معانات مشغلين الحقل

الكاتب : ملك المصفاة | المشاهدات : 1,155 | الردود : 15 | ‏15 مارس 2008
  1. ملك المصفاة

    ملك المصفاة بـترولـي جـديـد

    13
    0
    0
    السلام عليكم
    يااخواني عندي موظوع يحز بالقلب موظوعي الشلاتر بصراحه ارضيه وصخه عزكم الله او الماي مال المغسله مصدي
    والمكان وصخ حده تقول قاعدين بمعتقل او بالصيف المكيفات ماتلحق من الحر المشكله نتصل على التكييف اييون اصلحنه تتخيلو اييون بعد يومين او اذا قتله مشغل حقل انسى اييلك تقول اللي يكلمه حشاكم مو من البشر
    او ليمن ياخذون المكيف يردونه بعد يوم نفس خرابه تدرون اشلون صلحو الكمبريسر يابو هوز ماي او مخلينه مفتوح على المكيف
    هل يعقل هالشي
    مع الاسف المأساه هذي بميناء الاحمدي A4
    نهاية كلامي اقول الشكوى لله بس بقول حق المسؤولين حط نفسك بالمكان هذا ب8 ساعات راح ترضها على نفسك
    ولا احنى مو بشر حلنا حالكم بس احب اقولكم ترى احنى كويتين او اهلكم واللي مافيه خير على اهله مافي خير على الناس ترى لنا طاقه من الصبر والله يستر من غبنا
    او الله يعطيكم العافيه
     
  2. fahadknpc

    fahadknpc بـترولـي جـديـد

    39
    0
    0
    اللة يعينك لازم تحلل معاشك يعني تبي سرير وغرفة سوبر ديولكس وسنترااااااااااااااال
    احمد ربك غيرك مولاقين وظيفة
    اشتغل ولا اتحلطم
    :/
     
  3. hashemknpc

    hashemknpc بـترولـي نشيط جدا

    194
    0
    0
    operation
    Shuaiba-City
    السلام عليكم

    والله يا أخي أن كلامك صحيح ولكن لا حياة لمن تنادي

    انت تشتغل في مكان يدخل على الشركة ملايين الدنانير وهذا حالك
    وانت تعرف اذا مضخة ارتفعة حرارتها شنو يسوون تلفا المهندسين مالهم أول ولا اخر

    ما أقول الا الله يعينكم ولكن ان شالله اذا كلمت المسؤولين المباشرين لك راح تلقى الحل واذا ما جازلك الرد روح حق اللي فوقهم ترى اذا اشتكيت ما راح يقدر يضرك أحد

    والله أعلم


    وبخصوص الأخ اللي راد فوق أقول اتقي الله في نفسك انت ما ترضى أن أحد يعمل في ضروف صعبة بدون توفير أقل سبل الراحة

    ترى كلنا أخوان وزملاء ونتمنى الخير للجميع والله يبارك فيك انشالله
     
  4. F-KeY

    F-KeY بـترولـي نشيط

    119
    0
    0
    اول شي الله يعينكم اخوي وصدقني احنا حاسين فيكم وعشنا ها الشي معاكم من قبل


    ولعلمك هذا الشي يتعارض مع قوانين شمس الي بطوا روسنا فيها وبامكانك تشتكي

    وتكتب كتاب رسمي وانشالله تلقى الرد والاستجابه

    والله يعينكم مره ثانيه
     
  5. ملك المصفاة

    ملك المصفاة بـترولـي جـديـد

    13
    0
    0
    الله ياخوي لو انت بمكاني اشوفك صج تعاني
    واللي مو محصل وظيفة الله موكاتبله انشالله بيكتبله الله بس اقولك شغل انشالله تذوق اللي قاعدين نذوقه عشان تحس
     
  6. Winchester

    Winchester المـراقب الـعـام

    الصراحه الله يعينكم ..

    انا شفت كل شي بعيني والوضع جدا سئ خصوصا بالشعيبة على وجه التحديد

    كأن مو بشر اللي قاعد يشتغلون لا اكو برادة ماي ولا ثلاجه

    صج الي سماكم مجاهدين
     
  7. مستشار

    مستشار بـترولـي نشيط جدا

    400
    9
    18
    يا الملك احمد ربك انت بافضل الشلاتر وما فيه اي مشكلة بالتكييف area- 4
     
  8. q8nrsh

    q8nrsh بـترولـي جـديـد

    21
    0
    0
    انا اقول حدد مصير ياملك والا عشان نكك ملك تبي غرفت نوم هذا الدوام واصبر واشتغل ولا تنهزم عشان تطلع الاول
     
  9. AL-hajri in SHU

    AL-hajri in SHU بـترولـي جـديـد

    3
    0
    0
    مو بس عندكم

    تعالو شوفوا

    شلاتر الشعيبه

    الله لا يوريكم

    شي ما ينطاق
     
  10. FCC

    FCC بـترولـي نشيط جدا

    250
    0
    0
    كلامك عدل والله يعين الجميع

    سمعنا راح تتغير الشلاتر وينبى مكانها شلاتر اكبر واحسن بس متى .. الله يعلم

    والمشكله دورات المياه -وانتوا بكرامه- تعبانه

    ان شاءالله يتعدل الوضع للافضلل

    اصبر

    والصبر زين وانا اخوك :)
     
  11. MAB12

    MAB12 بـترولـي مميز


    بعض الكلام ماودك ينقال ... وبعدين الرجال ماشكالك

    الله يعينا على شلاترنا ال 5 نجوم ... بالنسبة لي حطو لنا مبنى المتكامل بعيد عن الوحدة ومن بعدها بدت القرارات الوضعية من السوبر فايزر والسكشين هيد... يعني على سبيل المثال .....

    احنا عددنا 7 بالشفت ( اول قرار ان مايصير نجتمع كلنا بنفس الوقت .. حدنا 2 يقعدون تحت )
    والسوبر فايزر مايبي يشوف الاوبيرتير قاعد عنده .. يبي يحس بأستقلاليته بروحه .. واحنا لازم مانتعدى شلترنا ال 5 نجوم

    والحين طلعت سالفة جديده .. اي اوبريتر يقعد بالمبنى المتكامل ينقال عنه (مايشتغل) يبون يخوفون بالكلام هذا عشان ماننزل تحت

    والخافي اعظم ...... الله يعينا ويصبرنا والمشكلة يبون منا انتاج بالعمل


    تقبل مروري
     
  12. عمليات الشعيبة

    عمليات الشعيبة بـترولـي نشيط جدا

    242
    0
    16
    ذكر
    ccr operator
    مصفاة الشعيبة
    الله كريم انشالله
    والله يعينا و يعين كل المشغلين
    بكل المصافي انشالله
    وصدقوني الحاله عندنا بالشعيبة تصعب على اليهودي بس ما نقول الا الله كريم
     
  13. القحطاني

    القحطاني بـترولـي خـاص أعضاء الشرف

    4,717
    0
    0
    الله يجزاك غير على الموضوع واتمن ان صوتك يوصل للمسلواين ويهتمون فينا

    يحياتي لك
     
  14. feed gas

    feed gas بـترولـي خـاص

    انشالله يحوشكم التثمين الى حاش شلاترنا فى مينا عبدلله ويسون لكم قسايم اسمها السيرفس بلدنج مثل الى عندنا...وانشالله تعيدوووون باجر امين........... حبيب البى ما لحقت علا ايام الفقر وشفت الى كانو يسووون الجاى والقهوه علا خط ستيم 900 ولا جان قلت الحمدلله.. اصبر وانشالله شكواكم توصل ل مسؤلينكم وانشاله يحوشكم التثمين
     
  15. ابوراشد

    ابوراشد بـترولـي نشيط جدا

    303
    2
    18
    السلام عليكم

    ياجماعه اتمنى من احد المسؤولين انه يزور شلاتر ميناء الأحمدي

    مجرد شلتر من خشب لا يحمي من حراره ولا من بروده ... ومكيف أكل عليه الدهر وشرب .. يوم شغال وعشره خربان.

    براده بفلتر وصخ وماتبرد عدل

    لا يوجد ثلاجه ولا يوجد مايكروويف ولا يوجد جوله ولا كمبيوتر

    ولو حدث لا سمح الله اي حادث فهذا الشلتر لن يحمي أحد
     
  16. mtm

    mtm بـترولـي نشيط جدا

    419
    0
    0
    صحيح كلامك اخوي..


    الوضع مأساوي في الشلاتر

    حالتها سيئه والماي اصفر واحمر وابيض مثل البودره يعني كل يوم لون

    حتى نفس البايب يستعملونه في الوحده عند الهيدروكاربن وكل شوي بالغلط داش هيدروكاربون بالماي

    واحنا نتسمم عادي .. نموت عادي .. محد يهتم

    طبعا الطوف الخشبية من كل مكان فيها فتحه يدش منها الحر والغبار حتى الفيران تدش

    والحمامات تكرمون مزبلة لاخر حد

    نتمنى انه المسؤولين يحسون شوي فينا ولحد يتشمت


    مصفاة الاحمدي
     
جاري تحميل الصفحة...

مشاركة هذه الصفحة