هل كان بامكان النقابة وقف عملية تقسيم شركة نفط الكويت؟

أسأل النقابة ... أحس إنك راح تلقى الجواب المفيد

والنقابة أيضا ليس دورها أن تقف في حلج الشركة على أي حركة

دورها تأخذ رأي العمال من الحركة هذي

وتشوف متطلباتهم ... رافضين ؟ والا راضين؟

وإذا رافضين شلون ممكن يرضون؟

وبعدين يتوصلون لرضا العمال ... ويقنعون الشركة بوجهة نظرهم

فإذا اختار العمال عدم الانتقال ... خلاص ما ينتقلون لو تشب الدنيا

واذا اختاروا ينتقلون بنسبة ... ياخذون النسبة وينتقلون ...

وهذا اللي يصير في الغالب

وكله لصالح البلد


وشكرا على الموضوع

 

نعم

أنت سألتني وجاوبتك

ماذا كان دور النقابة؟ والجواب واضح بالخطزات العملية اللي صارت

والتقسيم من رايي - والشكر لك عالموضوع- ماله علاقة تشابه بالعراق أو غيره


الموضوع (رؤية) حكومية من الوزير اللي كان موجود ... مع العلم إن لدينا حكومة كل يومين لها رؤية


وذهبت النقابة لكل دائرة وسألتها عن متطاباتها وموافقتها أو رفضها ... فكان الغالبية الموافقة مع زيادة النسبة + المحافظة على المميزات في شركة نفط الكويت من بيت وسيارة وعلاج وخلافه

والدائرتان هما الدائرة الصحية

وعمليات الوفرة


وإذا سألتني عن سبب إحاطتي بالموضوع فهو لأنني كنت في عمليات الوفرة ...


والنقابة بهذا الموضوع سوت اللي عليها مشكورة مأجورة

وشكرا على طرحك الجميل

 

نفط الكويت وين رحت


مشتاقين ياخي

 

لا طبعا مو صحيح

اللي يدير الشركة والوزارات ناس مع احترامي لك أفضل مني ومنك

والنظريات الإدارية الحديثة تعتمد على الشركات الصغيرة


ونظام الإدارات الا المركزية ..

وبالطبع


فهذا شي في الأخير في صالح البلد


ما تقولي شالفرق ..لما الموظف يتغير اسم شركته ... وهو باقي على نفس الروتين والدوام والمكان براتب أحسن ؟؟

هو يبي المميزات .. والا الإسم ..طبعا المميزات

والمميزات باقية

ما يفرق معه أي شي .. أي شي بتاتا

لكن ... يفرق شغل الشركة بإدارة الميزانيات .. والمحاسبة والتدقيق

وخلق فرص جديدة للتوظيف

إذا التقسيم في وقته

كان من مصلحة البلد .. وحافظ على مصلحة الموظف


هذا كله يفرق


وبالنسبة للبلوطة ... فأنا والله أحب البلوط


تقبل مروري

 

تقسيم الشركة قرار سياسي من الحكومه ممثله بوزيرها
اما دور النقابة فانها تفاوض ادارة الشركه على اعطاء بعض المكاسب للعمال نتيجة هذا التغيير اللي هي اصلا مالها اي دور فيه
و بالنسبه للعاملين راح يطرأ على اسم الشركتهم الجديده فقط
فيكون دور النقابة على اعطاء العاملين ميزات او زياده غير عاديه مع المحافظة على المكتسبات القديمه و كذلك الاخذ من الميزات الجديده الشركة الجديده

 

زين اذا قسمو الشركات - يعني في عماله اكثر - يعني بيدخلون في البلد المترديه والنطيحه - يعني اعباء عالميزانيه واعباء عالمستشفى ودور طويل على بيوت الشركه اللي مادري راح تكون تابعه حق اي شركه - والمفروض التقسيم لا يتم اللا بعد ما يتم انشاء الادارات المكتبيه حق كل شركه اللي مثل الادمن وركس والمحاسبه والتأمين حق كل شركه وبعدين تدخل كل شركه في الكور بيزنيس المنوط بها - المشكله في الكويت نمشي بالعكس مثل ما صار في نفط الخليج وشركه الخدمات النفطيه او ما اسسو الشركات بدو يستولون عالادارت ونسو الادمن ورك وانتو عارفين شللي صار عقبها هههه مشاكل للموظفين والغاء شركه منهم