الدواويـــــــــــــــــــــــن

الكاتب : صندوق شكاوي | المشاهدات : 749 | الردود : 12 | ‏17 مارس 2008
  1. صندوق شكاوي

    صندوق شكاوي موقوف

    141
    0
    0


    يكفي مجاملات .. بعض الناس ينتقد كلامي !

    يا أخوان أنا مواطن كويتي وعايش بالكويت وأعرف ايش يصير بالديرة ..

    أكثر الدواوين فيها تجاوزات وسبب بروزها في البداية هم أعضاء مجلس الأمة لأغراض انتخابية وأيضا الأحزاب لأغراض سياسية ، وتبعهم بعدها المواطنين ..

    شخص تعطيه الحكومة بيت مبني وخالص وفيه ديوانية تكفي حق عدد لا بأس به ، فتجد هذا المواطن يحط له ديوانية 15x6 متر بمساحة تساوي نص بيته ! وفي النهاية تشوفه قاعد فيها هو وكم واحد من ربعه ! يعني ديوانية البيت تكفيه وتزيد عليه ..

    ثانيا : الدواوين فتحت أبواب لتجاوزات أخرى وهي لبناء غرف الخدم وأصبحوا يمارسون فيها الأغراض المشبوهة ( ما احتاج أشرح الكل فاهمني ) ،

    وكذلك صار فيه كثير من الناس تسوي مشاريع تجارية بداخل أسوار حدائق البيوت ، تشوف ناس حاطين بقالات وخياطين و أمور أخرى ..

    يا أهل الكويت خافوا الله في مصالح بلدكم ولا تفتحون الباب للعابثين اللي يتبعون مصالحهم ومصالح أحزابهم

    الحاكم له طاعة واللي يعصيه في غير معصية الله فقد عصى الله ..

    نريد وقفة حق
     
  2. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    يــا أخي أنـا معـك بكل كلمه وبكل حرف



    وبصراحه ضحكت يوم قالو ازاله الدوواين هي ازاله المرجله


    وش المرجله عليييه


    تروح تشل دوانيتك وتخليهاصاله للنسوان وتحط لك خيمه برررره وتقول ان شليتوها ضد المرجله

    وشكرا لك
     
  3. انا اقووول يشيلوون التجاوزات الى على اراضي الدووله بالاول

    اي خلوكم انتوا الفاهمين وكبروا عقولكم

    الحين الحكوومه واقفه على هالمواطن المسكين الى ماخذ كم متر جدام بيته عشاان دوانيه او مظله او حديقه

    يا اخي اجرها منه يدفعلك سعر رمزي كل سنه واذا احتج هالارض قوله شيل دوانيتك

    وتخلي الاراضي الى ماخذينها شركات الاغذيه الى في امغره ومادري وين الى بألاف الامتار هدد

    ياجماعه هذا غلط حاسب الكبير قبل الصغير

    لا تجي المواطن الى مسوي دوانيه وقاط عليها 7 او 10 الاف دينار عشاان يجتمع فيها واخرتها تقوول شيلها لا ماراح اشيلها

    شيل التجاوزات الكبيره الى في البلد عشان نشيل تجاوزاتنا الصغير

    وانا عندي الف والف والف تجاوز كبير بهالدووله

    كل يووم قرار في قرار وبدون دراااسه

    وانا مع الى يقول ان الدوانيه للمراجل اي للمراجل

    انا عندي بالبيت دوانيتين ويطرد فيها الخيل من كبرها ومع ذلك عندي خيمه برااا ومساحتها معقوله تبي تشيلها قبل لا تشيلها شيل تجاوزات المصانع يا اخي

    في مصانع فيها تجاوزات وفوق تجاوزاتها قاعد تبث سموم على منطقة علي صباح السالم والكل عارف قصص الاطفال الى ماتوا من سبة هالغازات

    انا اقوول ياخووي انك اخطأت التعبير كلنا كويتين ويهمنا مصلحت بلدنا الى تربينا وعشنا واكلنا من خيرها

    لكن تعودنا على محاسبة الكبير قبل الصغير

    وجهة نظرك وانا احترمها لكن من حقي انك تحترم وجهة نظري شاكرلكم وتقبلوا مروري
     
  4. silent

    silent بـترولـي نشيط جدا

    219
    0
    0
    اخواني القوانين موجوده ولكن لااسف الحكومة تتقاضا وتتقاعس عن تطبيق هذي القوانين وفجاة تصحى على موسيقى الاصلاح مثل الافعى
    نعم غلط ولاكن الحوكمة تتحمل وسبيلها للحل ليس بهذي الطريقة في سياسة لتطبيق القوانين تعطيهم مهلة كبيرة لتعديل الاوضاع مثلآ وقبل هذى وذاك تطبق القوانين التعديات على املاك الدولة على المنشات الكبيرة والشاليهات وغيرها ومن ثم وانا متاكد في هذي المواطنين ولا واحد راح يعارض اذا شاف هذي الجدية وعدم التحيز لي اي فئة
     
  5. السيدة العجوز

    السيدة العجوز بـترولـي نشيط جدا

    314
    0
    0
    قالوا شيلوا
    خلاص شيلوا يبه الحكومة ابخص
     
  6. صندوق شكاوي

    صندوق شكاوي موقوف

    141
    0
    0
    تسلم يمناك
     
  7. صندوق شكاوي

    صندوق شكاوي موقوف

    141
    0
    0
    الإصلاح يبدأ وينطلق من الشخص نفسه .. كون أنك تقول خلهم يبدأون بالكبير قبل الصغير معنى ذلك أنك تقر بإزالة الدواوين .. الدولة تعطي المواطن بيت مخصص ومساحة محددة تلحق بالبيت ، فلماذا يأخذ ما ليس له حق فيه ؟
    تصوّر أن لك أرض ملك لك ويأتي شخصان يقتطعان جزئين منها ، هل ستسمح لهما بذلك ؟ لا أعتقد ..

    أنا أقول إن من المرجلة هي أن لا يتعدى الرجل على حقوق غيره ، لأنه بالتأكيد لن يقبلها من غيره
     
  8. خلاص يا يباااا الحين مو قاعدين ياخذون مبلغ رمزي على الشاليهات؟

    خل ياخذون المبلغ نفسه للدواوين!!

    ولا بس الشاليهات ؟

    انا متعجب من هالامور

    وبعدين اذا على قولتك احد سكن بأرضي وانا ما ارضى

    كا المصانع والشاليهات نفس التجاوزات لكن بأمتار كثيره جداٌ وخياليه بعد

    ياخوي الله مايرضى تحاسب هالمواطن الفقير وتخلي هالتاجر ولا انتوا تطبقون مثل الشاعر الى يقوول:

    فقيرنا يمشي مع الدرب سيده @@ وغنينا مايعترف بالقوانين

    لازم اطبق القانون على الكبير عشان يمتثل الصغير ولا والله راح يتحركون اهل الدواوين ويوون ضجه

    ساوونا مع اهل الشاليهات يا اخي شنو يعني اهم احسن منا في شنو

    انا متجاوز عند بيتي هذا ماخذله ارض على البحر ومانع خلق الله من انهم يسبحوون لان شاليهه مقابل البحر يعني ملكه


    والله هذي الطريقه متسرعين فيها ارجوا من المسؤولين انهم يفكرون عشان ماتجي العواقب وخيمه

    شاكرلكم وانا قلتلك قبل كل شي هذي وجهة نظري وانا احترم وجة نظرك

    واختلاف وجهات النظر لا يسبب للود قضيه عزيز وغالي
     
  9. جوري بس فحل

    جوري بس فحل بـترولـي نشيط

    143
    0
    0


    قالو مافيه 120 مع الكادر ..ومزيدا ايضا من الدراسه للزياده خلاااص اسمعو الكلام

    والحكومه ابخص :)
    :)


    عزيزي ظاهرة الدواوين ظاهره حديثه وعمرها 18 سنه ..يعني من بعد الغزو...صح؟

    طيب بناءا عليه واحقاقا للعدل والمساواه ليش مايزيلون تعديات لها اكثر من 30 سنه..مره ثانيه صح؟

    انا عندي ديوانيه 8 في 6 خارجيه (يعني مخالف ومتعدي ومغتصب وبالقوه علي املاك الدوله)

    8 في 6 يعني 48 متر مربع فقط..

    طيب فيه اراضي علي الدائري السادس والسابع وامغره والشعيبه وتعدي صارخ علي املاك الدوله

    والمساحه يعني نقوول ..نقووول..نقووول.. تقريبا مليون متر مربع (بالأجمالي)..

    هيبة وفرض قانون الدوله يبدأ بنظرك أين؟؟؟

    ازالة 48 متر مربع او مليون متر مربع.....مره ثالثه صح؟

    وعلي فكره تعديات الاراضي الشاسعه علي املاك الدوله .هي تجاريه..بما معني ان المتعدي يأخذ فلووووس

    من المستأجرين ..يعني متعدي علي ملك غيره وماخذ فلووس (..حرامي خمس اذا مو سبع نجووم ..)

    والديوانيه..تعدي علي املاك الدوله ...ولكن ماياخذ علي اي احد فلووس (,,لاحظت الفرق,,)

    عزيزي انا مع ازالة بعض الدواوين اللي متجاوزه كثيرا حدود ارتداد بيتها

    ومع ترخيص الباقي وتنظيمها ..وفرض رسوم عليها ان ارادو ...

    الحكومات في العالم تشد حيلها وتضع نصب عينها رفع مستوي التعليم والصحه والبنيه التحتيه للبلد

    حكومتنا شاده حيلها ومنتفضه علي ديوانيه 8 في 6 .. واهملت مصالح البلاد الاهم ..مره رابعه صح ؟

    تقبل مروري ولك جزيل الشكر ...
     

  10. اضم صوتي لصووتك وانا مع ان الحكومه تاخذ مبلغ رمزي كل سنه مثل الشاليهات بس انها تشيل الدواويين

    روحوا شيلوا هالمصانع وهالمخازن

    بالذمه في احد يوافق على ازالة الدواويين وماشاف المخازن العموميه الى صارت عليها ضجه قبل مده

    والى طق موظف البلديه وحاط سكيورتي عند المخزن مع العلم انه مو اجره من الحكومه ولا شي

    واذا حيلكم على الفقير ماقلول الا
    مالك الا الصبر وش وداك له
     
  11. special

    special بـترولـي نشيط جدا

    184
    0
    0
    الحين صار همهم التعديات على املاك الدوله

    يعني بوق املاك الدوله مو هامهم والتفرقه بين المواطنين مو همهم

    انا لما احط دوانيه جدام بيتي فانا معذور لان مساحت بيتي كلها على بعضها

    ما تساوي مساحة شاليه ببنيدر انت شلون تتوقع من عائله مساحة بيتها 260 متر

    يقدر يسكن عائلته فيها وتبيه بعد يسكن السايق معاه يا ناس فكروا بعقلكم شوي

    الديره عندنا للاسف كل هما هالمواطن الفقير والتجار مرفوع عنهم القلم

    التجار يرفعون الاسعار ولا احد يردهم التجار يبوقون بوقات كبار ولا احد يردهم

    اما انت يالفقير ياويلك لو تتحرك او تتكلم
     
  12. حامل المسك

    حامل المسك بـترولـي جـديـد

    48
    0
    0
    السلام عليكم ورحمـة الله وبركاته .,


    الموضوع يحتاج إلى تقنيـن وتفعيل للقوانين .. أي وضع شروط مناسبة للدواوين بالإضافة إلى أرضية أي أخذ رسوم
    مقابل الدواويـن .,


    والله العظيم رأيت أحد الأشخاص من كبر مساحة حديقته .. بنى داخل حديقته خيمة البصمان
    للأفراح .. حديقتـه تعادل مساحة بيته مرتين .,


    كذلك لايمكن لهذه الحكومة أن تكيل بمكيالين في قضية التجاوزات .. فالأولى إزالة جميع التجاوزات
    بالشاليهات وتجاوزات الشويخ .. فمن غير المعقول دولـة ساحلية كل سواحلها "مغتصبة" من التجار .,


    ولكن كما قال الشاعر :

    وعيـن الرضـا عن كل عيـب ٍ كليلـة .. ولكـن عين السخـط تبـدي المساوئا



    وسلامـتكم .,​
     
  13. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    كآآآآآآآآآآآآآآآآآآآآآآآك
    يا رجال هي وقفت علي ذي
    الدعوه صارت كلهااا مخاامط بالمسااحات
     

مشاركة هذه الصفحة