العروض الخاصة بموظفي شركة نفط الكويت

الكاتب : Mr. Engineer | المشاهدات : 4,049 | الردود : 48 | ‏22 أكتوبر 2007
  1. Mr. Engineer

    Mr. Engineer بـترولـي مميز

    662
    0
    0
    السلام عليكم،

    شعبة خدمات المجتمع التابعة لفريق عمل خدمات الأحمدي، عودتنا في السنوات الأخيرة على العروض الخاصة بموظفي شركة نفط الكويت. و هذا شيء جميل، يجعلنا نفخر و نعتز بكوننا جزءاً من هذه المنظومة. كما هو الحال في بطاقة الطالب أو بطاقات النخبة.

    و لكن برأيي أن هذه العروض و الخدمات تحتاج من المزيد من الجهود من موظفي خدمات المجتمع للحصول على عروض أفضل ترتقي لطموح العاملين، فمثلاً:

    1. كان هناك عرض 25% خصم من الشوتايم لموظفي الـKOC، و هذا العرض انلغى الآن!!! :confused:
    يجب التعاقد مع الشوتايم، و أوربت و ART لتوفير اشتراكات مخفضة للموظفين.

    2. التذاكر بأسعار تشجيعية للمرافق الترفيهية (المدينة الترفيهية، المركز العلمي، طفل المستقبل، الأكوا بارك،...)

    و هذه التذاكر تأتي بكميات قليلة جداً، لا تتناسب مع عدد الموظفين و عائلاتهم، فمتى ما يصلك الدور تكون الكمية قد انتهت :mad:
    الأفضل أن يتم التعاقد مع هذه المراكز الترفيهية لتوفير التذاكر المخفضة للموظفين مباشرة عند شباك التذاكر بإبراز هوية الشركة.

    و أيضاً لماذا تعرض التذاكر الترفيهية فقط بالصيف، لماذا لا تكون هناك على مدار السنة؟؟؟ :confused:

    3. عروض الفنادق و الشاليهات يجب أن تستمر أيضاً على مدار السنة.

    4. الحصول على خصومات من المستشفيات الخاصة للموظفين عند إبراز الهوية.

    5. الحصول على خصومات من المطاعم للموظفين.



    و غيرها من الخدمات غير التعجيزية التي تساهم في راحة و رفاهية الموظفين، أسوة بالآخرين.


    [​IMG]
     
  2. Shoomy

    Shoomy بـترولـي خـاص

    اي والله انا وياك ياخوي بهالنقطه

    الله كريم انشالله ... اتمنى انهم يسمعونا ويتلحلحون شوي حرااام عليهم

    يعطيك الف عافيه ياخوي وماقصرت

    تحياتي
     
  3. SMART_BOY

    SMART_BOY بـترولـي نشيط جدا

    189
    0
    0
    كلااااااااااااااااام سليم

    والله لو اني اللي الشيرمان حطيتك تيم ليدر الخدمات خخخخخ
     
  4. Q8_oil

    Q8_oil بـترولـي خـاص

    1,387
    0
    0
    كلامك صحيح و لكن للأسف القطاع من سوء إلى أسوأ
     
  5. Mr. Engineer

    Mr. Engineer بـترولـي مميز

    662
    0
    0
    انت بس حطني Team Leader الخدمات و آنا أعطي لكل موظف فيلا ملكية في هلتون المنقف لمدة أسبوع مجاناً :cool:

    صارف شي من جيبي آنا الله يخلي بند النثريات :D

    شكراً للجميع على المرور :)

    سلام
     
  6. Phox

    Phox بـترولـي نشيط جدا

    400
    0
    0
    شكلك من اول قرار بتحول شبيشالست :)
     
  7. Instrument

    Instrument بـترولـي نشيط جدا

    339
    0
    16
    Instrument
    K.O.C
    كلامك مضبوط مهندسنااا

    :)
     
  8. redrose

    redrose بـترولـي نشيط جدا

    442
    0
    0
    خل يعطونا بطاقات فيها خصم حق اماكن الترفيه،، او تكون عندهم تذاكر مخفضه على مدار السنة .
     
  9. ناصر الهاجري

    ناصر الهاجري بـترولـي جـديـد

    47
    0
    0
    في شغله بعد شوي مو حلوووه في شعبة الجوازات ما يعطون اي واحد هذي التذاكر لازم احد يعرف الموظف عشان يتوسط ويعطيه والله حاله كل ما روح مكان لازم جذيه
     
  10. ناصر الهاجري

    ناصر الهاجري بـترولـي جـديـد

    47
    0
    0
    اي والله ودك ان ان يعطونا بطاقات حق الخوصومات لجميع المحلات الكويت بدل اشتنشاق H2s
     
  11. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    يا جماعة لو يعطووونااا بدل سياحة مو أحسن واحنا عاد نروح نتسيح وين نبي
    >>>>>>> مايرده غير المغرب :)
     
  12. العندليب

    العندليب بـترولـي نشيط جدا

    164
    0
    0
    صباح الخير لكل الموجودين : بصراحه الموضوع مهم وياريت بعد يكون فيه تأمين صحي للموظفين شامل يغطي تكاليف العلاج في أي مستشفى خاص في الكويت وتأمين شامل بعد على التعليم لعيالنا في المدارس الخاصه وترى كل هالتكاليف قيمة جم برميل نفط في اليوم يعني ولا راح تكلف أصلا شي .......

    وشكرا للجميع على مشاركاتهم
     
  13. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    مشكور اخوي على الموضوع الحلو وانا معاك بهذا الشي وفي بعد نقطه هوو ان بيع التذاكر يكون بس بالاحمدي وبنفس وقت الدوام يعني اللي يشتغل بالمناقيش او الروضتين يغسل ايده
     
  14. Shoomy

    Shoomy بـترولـي خـاص

    حده يغسل ايده
    وبعدين السالفه مثل ماقال اخوي الهاجري اعتقد
    ان السالفه فيها واصطات ومعارف
    كاا انا اقرب مثال اعرف مسئول هناك والله وظبطني بدون ما اروح حتى قلتله ابي العدد الفلاني واخر الدوام امرك

    وخذيت :d :d :d حراااا

    يالله هاردلك انشالله المرة اليايه تحصلون ;)
     
  15. redrose

    redrose بـترولـي نشيط جدا

    442
    0
    0
    الله اكبر على الظالم حتى بهذي صار فيها واسطات.....
    شنو بقى بالضبط
     
  16. Mr. Engineer

    Mr. Engineer بـترولـي مميز

    662
    0
    0
    يعني إختي إذا نزلوا تذاكر مرة ثانية نكلمج و تظبطينا صح، لووووول :D

    شكراً للجميع على المرور
     
  17. LaRambla

    LaRambla بـترولـي خـاص أعضاء الشرف

    2,041
    3
    38
    قلنالكم خصوماتنا تفشل
     
  18. ام ريما

    ام ريما بـترولـي مميز

    مشكور اخوي بس تبي الصراحه محد مستفيد الا الهنود اللي في الشركة كل مانزل عرض تلاقيهم اهم اول الناس واقفين ناطرين الدور وانت شوف الزحمه الواحد وين يقدر يحصل على شي بالزحمه هذي على مايوصل دورك الا خلصت التذاكر
     
  19. al-khaldi

    al-khaldi بـترولـي نشيط

    119
    0
    0
    كلام صح وعداك العيب......
     
  20. الالماس واللولو

    الالماس واللولو بـترولـي جـديـد

    4
    0
    0
    مشكور اخوي على الموضوع

    2. التذاكر بأسعار تشجيعية للمرافق الترفيهية (المدينة الترفيهية، المركز العلمي، طفل المستقبل، الأكوا بارك،...)

    و هذه التذاكر تأتي بكميات قليلة جداً، لا تتناسب مع عدد الموظفين و عائلاتهم، فمتى ما يصلك الدور تكون الكمية قد انتهت
    الأفضل أن يتم التعاقد مع هذه المراكز الترفيهية لتوفير التذاكر المخفضة للموظفين مباشرة عند شباك التذاكر بإبراز هوية الشركة.


    وازيدك من الشعر بيت والتذاكر دائماً ما تحصلها لانهم يوزعونها على معارفهم واصحابهم
     
جاري تحميل الصفحة...

مشاركة هذه الصفحة