اذا قالك المسؤول (هذا شغلك) ؟؟

الكاتب : !!..Me | المشاهدات : 804 | الردود : 12 | ‏16 مارس 2008
  1. !!..Me

    !!..Me موقوف

    239
    0
    0
    اذا قالك المسؤول (هذا شغلك) ؟؟

    السلام عليكم

    ومسائكم ورد

    ياجماعه اللي يكون عنده اقتراح طيب.. ويكون رد المسؤول هذا شغلك .. شسويت يعني .. ماجبت شي جديد.. ومن هذا الاحباط في العمل ..

    حالياً في السناتر موعد الانشورنس .. التأمين.. OP1-OP2 واحد منهم حولوه صباحي على احد السناتر ويكرف المسكين كل يوم للساعه 7 وايام الجمعه والسبت بحجه انه اوفر تايم .. طبعاً ولانهضم حق باقي زملائه في السنتر.. وبالأخير يقولون له هذا شغلك<< ؟؟؟؟؟؟؟؟؟؟

    طيب انا اقول انه يستحق أكثر من اوفر تايم .. الرجال دوامه شفت وانخصم من معاشه كذا علاوه على سبيل المثال 24Hr

    يشتغل ويرتب وفايلات وكيبلات ونظافه الجي سي ومرات يكون مستلم اكثر من سنتر واخرتها بس اوفر تايم لا وبعد تعال داوم ويا الشفتات يعني مافيه سياره بعد..

    انا أقول ان التأمين يزيد على الشركه(KOC) مبلغ التأمين .. ونحن نتكلم عن ملايين من غير مبالغه .. واذا خلص التأمين .. وهي شركه اجنبيه والاتفاق كان على نفس المبلغ للعام الماضي؟ مو معناته ان هالناس اللي تكدح تستاهل تكريم .. اتكلم عن مكافآت ماليه .. ماني انسان مادي بس هذا حافز على ان الواحد اذا دقو عليه وقالوله تصير صباحي على الانشورنس يوافق علطول


    معلومه حبيت أوضحها .. GC15 لما صار الانفجار شركه التأمين دفعت 300 مليون دينار مبلغ خيالي صح أتوقع فلست الشركه بعدها .. والحكومه الكويتيه مادفعت ولا فلس واحد .. أتمنى انكم فهمتو ما اقصد

    نشوف آرائكم مع الشكر مقدماً..
     
  2. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    يا مي


    اذا انت تشتغل شغلك مالك شي الا كلمه هذا شغلك


    بس اذا عندك اقتراح او انجاز او شي ينحط في ملفك ذا يفيدك



    نفس موضوعك ذا صار معي

    في التقييم قلت له وش ذا قود بلس قال ذا شغلك وماسويت شي يفيد الاداره

    قلت له واللي خذا فري قود وش انجازاتهم سكت وابتسم الدعوه واسطه


    وانجاازي الجديد بروح للخطوط مشي بدون سياره الدوام عشان يدرون اني اشتغل :)
     
  3. !!..Me

    !!..Me موقوف

    239
    0
    0
    والله يالشايب قمه الاحباط

    انا ماتكلم عن شغلك العادي .. اتكلم عن شي جديد .. على سبيل المثال مشكله كبيره وانت حليتها والله وصارت معي ومع غيري انا متأكد ما اقولك اني فلته وامدح نفسي بس عند الشدائد تشتد الهمم << قلتها صح ولا لا ؟

    يقولك هذا شغلك .. هو قاعد في مكتبه ومقزرها سفرات واجتماعات .. ويحسدك على تقرير ولا بونص ولا انسنتف .. والله تقول دافع شي من جيبه
     
  4. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    اسمع نصيحه الشايب :)


    ما كل من يسعى يلاقي مراده ... ماهو بتحبيط(ن) ولكن حقيقه

    شفني درست ولا خذيت الشهاده ... لا صبح لا ليلي ولا اي طريقه


    ماهو غبى مني ولا ضعف اراده .. مالله قسم للعبد شي يليقه


    عــــــــــــــــــط عـــــــــــــمــــــــــــــــــرك الــــــــــعـــــــــــافيــــــــــــــــــــــه


    يــكــدووون عــافيـــتك ولا بــه مقااااااابل


    :)
     
  5. OPERATION_1

    OPERATION_1 بـترولـي جـديـد

    2
    0
    0
    مرحبا أخوي Me..!!

    بالنسبة حق ال OP-1 or OP-2 اللي يشتغلون بالانشورنس عندهم اوفر تايم مفتوح + بونص الانشورنس ( يجي دايما بعد الانشورنس ) + مكانه محفوظ بالانسنتف و ال SOP السنوي دايما امتياز ... هذا غير الخبره اللي ياخذها من الانشورنس واللي تأهله للانتقال لل HSE اذا يبي بالمستقبل

    و طبعا هذا كله مو علشان واسطه أو محسوبيه ... هذا كله علشان مجهوداتهم اللي بذلوها بالانشورنس ... و صراحة يستاهلون والاداره مو مقصره معاهم بهال الناحية
     
  6. HUMMER

    HUMMER بـترولـي خـاص

    اخوي كل اقتراح تقدمه لازم تدرسه وتتاكد ان محد مقدمه من قبل وبعدين تاخذ صوره لك

    وتنطر لي وقت كتابة التقارير وتقدر تحجهم واذا مافاد الامر معاهم ارفع الموضوع للجنة التظلمات

    بس لازم يكون معاك ادله وهي صورة اقتراحك ولا تياس من الموضوع حتى لو وصل الموضوع

    للعضو المنتدب
     
  7. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    ME
    مساك الله بالخير فديتك
    والله لو تشتغل بايدك ورجيلك وتبدع وتكرف وتنجز وتخترع وتسوي أقترااحات توفر الكثير من الشغلات
    ماعندهم غير ها الجواب >> هذا شغلك
    أحبااط ماعاد ورااه أحباااط
    وآخرتك تقريرك نفس تقرير الي متكي ولاهوو قصوور بالربع
    يااولد خذها نصيحه من أخيك
    داوم دوامك العادي وأخذ روتينك العادي ولاتووجع عمرك بالشغل
    وأمر الله من سعه
    وخلك ريلااكس وريح باالك

    وتقبل سلامي يا فؤادي
     
  8. Winchester

    Winchester المـراقب الـعـام

    يجب تمييزهم الصراحه يكرفون ما تسوى عليهم


    الله يعطيهم العافية
     
  9. !!..Me

    !!..Me موقوف

    239
    0
    0
    مشكورين ويعطيكم الف عافيه على المرور والتعليقات الاجمل

    نورتو الموضوع
     
  10. وحش المقوع

    وحش المقوع بـترولـي جـديـد

    41
    0
    0
    يا جماعه مساكم الله بالخير


    انا والله معاكم الف بالميه على ان في ناس تكرف ولا تاخذ حقها بس والله الى يكرف وياخذ حقه اكثر من الناس الى ما ياخذ حقه وبعدين الشغل شنهو لا يغركم الى اتسوونه والله ولا شي لكثير من الشغلات حتى بعض الوظايف الحكوميه العمل عباده لله وبركه للرزق وحركه للجسم وعلم غانم لربعك والرجال الطيبه وفوق هذا سمعه زينه وتقريرن طيب اشتبون بعد حللو معشاتكم واكرفو جزاكم الله خير
     
  11. q8nrsh

    q8nrsh بـترولـي جـديـد

    21
    0
    0
    هذا شغلك اكيد والاحباط وايد بالسناتر وكلهم يساعدون ربعهم ويخلونك انت المسكين ويقولوا هذا شغلك ماقول الا الظلم ظلمات يوم القيامه
     
  12. DuNHiLL

    DuNHiLL بـترولـي جـديـد

    1
    0
    0
    مساكم الله بالخيررر 0000 انا حبيت اقول لأخوي وحش المقوع انه صدق من قال
    يمدح السوق من ربـــح فيه
     
  13. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    شوف اخوي باختصار اذا تبي اوت ستاندنق من غير واسطة لازم تصير انت و انشتاين ديز ديز ( يعني مثل مثل ) هذا حسب قوانين المسؤولين او في طريج مختصر طيييح له عجاف بالتيم ليدر ليييييييييييييييييييييييين يصدق نفسه و يعطيك اوت ستاندق : )
     
جاري تحميل الصفحة...

مشاركة هذه الصفحة