مشغل حقل !!!! نداء الى مشغلين الحقول

الكاتب : انيرجي | المشاهدات : 2,015 | الردود : 18 | ‏17 مارس 2008
  1. انيرجي

    انيرجي بـترولـي نشيط

    61
    0
    0
    يعطيكم العافيه انا موظف قطاع خاص وحياتنا الصراحه مالنا وجود بس قاعدين ما احس لنا اهميه المهم فتحوا باب توظيف مشغلين حقل سجلت وامتحنت ونجحت واجتزت المقابله الشخصيه.... وابي نصيحتكم بالتفصيل عن الوظيفه مشغل حقل زينه تسوى ماتسوى وحق الزواج شلونها ؟ وفي الدوره لمده سنه في سقوط؟ صعبه؟ الواحد يمشي ولا مايمشي وعطونا من خبرتكم الله يعطيكم العافيه واتمنى الي يدش حتى يرد اب اقل شي مو شرط يتكلم وايد :)
     
  2. wanasa

    wanasa بـترولـي نشيط

    تبى نصيحة ؟
    غير عنوان الموضوع الى مشغل حقل او مشغلين الحقول عشان المشغلين ايدخلون ويبدون رايهم ويعطونك من ارائهم لك وبالتوفييييييج ان شاء الله
     
  3. هابي ميل

    هابي ميل بـترولـي مميز

    صبحكم الله بالخير , يا الغالي بغيت اسالك طلع قبولكم ولا ليلحين لانه اخوي مقدم معاكم و ما ندري شصار عليه و ناجح بكل الاختبارات
     
  4. عبدالحميد دشتي

    عبدالحميد دشتي بـترولـي مميز

    782
    0
    0
    شوف اذا ماراح تحصل غير هالوظيفة امرك لله بس اذا عندك فرص ثانية انا اقول افركله
    اول شي المعاش لك عليه وحجي فاضي الي يقولك وايد اول ماراح تتوظف كل معاشك عزابي 630 د.ك والدق الي يدقونك ياه المفروض يعطونك عليه 15000 د.ك وحياتك الاجتماعية صفر خصوصا اذا زوجتك تشتغل والدورة مافيها سقوط بس لازم تدرس والحضور الحضور الحضور جدا مهم لا يصير عليك ولا غياب بالدورة هذا اذا عزمت بس عموما مشغل الحقل احسن من التدخين بشوي
     
  5. ahmadi

    ahmadi بـترولـي جـديـد

    26
    0
    1
    يا الغالي نصيحه لوجه الله..انحش عن هالوظيفه..راح تندم طول عمرك ليش دشيت ..عذاب طول عمرك..وتلعن الساعه اللي دخلت هالشركه...سجل عندك..ظلم محسوبيه.واسطات..تكسير مجداديف..كذب..غش..اشكال..بالنت ماتحصلها...ابعد عن الشركه الله يوفقك.
     
  6. تايتنك

    تايتنك بـترولـي خـاص

    1,239
    0
    0
    شوف يبوك كمل تعليمك احسن والفرص تمر مر السحاب واذا شايف نفسك تقدر تكمل تعليمك وتشتغل خير وبركة بس لاتتزوج الحين الابعد ماتخلص تعليمك واللة يوفقك .
     
  7. hashemknpc

    hashemknpc بـترولـي نشيط جدا

    194
    0
    0
    operation
    Shuaiba-City
    السلام عليكم

    يا أخي أنا أقولك اذا كنت حاب انك تشتغل بأيدك وأنك تكون قد المسؤولية ولك خلق تداوم شفتات ترى هالوظيفة تصلحلك.
    بس أذا ماخذها عشان معاش بس أعتقد انك ما راح اتطول .

    وفي ناس كثير دشت هالوظيفة البعض انحاش والبعض الآخر كمَل تمام , وآن واحد من الناس أحب شغلي وأعتقد أنني ما أقدر أشتغل بمكان ثاني غير هالمكان

    والله أعلم
     
  8. FCC

    FCC بـترولـي نشيط جدا

    250
    0
    0
    اخوى نصيحتى لك كمل دراستك واذا ماتقدر تكمل دش الوظيفة ترا احسن من غيرها

    الانسان اذا ماتعب باول عمرة متى يتعب والا تبى مكتب وتقعد تكش ذبان :)

    قارن معاشك لو دشيت موظف حكومة وقارنة بمشغل الحقل

    وكلها خمس سنين وتدش تتدرب بغرفة التحكم وتصير مشغل غرفة تحكم وتفتك من مشغل الحقل برا

    احسبها من ناحية المعاش ومن ناحية الحياة الاجتماعية برا وشوف اللى يناسبك

    وبالنسبة للمعاش انا اظمنلك راتبك فوق 1000 دينار اذ متزوج وعندك ولدين وخدمتك خمس سنين , اما حياتك الاجتماعية انت تقدر تشوف اذا يناسبك والا لا .


    وسلامتك اخوى
     
  9. fsg70

    fsg70 بـترولـي جـديـد

    32
    0
    0
    الزبده أذا تم أقرار الكادر توكل علي الله ودش

    وبدون الكادر أفرك لها ماتسوي ​
     
  10. الهاجـري

    الهاجـري بـترولـي نشيط جدا

    363
    0
    16
    توكل على الله ودش الفرصة ما تجي إلا مرة واحدة

    و مثل ما قالوا الإخوان اللي قبلي اذا كنت تحب تشتغل بإيدك وتصير إنسان منتج ولك أهميــــة وتعتمد عليك البلد

    في إقتصادها توكل على الله ودش

    بعدين الشغل بالشركات النفطية له سمعته الطيبة

    واللي يقولون لا تدش قولهم يمديكم إطلعوا شمقعدكم

    في ناس إستقالت ورجعت بعد سنة أو سنتين ولما سألناهم ليش رجعتوا قالوا ما قدرنا نتأقلم مع معاش الحكومة

    وللعلم يعتمد على التوزيع بعد الدورة انت والواسطة يقطونك بوحدة ما فيها من الشغل إلا النوم والسوالف

    بعض الشباب خلص الجامعة وهو بهالوظيفة يعني تقدر تكمل دراستك بدون اي مشاكل
     
  11. sulfer

    sulfer بـترولـي جـديـد

    16
    0
    0
    توكل علي الله ودش

    الله يوفق انشاله
     
  12. السلام عليكم ورحمة الله وبركاته

    اخوي رزقك وجاك لا تنفي الرزق ولا تاخذ بكلام احد غيرك يدرس بالجامعه لمدة خمس سنوات واخر شيء معاشه580
    وانت يا خوي مشاء الله عمرك اصغير وراتبك حلو ومستقبلك زين والله يوفقك ومن ناحة الي يقول انحش وافرك لها ما يبي لك الخير
     
  13. انيرجي

    انيرجي بـترولـي نشيط

    61
    0
    0
    حبايبي والله كل الي شجعوني والي ماشعجوني ماقصرتوا خلاص انشاءالله بتوكل على الله وماقصرتوا
     
  14. almaie71

    almaie71 بـترولـي نشيط

    64
    0
    0
    دش وتوكل على الله وفيها رزق لك ولعيالك مستقبلا إنشائ الله وببساطة وظيفة مشغل حقل مثل البنشرجي إلى يبدل دهن السيارة في الصناعية وإذكر كلامي ..:))
     
  15. q8nrsh

    q8nrsh بـترولـي جـديـد

    21
    0
    0
    انا من الرافضين ليش ان وظيفه في البترول جدا متعبه وشفتات وانصحك ادرس ويجب تحديد مصيرك ولاتسال وايد تضيع
     
  16. Q8iT-DIVE

    Q8iT-DIVE بـترولـي جـديـد

    45
    0
    0
    faild-operator
    KUWAIT
    الله يوفقك ان شاء الله .. ودش هالوظيفه و مثل ما قالو الاخوان الفرصه ما تجي الا مره وحده بالعمر

    والتوفيق للجميع
     
  17. sky905

    sky905 موقوف

    2
    0
    0
    يبا الدوره اهم شي فيها الحذور ثانيا قسم وقتك عدل بين شغل ربعك اهلك
    انا كل يوم بدوانيه او نهية الاسبوع اذا مو مع الربع بشاليه مع اهلي بالشاليه و3 مرات اتعشا مع اهلي بره واورح السينما وعندي قهوة ادريها اهم شي اعرف اشلون ادرير الوقت لازم يصير عنك ااداره
     
  18. نسناس

    نسناس بـترولـي جـديـد

    37
    0
    0
    لاتنحاش :)

    وماعليك من احد

    من اول مادشينا الشركه والناس تقول ليش دشيت

    احمد ربك انك دشيت ولاتفرط فيها اول كان اول راتب عزابي 630 وكنا نقول اللهم لك الحمد والحين مع الزياده بيصير الراتب العزابي فوق 800

    واذا لك خاطر تكمل دراسه المجال مفتوح الجامعات كثيره بمصر وانت عارف النظام

    توكل على الله ودش وحياك الله في الشركه واتمنى تكون معنا ولاتطيح بناس تكرهك بالشغل والنصايح ولو هم صادقين يمديهم يطلعون

    وشكرا
     
  19. Soberside

    Soberside بـترولـي جـديـد

    14
    0
    0
    الناس قاعده تحط واسطات عشان تنقبل بهالوظيفة وانت تسأل ادش ولا ماادش
    ياخوي توكل علي الله ودش من غير تفكير تري مو كل واحد يحصل هالفرصة اسأل مجرب
    الله يوفقك ويوفق الجميع
     
جاري تحميل الصفحة...

مشاركة هذه الصفحة