما ادري، الحمد لله الواحد لازم يرضى بخلقه الله سبحانه و تعالى (( و لقد خلقنا الانسان في احسن تقويم))


    و يعطيك العافيه اخوي و مشكور :)
     
  9. حلو الطول للمرأه بس مو الطول المبالغ فيه

    واكيد الريال مايحب المرأه اطول منه

     
  10. reznama

    reznama بـترولـي مميز

    الطول حلو للمرأه بس يكون أحلى إذا كان على الرجل .. :)

    وأتوقع إذا الزوجه أطول من زوجها .. يعني ما أنصح يروحون مجمعات .. :confused:

    يعني لو يتمشون بالسياره أفضل لهم .. :eek:

    لأن أحس إذا الحرمه أطول من زوجها .. مادري ليش أتخيّلها فتوّه .. يعني تعطي حق زوجها طراق ولا ببيزه :p

    فا يا جماعه .. أحسنوووووا الإختيار ..

    وينصح في فترة الخطبه .. أن لا يلبس الإثنان أحذيه " وإنتوا بكرامه "

    علشان يبيّن المستخبّي :rolleyes:

    تحياتي

    ..
     
  11. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    بالنسبة لي ما تفرق اذا الرجل طويل ولا قصير وحتى بالنسبة للمرأة مو شرط طويلة ولا شرط تكون قصيرة ! مع إن الوسط بكل شي حلو :)

    وسبحان الله في ناس لايق عليهم الطول .. وفي ناس لايق عليهم القصر ! وفي وحده طولها حلو وفي وحده تحس انها لاعبة وثب طويل !

    اللي بوصله ماكو قاعده تقول الطويل احلى أو القصير احلى على الرجل أو على المرأة ...

    آنه طولي ثلاث أمتار وخمستعش سم .. واللي مايبي يصدق كيفه :)

    ومشكور اخوي على الموضوع
     
  12. MOOON&M

    MOOON&M بـترولـي نشيط

    الطول احلى شي للرجل

    والمرأه احلى شي تكون اقصر من زوجها
     
  13. المعلمة المتميزة

    المعلمة المتميزة بـترولـي مميز

    945
    0
    0
  14. العجمـي

    العجمـي بـترولـي خـاص

    1,857
    0
    0
    سـر
    kuwait
جاري تحميل الصفحة...

مشاركة هذه الصفحة