خلنا نصير على قلب واحد و لو مرة وحدة

الكاتب : Q8_oil | المشاهدات : 1,201 | الردود : 23 | ‏22 أكتوبر 2007
  1. Q8_oil

    Q8_oil بـترولـي خـاص

    1,387
    0
    0
    السلام عليكم

    إخواني الكرام بالمنتدى و بالقطاع
    لا يخفى عليكم بأن القطاع و للأسف أصبح قطاع طارد و شيء و هو يتجه للهاوية و طبعا المتضرر الأول و الأخير هو نحن العاملين بالقطاع
    و لكن لازالت لنا فرصة لفرض مطالبنا و تصحيح الوضع و ذلك بالإنتخابات القادمة فرجاءا من الجميع الإمتناع عن الطائفية و القبلية و هذا فلان يضبطني و هذا علان بدزني كورس أو بيعطيني جريد خلينا نفكر و لو مرة وحدة بجميع الناس و ليس كل واحد يفكر بنفسه.
     
  2. SMART_BOY

    SMART_BOY بـترولـي نشيط جدا

    189
    0
    0
    صح صح صح

    والله يا مهندس البورصة صح


    مع إن شكلك شبعان ما انت بحاجة نقابة او حتى شركة

    النك صعب حيل صراحة خخخخخخخخخخ
     
  3. نفط الكويت

    نفط الكويت بـترولـي نشيط جدا

    183
    0
    0
    عين العقل نبي ناس تشتغل حق النقابة و حقوق العمال فقط !!!
     
  4. SMART_BOY

    SMART_BOY بـترولـي نشيط جدا

    189
    0
    0
    بيض الله وجهك يا نفط الكويت


    عين العقل والله
     
  5. الكويت

    الكويت بـترولـي جـديـد

    41
    0
    0
    كلكم صح كلللللللللللللللللللللللكم صح

    والله يعطيكم العافيه ويلا شدو الهمه
     
  6. هـــــ KOC ــاجري

    هـــــ KOC ــاجري بـترولـي جـديـد

    40
    0
    0
    كلامك صحيح يا مهندس البورصة .... عاد الانتخابات يبيها شوية هندسة ترا :)
     
  7. كويتي

    كويتي بـترولـي نشيط جدا

    هذه أمنية كل عامل ؛

    إلى أن تتدخل قوى خارجية لإتمام مصالحها الشخصية ؛ على حساب العاملين ؛

    الله يسمع منك ؛ و يكون أكبر حضور للجمعية العمومية بإنتخابات 2008 ؛


    و أرد أقــول ؛




    أفـق أيــها العمـــــلاق ،؛،
     
  8. HUMMER

    HUMMER بـترولـي خـاص

    اخوي العزيز شنو احسن قائمه تشتغل بوجهة نظرك وعندها انجازات
    وعلى فكره انا لا قبلي ولا طائفي ولا شي انا انسان اسعى ورى القائمه اللي تخلصلي مصالحي وبس
    وانت فهمت اي قائمه انا اقصد وهذا الكلام للكثير والكثير انا اقوله وين القائمه اللي تخلص مصالحك صوت لها وانت مغمض
    لان القوائم اليديده مو اكاديميه بقوانين وثغرات الشركة وبعدين انظر حق الموظف بالقدم بالشركه
     
  9. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    يا جماعه لو ينزل من كل دائرة شخص يمثلهم وطبعا يكون شخص ثقة ومتمكن من العمل النقابي بغض النظر عن اصله وفصله ومذهبه وطبعا يكونون جماعه وحده اطالب بحقووق العمال بدون انتخاابات وحزاازات وهذا يفوز وهذا يخسر
     
  10. SMART_BOY

    SMART_BOY بـترولـي نشيط جدا

    189
    0
    0
    تحياتي ... وسؤال مهم ... وراح أجاوبك عليه من وجهة نظري وخبرتي


    من ناحية الفهم بقوانين وثغرات المواد بالشركة .................................................. المعتدلة تبرز نفسها

    من ناحية الخبرة بالإدارة وسرعة الاتصال و معرفة طريقة تخليص العامل وانجاز ما يحتاج ........ المعتدلة تبرز نفسها

    من ناحية التنسيق و الجودة وقوة الارتباط .. و المعرفة بكل دوائر الشركة وتفريعاتها ...........المعتدلة تبرز نفسها

    من ناحية البعد عن الطائفية والقبلية وخدمة الناس جميعا بدون تفريق ..........................المعتدلة تبرز نفسها


    من ناحية الانتشار في كل دوائر الشركة ... وقوة الاتصال ...والنجازات ..وجمع الانصار ..........المعتدلة تبرز نفسها
    والحقيقة سابقة بالقطاع النفطي أن ترا مجموعة لأربع دورات متتالية آخرها كان شبه تزكية ....تنجح وباقتدار وخمسة عشر كرسي!!


    و الجاية راح تكون الخامسة ...... إذا المعتدلة هي الحصان الأسود للانتخابات القادمة

    والله يوفق الجميع

    وتقبل مروري
     
  11. SULTANE114

    SULTANE114 بـترولـي جـديـد

    6
    0
    0
    يا مهندس البورصة أنت تنفخ بجربه مقظوظه ما اعتقد مع هالنوعية من العقول يصير الى تقول عنه طالما في ناس عندها طموح أكثر من الازم وعنها الاستعداد الحصول عليها بكل الطرق المشروعة والغير مشروعة ، أما بخصوص القبلية والطائفية والعنصرية لحد يقص عليك ويقولك غير هالكلام لأنها مرض منتشر على مستوى الكويت وفي إزدياد وبمساعدة وبصنع أيادي نافذة على مستوى البلد وبمباركة بشر باعوا ظمائرهم ومبادئهم وولائهم على حساب مصلحت الكويت لحصولهم على مصالحهم .
     
  12. كحيلان

    كحيلان بـترولـي جـديـد

    20
    0
    0
    السلام عليكم ورحمة الله وبراكاته

    أخي العزيز كلامك مو صحيح ودامك تقول أن القبلية في كل مكان زادة بس للانتخابات البلد ية والامة لل KOC
    أنا ضدك والسبب نحن ننتخب من يشتغل لمصلحة موظفين الشركة والله ألي بينتخب من هو ضد طموح الموظفين فا هذا خسارة ... والوضع تغير يالحبيب وهو طبعا ألي الاسواء مو ألي الافضل قائمة المعتدلة سنتين ولا في شي المعتدلة انا من الناس ألي احبه وألحين وقسم بالله انا ضدها بسبب شغلها الي تغير.


    وشكــــــــــــــــــــرا......
     
  13. Phox

    Phox بـترولـي نشيط جدا

    400
    0
    0

    المعتدله من تأسيسها 1984 وكانت من اروع القوائم ... انجازات ومطالبات ودعم لحقوق العمال بشكل عجيب

    وتمت على هالمنوال ليما 2002 .. من بعد هالتاريخ بدأ "الشق" والتصدع يظهر .. تمت الامور تحت السيطره الين 2005 وظهر الانفصال والنشقاق بين اعضائها .. وبعد مجلس 2005 وظهور الخلاف امام الملأ واستقالة العجمي بسبب "التخوينه" المعروفه وبعدها سالفة منذر .. واستقالة الحمادي وبعدها خروج الحضر ... والعوازم طلعوا منها .. الخلاصه ان المعتدله وصلت لمرحله ما راح تقدر تؤدى حقوق العمال .. وارتبط اسمها -مع الاسف- باسم شخص واحد و عنوان المصلحة لإنتخابات الامة ( ماهو غلط بس المفروض ما ينسى حقوق العمال)

    ما اعتقد ان في دخان بدون نار .. وما اعتقد ان قائمة تخسر اكثر من 750 صوت من اساس قواعدها فجأه بدون سبب !!! ودنا بقائمة ثانيه سواء الائتلاف -اللى ما عجبها وضع المعتدله وانشقت حفظا لماء الوجهه- او بالعماليه اللى مقروصه من دهر ومبعده عن مقاعد النقابه انها تكون متعلمه الدرس واذا ارجعت تهتم بالعمال ومشاكلهم

    الاختيار بأيدنا ... واذا على سمارت اتوسطلك اذا تبي وتنزل مع المعتدله ;)
     
  14. كحيلان

    كحيلان بـترولـي جـديـد

    20
    0
    0
    بسم الله الرحمن الرحيم
    والصلاة والسلام على سيدنا محمد رسول الله صلى الله علية وسلم
    أم بعد بصراحه أنا معاك بكل ألي قلته عن المعتدلة وكلك صح وفي قائمة راح تفجر أعيونكم بالانتخابات الجايه أنا من المعجبين فيها بصراحه ولهم التوفيق أنشالله .... والمعتدلة لها كل التوفيق أنشالله بس نصيحه لهم أمامكم شي ماحسبتوله أحساب فانرجو منكم الحضر الحضر ... وشكــــــــــــــــــــرا ...
    (( كحــــــــــيلان وأبوي كحـيلان ))
     
  15. SMART_BOY

    SMART_BOY بـترولـي نشيط جدا

    189
    0
    0
    لا يبه ما راح ننزل مع المعتدلة ;)

    كافينا شغلنا اللي على راسنا:(


    حلو جلو جدا دس السمن بالعسل;););)

    أي يبه المعتدلة كانت ولا زالت وستظل قائمة الإنجازات :rolleyes::);):D:cool:


    وهي ما ارتبطت باسامي لا من قبل ولا الحين


    ولا راح توقف على أحد ... لا عجمي ولا حمادي و غيره.... واللي يزعل يستريح :confused:;):rolleyes::cool:


    وبعدين تخسر من قواعدها 750 !!! منين تجيب هالأرقام:eek: ولا سياسية الغزو الإعلامي:p

    مره وحده ... الله يا شيخ ... على مهل على مهل 250 صوت بالكثييييييييييير وإذا قطعو الزعلانين أنفسهم ....تروح كل سنه


    ويجي بدالها 600 كل سنه ... يزعل اثنين ... ويرضى بالدهم 50 :D


    وعن كثر الحنه ...

    كل قاعد واحد يلمع لي ربعه .. وشلك والله نازل مع الئتلاف ... ومخلينك بس حق لجنة النت ... وهم يجيبون لك التزامات .. إذا حصلو التزامات خخخخ:D

    الائتلاف .... مليون مره قلتلك .... قايمه على مجموعه وحده ... لا ومتفرقه .... ولا ودوائر مرشحينها زعلانه منها:(

    والعمالية ... اووووف تعبت من كتابة هالاسم .... خلاص ... صفحه مشقوقة من التاريخ:eek:


    والمعتدلة ... قائمة الجميع ... كل الطوائف .. كل القبائل ... كل العمال ...:):D:rolleyes::cool::rolleyes::D;)

    وراح تبقى جذي:)


    والصناديق تحكي


    تقبل مروري

    سمارت :)
     
    آخر تعديل: ‏27 أكتوبر 2007
  16. BG. 1

    BG. 1 موقوف

    489
    0
    0
    منتظر الترقية
    البيت ماخلص
    علي اي أساس استندت علي خروج الحضر والعوازم

    ما اعتقد
     
  17. SMART_BOY

    SMART_BOY بـترولـي نشيط جدا

    189
    0
    0
    ما في استنتاجات خخخخ

    يحليلك بي جي 1

    في طال عمرك احتشي احتشي

    بلكي يجينا من المنتدى كم صوت يابه


    تقبل مروري

    سمارتوووو
     
  18. Phox

    Phox بـترولـي نشيط جدا

    400
    0
    0
    انا ناسى انى كاتب بهالموضوع اصلا :)

    قرضتونى قرض انت وياه لووووووووووووووووول

    كانوا العوازم ينزلون مع المعتدله (نقا العازمي) والسنه هذى لهم توجهه انهم ينزلون مع الائتلاف فقط ( هذا كلام مصدري من العوازم)

    بالنسبه للحضر اقصد فيهم الكنادره والفيلكاويه ... مشكور على التنويه .. اما عموم الحضر فمادرى عنهم واللى اعرفه ان الشيعه ما ينزلون الا مع العماليه ...

    الارقام واضحه وسهله ... اذا جمعت الكنادره والفيلكاويه والمحسوبين عليهم (عرب فارس) والعوازم راح يتعدون 750 .. وكشف النقابة موجود اذا شفته تعال كلمنى .. ادرى فيك حافظه كله وتعرف كل شى يا سمارت ما اقدر اقولك شى


    بعدين عفيه اييد تكتب كل هذا ... انا اتعب على ما اطبع السطر وانت تكتب هالصفحه جنك تشرب ماي ... بل

    سمارت انا مخاصمك ... شكلك حبيت Bg وخنت حبي لك :(
     
    آخر تعديل: ‏28 أكتوبر 2007
  19. SULTANE114

    SULTANE114 بـترولـي جـديـد

    6
    0
    0
    ( بالنسبه للحضر اقصد فيهم الكنادره والفيلكاويه ... مشكور على التنويه .. اما عموم الحضر فمادرى عنهم واللى اعرفه ان الشيعه ما ينزلون الا مع العماليه ...

    الارقام واضحه وسهله ... اذا جمعت الكنادره والفيلكاويه والمحسوبين عليهم (عرب فارس) والعوازم راح يتعدون 750 )



    هذه التصنيفات والحسابات عند بعض الأخوان في حسبة إنتخابات النقابة يا أخ كحيلان وتقولي مافي قبليه وعنصريه وطائفية وإحنا ننتخب الي يطالب في مصلحة الموظفين ، ليش مانعترف ليش انقص على بعضنا أتمنى أني أكون غلطان لكن للأسف المصلحة مو وحده كل واحد أو مجموعة لها حسبة خاصه بها.
     
  20. Phox

    Phox بـترولـي نشيط جدا

    400
    0
    0
    اخوى سلطان 114

    اشكرلك اسهابك بالموضوع ...


    هذى طريقه اى انتخابات ومافى انتخابات بالدنيا ما تمشى بدون هالحسبه

    اللى انت تبيه ان الكل يقوم من النوم ويروح يقترع الافضل واهو مغمض هذا تلقاه بالمثاليات والاحلام ... بس ما راح تلقاه بالواقع.

    اذا تبى تتكلم من هذا المنطق ما راح تصير اصلا انتخابات لان الكل حقانى وعادل والمفروض ان المرشح اللى يشوف في احد اكفأ منه انه يتنازل ... وهذا بالمشمش يصير :)

    اذا تقسيمت القوائم للناس الى فئات وارقام وكل قائمة تفرز ارقام قواعدها و مؤيدينها لدراسة وضعها الانتخابي، تحب تسميها قبليه وعنصريه فهذا صحيح كل انتخابات فيها قبليه وعنصريه ومايصير بدون هالشى



    مع العلم انها مو قبليه ولا عنصريه .. اذا عتيبى ادعم العتيبى اللى بالمعتدله مو العتيبى اللى بالعماليه والسبب اشوفه الاكفأ

    مشكور على سعة صدرك
     
    آخر تعديل: ‏28 أكتوبر 2007

مشاركة هذه الصفحة