العيادة

الكاتب : نفطي كويتي | المشاهدات : 670 | الردود : 7 | ‏18 مارس 2008
  1. نفطي كويتي

    نفطي كويتي بـترولـي خـاص أعضاء الشرف

    2,016
    12
    38


    صار لي كم يوم فاصل على العيادة

    مع كل احترامي لكل الاشخاص الموجودين فية

    والجهد اللي يبذلونة بس كلامي غير

    انا اشوف إن العيادة لاتقل اهمية عن اهمية اخواننا

    في قسم الاطفاء

    وكلهم مشكورين

    ولكن العيادة مبني يذكرني بالملحق اللي ورى بيتنا يصلح سكن للعزاب

    العيادة ممكن اعرف شنو امكانياتها

    اولا هل الموجودين علي دراية بالامراض والاصابات الصناعية اللي ممكن تحدث للموظف

    ثانيا الدكتور موجود فقط للدوام الصباحي واليوم 24 يعني باقي 16 ساعة مفقودة

    فالنفترض مثلا شخص حاشتة ازمية قلبيه احترق شم غاز مثل اللي حدث في مصنع A قبل سنين

    هل الممرض قادر ان يتصرف في مثل تلك الحالات اليس من الواجب وجود دكتور مناوب للحالات الطارئة

    اليس من الواجب وجود اجهزة كفيلة لحماية المريض لحين استقرار حالتة ومن ثم نقلة للمستشفي

    هل اصبحت وظيفة الدكتور التصديق على المرضيات فقط

    كأنة موظف في خدمة المواطن

    إذا كانت على الاسعافات الاولية ترى عادى اي موظف ممكن يتعلمها


    وإذا كانت الشركة غير قادرة على تطبيق ذلك فيجب التعاون مع باقي شركات منطقة الشعيبة

    وجعل فيها مستشفى مصغر للحالات الطارئة

    وأأكد لكم اهمية وجود الدكتور والمناوبة

    اليست الشركة تدفع للمستشفي اموال سنوية لماذا لا يتم تخصيص دكتور مناوب للعيادة

    وشكرا لكم
     
  2. يورياوي

    يورياوي بـترولـي مميز

    688
    0
    0
    q8
    اصبت والله يانفطي ليش في دكتورين الصبح وباقي اليوم ماكو احد مع العلم انهم بس يصدقون طبيات اثناء وجودهم والمفروض يكون في دكتورة لزميلاتنا الموضفات والله يعطيك العافية علي الموضوع
     
  3. نفطي كويتي

    نفطي كويتي بـترولـي خـاص أعضاء الشرف

    2,016
    12
    38

    هذا المفروض شنو فيها لو تجي دكتورة للعيادة اللي بالمكتب الرئيسي لو مرة بالاسبوع لأخواتنا الموظفات

    ليش ما يتم التنسيق مع مستشفي الشركة شنو فيها ترى الامر مو صعب
     
  4. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    ما أدري ليش مسمينها عيادة / عيادة نص وقتها بلا دكتور / ولا في موقع صناعي بحت / خوش إدارة عندنا
     
  5. السيدة العجوز

    السيدة العجوز بـترولـي نشيط جدا

    314
    0
    0
    العيادة عبارة عن (بصامة)
    يعني بس عشان تروح وتصدق المرضيه
    واذا تبي تخرع الدكتور قوله عطني يوم راحه
     
  6. زيـنـه

    زيـنـه بـترولـي نشيط جدا

    162
    0
    0
    و الدكتور واعليه عليه .. نص دوامه بالشعيبه و نص دوامه بالصباحيه !

    و ياليت اذا حطوا شي يا يكون على مستوى و قد المسؤوليه و الا لا يحطون
    .
     
  7. مطعم البطريق

    مطعم البطريق بـترولـي نشيط

    66
    0
    0
    انا كل شي يهون الا الدكتور طارق ياجماعه


    هذا الاخ العزيز فكرت ذلك اليوم انه مو دكتور

    انه فرضا وزير اي وزير بالجمهوريه العر بيه المصريه


    تتوقعون هالوزير يرد علي منو

    او يعبر منو
    يمكن رايس الي اهي رايس ما يعبرها ولايستقبلها بالمطار ولا يقابلها يقول لها انبعتي الي انتي عاوزاه بالايميل


    شنو دم هالدكتور شايف نفسه وااااااااااااااااايد

    متى راح نشوف عياده مثل الناس

    الشركات الزميله عياداتهم ارتب من ملحقنا مليون مره
     
  8. يورياوي

    يورياوي بـترولـي مميز

    688
    0
    0
    q8

    الدكتور طارق الحين صار سيئ والله شر البلية مايضحك
    تصدق لو لهجتك مو كويتية لأقول انك انت الدكتور احمد :)
     

مشاركة هذه الصفحة