مستقبلنا ... الى اين ؟؟؟

الكاتب : Bu Bader | المشاهدات : 681 | الردود : 6 | ‏16 مارس 2008
  1. Bu Bader

    Bu Bader بـترولـي جـديـد

    25
    0
    0
    السلام عليكم ورحمه الله وبركاته
    اسمحولي يا اخوان كموظف في الشركة بوظيفة رجل امن ان نعرف مصيرنا ، فمنا المتزوج ومنا من يعيل اسرته واليكم بعض الاسئلة التي اريد من نقابتنا الموقرة التي لم نشهد منها الا السكوت و الاختباء ان تجاوب ..

    1. من المسؤول عن قولهم في بداية التحاقنا بالدورة ان رواتبنا لن تقل عن 700 دينار ؟
    2. من المسؤول عن وضعنا في بوابات يستحي الشخص منا وصفها حتى امام اقرب الناس اليه ؟
    3. من المسؤول عن رواتبنا التي كل شهر تاتيك بشكل مختلف ؟
    4. الى من نذهب لكي يشرح لنا مزايا و مخطط و مستقبل دورة الحماية الشاطئية والكل يقول لك لاا اعلم ؟
    5. كيف يعرف الشخص تقييمه السنوي اذ انه لا يحق لك ان تعرفه ؟
    6. من الشخص الذي بشركتنا معني بحل مشاكل الموظفين ؟
    7.متى سيتم ترقينا وعلى اي مبدا و هل يحق لنا استكمال دراستنا ؟
    8. من المسؤول عن اختلاف مده الدورات بين الدفعات ولماذا ؟
    9.لماذا كل ما يعاقب شخص يأتون به الى مصفاة الشعيبة هل هي سجن ام ماذا كي نحترس وهل الذين يعملون هناك غير بشر ؟
    10. الى متى ونحن نسمع الاشاعات و نقابتنا المحترمة موجوده بلا وجود ؟
    11.متى سيتم صرف الزيادة من قبل الشركة وهل هي جاهزة للصرف ؟

    والله العظيم ان الواحد يتعب و اهو يتساءل و الشركة ماشية على مبدأ تبي سجل ما تبي لا تسجل بدورة الحماية و لا يجوز ان تنسحب الى بعد مرور سنتين سجن مو وظيفة ...

    و سامحونا .....
     
  2. BRONZI

    BRONZI بـترولـي نشيط

    146
    0
    0
    اخوي بوبدر شركتنا توها جديده والوضع فيها كأي وضع شركه جديده
    بس المشكله بشركتنا كلها واسطات والكل ياكل حق الثاني
    الــــلــــه يعينا على بلوانا لو بس العبيد يحاول يضبط المسؤولين اللي تحته والمدراء ويكرب عليهم ويخليهم يداومون وماااااااااااااااا (((( يزرقون )))) تقدر انت وغيرك تاخذ اللي تبيه من اسأله واستفسارات
    وانا شخصيا اشكر الموظف المثالي بدر الشطي على حسن دوامه ومعاملته مع الموظفين وعدم تزريقه نفس باقي الربع
    اخوي اذا تبي اي استفسار روح للشركه ودور على بدر الشطي او الاخت المحترمه فاطمه الشمالي وصدقني راح يجاوبون على اسألتك كلها
    ((((( ترى بالشركه بس الشخصين بدر وفاطمه هم اللي يداومون والبااااقي منهم العوض)))))
     
  3. القعقاع

    القعقاع بـترولـي نشيط جدا

    345
    0
    0
    ليش هذا الانحياز تجاه بدر وفاطمه مع احترامي لك ولبدر وفاطمه

    ترا في ناس فيهم خير من الموظفين الكفؤ ويداومون دوام كامل واللي يزرقون على قولتك قله

    وماعتقد انك يوميا تفتر بالشركه وتسأل الموظفين موجودين ولا لا!!
     
  4. Bu Bader

    Bu Bader بـترولـي جـديـد

    25
    0
    0
    كلامك على عيني وراسي بس كلامك يأكد ان الشركة مقصرة بحق موظفيها يعني معقولة شركة مسؤوله عن اكثر من الف موظف 2 بس الي يعتمد عليهم والباجي ، في ناس عندها ضمير وتشتغل و تخاف ربها عسى ربي يرزقهم و ويوفقهم انزين بس الباججي وينهم و اذا على سالفة شركة جديده .. الشركة صارلها اكثر من سنتين لي متى بنقول شركة جديدة و حتى لو جديدة ما يكون الوضع بهشكل .. بالنسبة لي ان كونها شركة جديده لازم تكون هناك فوضى شيء غير مقنع ........
    وشكراا
     
  5. 3sr

    3sr بـترولـي جـديـد

    40
    0
    0
    الي ..... التاريخ وانتم بكرامه !!
     
  6. Q825

    Q825 بـترولـي مميز

    500
    0
    0
    الشغلات الي ذكرتها من 3 لي 11 لك حق فيها الاداره والنقابه راكبهم الغلط

    بس رقم 1 و 2 ماني معاك فيها انته حارس أمن جم يعني تبي يعطونك 1000
    منت دكتور او جامعي عشان اطالب اكثر من 700
    بعض الجامعيين مايحصلون هالمبلغ 700 بالحكومه
    اذا مو عاجبك وضعك كحارس امن وتستحي اتقول حق الناس وين اداوم استقيل وخدم على ديوان الخدمة المدنيه وريح نفسك وماتتفشل جدام الناس.
     
  7. Bu Bader

    Bu Bader بـترولـي جـديـد

    25
    0
    0
    شكراعلى الرد اخوي ..

    اول شي انا ما قلت ابي راتي يكون 1000 دينار و ما قلت اني دكتور او جامعي بس انت ما فهمت القصد من كلامي ، انا الي اعنيه ان اول ما دشينا الدورة اجتمعوا فينا و قالوا لنا ان راتبكم ما يقل عن 700 دينار و هذا يعتبر شي غير صحيح لان بعد الدورة ما شفنا هشي والشي الثاني انا ما قلت استحي اكون حارس امن لو استحي ما دشيت الدورة و قدمت على الديوان رجاء لا تقولني كلام على مزاجك انا قلت ان البوابات غير مؤهلة ان انسان يقعد فيها من روائحها و تكييفها التعبان و انقطاع الماء المستمر فيها ، يعني كان كلامي عن البوابة يعني المبنى يعني المكان الي يقعد فيه الموظف انه وضعها تعبان و قديمه و بعضها تكون متر ابمتر فكلامي ما كان عن وضعي كحارس امن و استحي اقول حق الناس وين اداوم اخوي العزيز
    وشكرا
     
جاري تحميل الصفحة...

مشاركة هذه الصفحة