السلام عليكم والله انا حبيت ابارك لكم على هالموقع وانشالله منها للاعلى ,انا عندي موضوع حبيت اقوله لان بصراحه شاغل بالي من توظفت اللي اهو العلاقه بين الاوبريتريه والسكرتيه ياخي في بعضهم ما حترمون السكرتيه ولا يعتبرونهم منهم وفيهم معا العلم ان السكريته معتبرينهم اخوان واكثر فانا بعرف ليش يسوون جذي وشنو هدفهم من هالشغله والجذب خيبه اهما مو كلهم جذي بالعكس البعض يعتبرنا ربعه واكثر من جذي يعتبرنا اخوانه
الله يعطيك العافية اي مكان بالكي أو سي ولا البترول الوطنية أتكلم عن السناتر وأعتقد الجميع إخوان وانا أشوف عكس ما تكتب وخاصة بالبرقان وإذا في كم واحد مو عاجبينة فتأكد الغالبية إخوانكم الكبار أو من سنكم فالقله لا تأثر علي علاقة الأمن بالمشغلين وأتمني لكم دوام التوفيق بعملكم الجديد
وعليكم السلام ورحمة الله وبركاته ويا هلا فيك اخوي وحياك الله معانا بالمنتدى تشرفنا بمعرفتك وأسعدنا انضمامك الكريم مع تمنياتنا لك بطيب الإقامة وتفيد وتستفيد إن شاء الله اما بالنسبة لأسلوب الأوبريترية فهو منشر في كل مكان للأسف من ضعاف النفوس وفي شركة نفط الكويت هم في تفرقة في التعامل مابين الموظف ومابين المقاول الكويتي لازم تشوف وتحس بالتعالي مع الأسف ورفعة الخشم مادري ليش نتمنى أن تختفي هالظاهرة لأن الكل مثل ما تفضلت اخوان وعدد الساعت إللي يقضونهامع بعض في الدوام اكثر من مجابل الأهل !! بس مثل ما قلت لك هذه طبيعة البشر !! حاولوا تقعدون معاهم واتكلمونهم .. ليش هالاسلوب وليش هالمعاملة؟ وعسى الله يصلح الحال ..
اصابعك مو سوا بالعكس كلهم اخوانا وياما تساهلوا معانا حتى في ادخال الاكل كانوا يشيلون معانا واحنا مانعرفهم بس مرات تصادف ناس مزاجيه وتلقاه مزفوف من المعزبه في البيت ورايح للدوام ماله نفس انتم اخوانا ونتشرف بالشي هذا
شكرا ً على الموظوع دهن عود الامن من الشركة مو مقاول للتوضيح بالنسبه لل اوبريترز اهوا موو رفعة خشم بس اكثرهم ايتحاشون الامن لأنه ايحسبوون ان شغلتة يزلغ صارت معانا او وضحنا لهم بس عادي شي طبيعي
اقول ريح بالك وماكو الا العافية اساسا لو تلاحظ ان بعض المواقع لما تشتغل تلاقي نفسك انت المنكرف والاخرين اللي مسوين نفسهم مايعرفون شي هم المرتاحين
أنا اقول ياأخوان كل واحد يقوم بشغله ومالكم شغل بأي موظف سواء من الاوبريتيه او غيرهم لانه الاحتكاك مع بعض الموظفين موشي وبعدين انت شكو فيهم اذا نفسياتهم موشي انت مالك الا انت تقوم بشغلك وقوااااااااااااااااك الله
رد بسيط ومن خلال تجربة أغلب من توظف في الأمن والسلامة بشركة الخدمات البترولية تربطنا بأخوانهم أو أبائهم أو أبناء عمومتهم علاقة متينة وقبل كل شيء هم كويتيين وتقديرنا لهم نابع من هذا الشيء وإذا كان فيه عدد بسيط لايعجبهم موظفوا الامن فالغالبية يحترمونهم وبالعكس تربطنا علاقة إحترام وتقدير رغم فارق السن بيننا وبينهم
