أقتراح للعلاج

اعتقد انه من الافضل ان يكون علاج الموظفين في المستشفيات الخاصه مجاني
ويكون هناك كرت تأمين صحي يعالج به الموظف وعائلته وتتكفل الشركه بذلك
لاني اعتقد ان مبلغ 2000 دينار غير كافي اذا كانت العائلة كبيره

 

بس أنا عندي راي ثاني؟؟؟

خل نعالج في مستشفيات خاصة... ونييب لهم الفاتورة يسددونها لنا
أو يسون لنا خصم من 30 ألى 50%
مثل ما يسوون للأندية أو غيرها

ولا شرايكم

 

كلام ما يدخل العقل

تخصيص ألفين دينار للموظف

والسبب بعض الشركات لنفظية بالسابق تعالج موظفيها بمستشفيات خاصة

وكان بعض الموظفين يدخلون المستشفي للعلاج وعند صرف الدواء يتفق مع الصيدلي

ويأخذون بدلها عطورات ومكياج

 

فيروز انا معاج _ خللوني اقولكم على شغله - ترا الاداره العليا ما عندها روح المبادره كللش - وعندهم نظره من الاداره الاعلى اذا المبادرات فيها تكلفه ماليه تكون نقطه سووده على المدير - ماكو شي بدون مطالبات - يعني طالبو واشتكو وكل شي راح يصير - هذا علشان يلقاله المدير ثغره يدش منها علشان يطالب-

هالشي لازم نفهمه عدل

 

انا افضل بصراحه انه يكون لنا خصومات على مستشفى خاص واحد باختيار الاكفأ نفس مؤسسة المواني الكويتيه ويكون كرت خاص باسم الموظف

 

فكرة تخصيص 2000 دينار لكل موظف أو لعائلته أو غيرها ... غير واردة لما سيكون من تلاعبات فيما بعد بالفواتير وغيرها

أما فكرة عمل خصومات للموظف وأهله فهي فكرة جيدة

وأنا من جهتي ماراح أعالج اهلي الا بالخاص ... ليش ؟؟؟




لأن فيها دفع فلوس

 

الله يعطيكم الصحه والعافيه ويحميكم من المستشفيات الخاصه والعامه

 

22000 الف موظف * 4 (متوسط افراد اسره على اقل تقدير) * 2000 دينار = 176 مليون دينار بالسنه !!!

تكلفة بناء مستشفى جديد بو 1000 سرير = 70 مليون دينار ... والتعاقد مع اطباء عالميين راح يكلفك اقل من 4 ملايين دينار بالسنه

فكر وقارن وانت حر ...

 

والله الفكره حلوة بس التنفيذ مستحيل
لان راح يقولون الميزانيه وسوالف مالنا خلقنا

 

المستفشي هذا صاار فلم برووحه معاابل ومطاارح يالله تووصل حق الدكتوور وهوااش وطق ووخر عن دربي ويالله توصل حق الصيدلية يعني الواحد يدش واهو مريض وراح واهو صاحي من كثر الزحمه


انا اقووول لو يفصلوووون العماالة الوافده ويخصصون لهم مستشفي خااص ابرك