الادارة الوسطي وتخبطاتها

الكاتب : يورياوي | المشاهدات : 1,049 | الردود : 20 | ‏18 مارس 2008
  1. يورياوي

    يورياوي بـترولـي مميز

    688
    0
    0
    q8
    الموضوع الاول ....................
    كان عندنا دورة ساعة في قسم التدريب وكان موضوعها عن items .
    طبعا انا اللي فهمته من الموضوع انه احنا انجزنا من 164 items من 240 وباقي اسبوعين علشان نخلص باقي العدد المطلوب والا سنحرم من 10% من البونص السنوي واتهمنا بعدم اهتمامنا ب items وتكاسل العمال اهوه سبب عدم التواصل مع الادارة العليا .
    السؤال اللي يطرح نفسه منو اللي يحدد هالشي ومنو اللي يطلبه مو المسئولين ؟
    وليش ماعلمتونا بال items من شهر شمعنا الحين ؟ هل هي حركة علشان تحرمونا من البونص او شي منه ؟
    وليش مو ناظر القسم هو اللي يحاظر ليش ناظر من قسم اخر يحاظر فينا ؟ وين التواصل ؟

    بعد المحاظرة انصدمنا بإتهامه لنا بعدم التواصل ولما اشتد الحوار عكس كلامه واتفقنا علي انه الادارة الوسطي بالشركة ماتدري عن شي بس تحاول ترضي الطبفة العليا علي حسابنا احنا .


    الموضوع الثاني .................ناظر اليوريا
    ياجماعة الاجازة الاظطرارية لما آخذها بوقت دوامي سواء صبح والا عصر او ليل مو تكون كاملة وبدون خصم طيب ليش التخبط هذا والتعسف بالقرارات يعني الناظر اللي يحبه مايخصم عليه والباجي باللعنه .
    هل يخصم علي مسئولي الورديات او علي المهندسين لما ياخذون اجازة اظطرارية والا بس الفقارة المساكين والا هالعشر دنانير بتربح الشركة .

    وسامحوني اذا طولت عليكم
     
  2. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    والله يا يورياوي كلامك يثير الشجون ..

    بالنسبه لموضوعك الاول .. اسلوب اللف والدوران اللي يتبعونه رؤسائنا شي مو غريب عليهم ,بمحاضره مدها ساعه يبي يختصر اللي هو تعلمه خلال اشهر ..!!!

    واخر شي يلومنا ويقول ليش ماعندكم معرفه .!!!!!

    اما بالنسبه للاجازه الاضطراريه انا معاك فيها سلبيات كثيره ونتمني من مسؤلينا تقدير الوضع وتفهم الظروف اللي نمر فيها احيانا

    والمطلوب من اخوانا بالنقابه يشوفون سلبيات نظام الاجازه الطارئه ويلقون لها حلول ...

    وعساك عالقوه علي هالموضوع
     
  3. سكر زيادة

    سكر زيادة بـترولـي نشيط

    56
    0
    0
    ايه هذه المواضيع اللي تخلي الواحد يستفيد .......... بخصوص الموضوع الاول انا معاك 100% ...... التدريب عندنا بالشركة من سيء الى اسوء للامانة من ترك السيد/ حمد السبيعي المكان والتدريب عايشين في تخبط موعارفين شي عن كيفية تدريب العمال ........ ويجون عالآخر يقولون انتوا ما حضرتوا ........ اما الموضوع الثاني فأتمنى من كل العمال قراءة البيانات المكتوبة خلف نموذج الاجازة الاضطرارية ......... على فكرة هالاجازة الوحيدة اللي ما تعبيها بنظام ال لايف لنك ......... ليش مادري ........ يمكن عشان يتحكم المسؤول بالخصم فيها ......... على العموم موضوع جميل ويستحق النقاش
     
  4. يورياوي

    يورياوي بـترولـي مميز

    688
    0
    0
    q8
    مشكورين علي تفاعلكم ومشاركتكم .
     
  5. K23

    K23 بـترولـي نشيط

    71
    0
    0
    اخوي
    شنو السالفة
    شوية شوية
    يعني شنو ماكو بونص
    وليش وليش
    اشرحى مرة ثانية انا مو فاهم؟؟؟؟؟؟؟؟؟؟؟؟
    تحياتي
     
  6. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    مشكور اخي يورياوي علي الموضوع

    بالنسبة للشق الاول من الموضوع

    فالفجوة بين الطبقة السفلى والطبقة الوسطي كبيرة جدا وطبعا الطبقة السفلى هي حلقة الوصل بين الطبقتين

    وهذا واضح للعيان

    الاخوان بالطبقة الوسطي متوقعين أن نظام جديد وعالمي مثل نظام

    Km

    و

    HSE


    و
    ERM

    و

    PPE


    منو يقولي شنو فهم من الاحرف اللي فوق

    بمجرد دورة ساعة يعطيها للموظفين بأنها كافية لإستيعابها مع إن الادارة الوسطي تاخذ دورات

    مكثفة لكل نظام جديد ياخذونة

    والاخوان موراضين يتنازلزن ويوضحون للأخوان الموظفين الصغار هذا النظام

    وطبعا انا متأكد بأن الادارة العليا على يقين بأن الاخوان في الادارة السفلى فاهمين كل شي

    طبعا من دورة الساعة كل شهر مرةالخلل واضح وهي بالادارة الوسطى

    بس ياليت قومي يعلمون

    اما بخصوص الاجازات

    فأنا قد كتبت موضوع بخصوص هذا الشأن بأسم

    كعب داير


    الاخوان متوقعين ان تلك الاجازات هي حق لك

    فقط بموت احد افراد اسرتك او مرضه وكأن لا يوجد في العالم امور

    تجبر الشخص على تخليص امورة بنفسة وتستوجب علية الحظور شخصيا

    وما كل هالضغوط ياليت نافع حتي مو تضييقها والخصم جايك جايك

    اسأل اي واحد يشتغل في وزارة وقولة شنو نظام الاجازة عندكم

    15 يوم وكافي موافقة المسؤول المباشر فقط

    وكتبت في موضوعي نبيها 15 وطنشتوني الله يسامحكم;)

    وياليت اكون قد اعطيت للموضوع حقه

    وشكرا لك اولا واخيرا
     
  7. يورياوي

    يورياوي بـترولـي مميز

    688
    0
    0
    q8
    k23 انا افهمك
    بالنسبة للموضوع الاول الاخوة في الادارة الوسطي الظاهر يبون يقلصون البونص فشلون يقلصونه .. لما يبلغونك انه عندك دورة ساعه في التدريب وموضوع المحاظرة يكون عن اعمال مطلوبة منك وبناءا عليها يكتمل جزء من البونص وهالاعمال ماتبلغت فيها الا قبل انتهاء الفترة بعشر ايام واذا ماخلصتها تروح عليك 10% من البونص مع العلم انهم في مجال يبلغونك قبلها بفتره شنو معناه تري احنا بلغناكم وانتوا مو مهتمين ومتقاعسين وحتي هالشي يأثر بالتقارير لما يقولون لك وين الاعمال المطلوبة منك طيب وينكم انتوا من زمان بالعربي ادوس علي الطبقة الكادحة وانقص من البونص وانا استفيد منه وارضي الادارة العليا .


    ومشكور علي اهتمامك ياكبير :)
     
  8. يورياوي

    يورياوي بـترولـي مميز

    688
    0
    0
    q8
    ومشكور نفطي كالعادة مداخلاتك مثمرة
     
  9. K23

    K23 بـترولـي نشيط

    71
    0
    0
    كلامك حلو
    بس هذا لعب وخبث
    واكبر من مستوانا
    زين شنو الحل الحين
    وانا ابي اعرف منصب الناظر هو محسوب علينا والا عليهم
    وهو كل يوم يقعد وياكل معانا .........24 ساعة معانا ويسوي جذي والله حسافة؟؟؟؟؟؟
    كلهم علينا؟؟؟
    تحياتي
     
  10. يورياوي

    يورياوي بـترولـي مميز

    688
    0
    0
    q8
    الحل بالتواصل والتواصل يحتاج طرفين واداة توصيل لكن هالأداه معدومة بالوقت الحالي !!!!.
    ومنصب الناظر محسوب علي الطرفين جدامك يقول والله قاعد اخسر علشانكم وترقياتي موقفة بسبتكم ويكسر الخاطر حتي لما يعطيك تقرير جيد تاخذه وانت تضحك وتقوله بيض الله ويهك :) وتوكله وتشربه مو ناقص الا تكد عليه ومع الطبقة المخملية قصدي العليا يقولهم الوضع اوكي والناس راضية ومسوين دورات لهم علشان العمال ضعاف وغير ملمين بعملهم وهالشي يخليه يوفر للشركة علي حسابنا احنا وكل شي راد له اهوه .
     
  11. K23

    K23 بـترولـي نشيط

    71
    0
    0
    والله يمكن حتي الناطر مو مستفيد شئ
    كم ناظر كان تقديره جيد ؟؟؟؟؟؟؟؟؟؟؟؟؟؟؟؟
    زين منهم و فيهم ؟؟؟؟؟؟؟؟؟؟؟؟؟؟؟
    تحياتي
     
  12. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    أحب أوضح شنو علاقة هذا الموضوع في البنوص السنوي

    البونص السنوي يعتمد على ثلاث معطيات
    1 - التقييم السنوي 40 %
    2 - تقييم القطاع 30 %
    3 - تقييم الشركة 30 %
    ---------------------------
    الإجمالــــــــــــي 100% راح يكون النسبة اللي بناءا عليها يصرف البونص للموظف

    يعني نسبة البونص الموزع من أقل نسبة إلى أعلى نسبة وهي الإميتاز والتي تصل إلى 3 رواتب أساسية تخضع للمعطيات الثلاثة التي سوف نحصل عليها

    طبعا

    تقييم الموظف هو الخاص بالتقييم السنوي (الجدارة)

    تقييم القطاع يشمل على عدة أمور منها نسبة Km وهي إدارة المعرفة وعدد المعلومات التي تم تسليمها والموافقة عليها من قبل تلك اللجنة - الساعات التدريبية في السلامة وفي نقاط كثيرة يطول شرحها

    تقييم الشركة وهو تقييمها من قبل المؤسسة من حيث تحقيقها للأهداف والمهام الإستراتيجية التي تم تحديدها خلال السنة المالية
     
  13. يورياوي

    يورياوي بـترولـي مميز

    688
    0
    0
    q8
    معروف منو اللي تقديرهم جيد ياكبير :)
     
  14. يورياوي

    يورياوي بـترولـي مميز

    688
    0
    0
    q8

    يحدد خلال السنه واحنا نعرف بآخر اسبوعين ؟؟؟
     
  15. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    مسكين هالناظر انتوا والاداره ضده

    اشوي ماني ناظر
     
  16. سنه من هالسنين

    سنه من هالسنين بـترولـي جـديـد

    12
    0
    0
    يالله حسن الخاتمه

    ياويلي ياركبي
     
  17. يورياوي

    يورياوي بـترولـي مميز

    688
    0
    0
    q8
    ياكلك حبه حبه :)
     
  18. سنه من هالسنين

    سنه من هالسنين بـترولـي جـديـد

    12
    0
    0




    شعــــير




     
  19. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    كلام صحيح أخوي ، ويمكن محد يعرف بعد
     
  20. يورياوي

    يورياوي بـترولـي مميز

    688
    0
    0
    q8
    واضح انه الحالة النفسية تعبانه :)
     
جاري تحميل الصفحة...

مشاركة هذه الصفحة