هل بالكويت أزمة إسكانية بالفعل ؟

الكاتب : Q8_oil | المشاهدات : 346 | الردود : 2 | ‏16 مارس 2008
  1. Q8_oil

    Q8_oil بـترولـي خـاص

    1,387
    0
    0
    السلام عليكم

    طبعا مثل قديم يقول العقار سعره فيه أو العقار ما منه خوف

    يمكن عشان جذي يعتبر القطاع العقاري بالكويت من أغلى القطاعات خليجيا و عربيا و عالميا أيضا

    يعني عندنا إذا مو أغلى العقارات بالعالم عيل بكون من أغلى العقارات

    و في ناس يقولون إي و الله عشان ديرتنا صغيرة و ما شاء الله كلها أراضي و حقول نفطية

    وين نبني يعني ؟؟

    بس هل هذا هو السبب الوحيد إللي يخلي العقار عندنا يشب ضو ؟؟

    أنا أقول لا

    بالكويت عندنا أراضي وايد و لكن للأسف مهملة و محد مهتم فيها

    أول شي صبحان .... لما الحكومة شافت إن في أزمة بتصير لازم تشيل صبحان و مصانعها

    ( كلها مصنع بسكوت و معكرونية و بطاط )

    و تشيل مباني الجيش

    ( جيش و يداوم بصبحان و مدنيين يداومون بالأحمدي و الزور و الخفجي )

    و خل يوزعون فيها قسايم

    ثانيا المطار ....... ليش جددوا المطار ؟؟

    أنا بدالهم أشيله من عرجه و أقطه آخر الدنيا

    ( أول مرة أشوف مطار يبعد عن العاصمة 13 كيلو )

    ثالثا المناطق الجديدة ...... ليش ما فيها تخطيط ؟

    لما أبي أوزع بيوت و أبي الناس تروح هناك لازم أسوي الخدمات و بعدين أوزع الأراضي و البيوت مو العكس

    أول شي أسوي مدارس و مستشفيات و البنية التحتية أكيد جاهزة

    و بعدين أقول و أعلن عنها و لكن إذا تبي توزع أراضي و بس شي أكيد محد بروح

    ( أطلع مخيم أحسن على الأقل أرخص )

    بس يا ترى الحكومة ما تعرف كل هذا ؟؟

    أكيد تعرف بس إمطنشة بكيفها !!

    و السبب واضح ( فيدني و فيدك ) = ( شيلني و شيلك ) = ( زبطني و زبطك يا باشا )

    يعني جك بوم تطلع لنا منطقة جديدة بالديرة ( جنوب السرة + غرب مشرف )

    من حيث لا نعلم و طبعا الأراضي هم ماخذينها بكم فلس و باعوها بكم ألف بس !!

    يعني لو كانت الحكومة مخططة و البيوت و المناطق ماشية كان ما عندنا هالمشاكل

    الزبدة ( أهم إمطنشين عشان كل يوم يطلعون لنا منطقة جديدة و طالعة عليهم ببلاش و يبيعونها بملايين )

    بس هذه السالفة

     
  2. جوري بس فحل

    جوري بس فحل بـترولـي نشيط

    143
    0
    0


    يوجد بالكويت أزمة قرار



    -------------------------------------------------------------------------------------------------------------------------------
     
  3. Q8_oil

    Q8_oil بـترولـي خـاص

    1,387
    0
    0
    أزمة قرار

    أزمة تخطيط

    أزمة كهربا و ماي

    حتى أزمة بيض عندنا !!
     
جاري تحميل الصفحة...

مشاركة هذه الصفحة