مكافأة «المشاركة بالنجاح» تصرف في أبريل للعاملين في القطاع النفطي !!!

عندي سؤال ليش هالجرايد حاطه علينا وفاضحتنا بين العالم -البونص اللي بوازره الماليه وغيرهم من الوزارات اشوف محد يكتب عنه الا احنا لو اخذنا فلس كل العالم دروا بالسالفه-شي يقهر الصراحه

 

راتب اساسي وليس أجمالي الراتب

 

لا الخبر الصحيح راتبين ونص

 

لاحول ولاقوة الا بالله ... ماعندهم شغل غيرنا واذا شموا الخبر سووه اسكت جنه محد غيرنا ياخذ مكافأة سنوية .... مع العلم ان وزارات وجهات وايد طايفينه بمكافأتهم السنوية "كنت اشتغل بوزارة مكافأتها دبل النفط"

المشكله حتى بنقل الخبر مافي مصداقيه ... ماصدقوا شموا شي عن القطاع الا حطوله بهارات وعنوان رئيسي وخط عريض .... وحورفوا فيه " راتبين!!" بالله شياب راتبين حق اساسيين!!!!!

ماقول الا الله يبعدهم عنا ويفكنا من شرهم ... محد ضيعنا الا هالجرايد

 

تأكيدا للخبر سوف يعقد اجتماع المؤسسة تاريخ 19 مارس ويقررون المكافأة رسميا ونتمنى انها تكون مرضية

 

كلام صحيح

 

بسكم فضحتونايالجرايد جنه محد ياخذ بونص الا النفط فتحتو عيون الناس علينا اقضوا حوائجكم بالكتمان.

 

ليش متعبيين روحهم راتبييين بس

العام سعر النفط 50 دولار و عطونا 1.5

الحين بصك 100 دولار بيعطونا 2


.... مادري شنو يبونا نسوي فيهم عشان يستعوبون اهميه ابناء القطاع النفطي


زياده وقفوها

كوادر جمودها

كل يوم و الثاني قوانين و خرابيط جيدي مصعبه الحياه الي موظفي القطاع النفطي

هزلت و الله

 

وايد عليهم راتبين و الله البرميل الكويتي وصل 100 إلا شوي و راتبين !!

 

اتصدقون حتي مكافأه المشاركه بالنجاح شكلها باااااااااااااااااااح ,, ماصرنا انصدق اي شي وحتي لو صارت راتبين ولاشي علي سعر البرميل 100 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ NO COMENT

 

خلك ساكت و خليها على راتبين.....ليش الفضايح...

 

والله محد مودرنا ومبطل عيون الناس علينا الا هالجرايد التعيسه !!
شكوووووووووووووو

 

قولوا الحمدلله على كل حال

و الجرايد من وين اييب الاخبار الا من مصادر لها بالقطاع نفسه .

 

الله كريم واحنا نستاهل واكثر احنا الجندى المجهول فى اقتصاد البلد الحبيب الكويت وكلنا فدا لها وللامير القايد حفظه الله والكويت من كل مكروه وعساهم مايبخلون علينا

 

المشاركة بالنجاح

المكافأه انشاء الله ( 3 ) رواتب أساسية حسب كلام الاخوان فى نقابة المؤسسة .

 

بس 3 رواتب؟

 

الحمدلله نعمه

صج بني آدم .. مايعجبكم العجب ولا الصيام في رجب

ماعطونا .. قمنا نتحلطم .. عطونا ..هم تحلطمنا

قولوا الحمدلله .. غيرنا مو محصل ربع اللي عندنا

 

الخبر الأكيد إن أنا و رفيجتي قاعدين نسولف جان يدق ريلي و يقول "" مبرووك يا أم عيالي المعاشين" قلت شتقصد قال الخبر بالجريدة و الحلاوه حقي ... رفيجتي تقول شفيه ويهج إنقلب ... قلت سلامتج ...10 دقايق ياها مسج من ريلها "" يقول لها مبروك و راعي النصيفة سالم" قالت شنو يقصد ؟ قلت لها الحين عرفتي ليش قلبت ويهي ... لأن الجرايد ما خلوا شي ما قالوه ... اله لا يبارك فيهم .. قالت عاد أنا قايلتله إن السنة بيعطونا بس أساسي واحد !!!! .... )

ما أقول الا الله يهدي جرايدنا رياييلنا كل يوم ييبون أخبارنا منها ... والله مصخرة .. والله المستعان

 

اي جريدة؟
وعندي سؤال..ليش لما رفيجتج سالتج شفيج ماقلتيلها شفيج..