التكويت

والله ياخوى الله يعين المهندسين وخصوصا الجدد
فعلا نحس بمعاناتهم 4 سنوات من التدريب تحت التطوير
وهذى سنين ضايعه من فترة خدمته بلا هدف ولا منصب
مالكم الا الصبر او الاضراب ههههههههههه
تخيل مهندسين جدد ويسون اضراب قوووووويه
تحياتي

 

انا قاعده ألاحظ في ان في توظيف هالأيام وبشكل كبير خاصه في شهر رمضان

بس الغريبه ان وظفوا موظفين يديد والأجانب لين الحين موجودين !!!
يعني شنو الحكمه من زيادة عدد الموظفين واستمرار بقاء الموظفين الأجانب !!!

 

اختى زهره
انا اعلمك السبب
السبب وهو عمل ضد التكويت
وسياسه الشركه تعادل الاجانب مع التكويت حتى تتخلص من مشكله التحكم بقوه الكويتيين والسيطره على العمل من ناحيه الاضراب
لانها حست بخطر بعد اضراب سنه 1986 الذى فتح عيون الشركه قسم كله كويتيين وقف واضرب شل الشركه وهو العمليات
ومنها بدات بالاجانب والمعادله حتى تكسر الاحتكار والتكويت
تحياتي

 

السبب ان فيه نقص شديد للمهندسين في المصافي ويطرونهم طراره خاصه المهندسين الكيميائيين ,,, والسبب الثاني ان وراهم مصفاه رابعه محتاجه عدد موظفين يساوي عدد الموظفين الحاليين

 

خلونا نكون صريحين الموظف الاجنبي ما يجيك الا عنده خبره سنين ويكون الشغل كل حياته وما تقدر تستغني عنه اما الموظف الكويتي تو فرش ويحتاج اكثر من التدريب مثل الخبره العمليه وبكل الاحوال الخبره تحتاج سنين وخطط وللاسف الشركه تحطلك جدول تدريبي للاساسيات فقط والخبره ما تجي الا عن طريج العمل واذا سار شغل صعب او مهم يوكلونه للاجنبي لعدم الثقه او للضمان ولو تبي تتعلم وتاخذ معلومات انسي ان الاجنبي يفيدك لان بنظره انك راح تاخذ مكانه وشكرا

 

أحد الشعراء .. يتندر ..

سياسة التكويت تعلن فشلها
هذا قطاع النفط يشهد على الحال

سياسة عرجا - و بين جهلها
صار المقاول صاحب الحال و المال

كيف البلد تنهض و ينهض عملها
دام الهنود تقوم في كل الأعمال

مناصب البترول - من هم أهلها؟؟؟؟
أما ولد عم - أما ولد خال ...



منقول

العمده

 

أحد الشعراء .. متندرا ..



سياسة التكويت تعلن فشلها
هذا قطاع النفط يشهد على الحال

سياسة عرجا - و بين جهلها
صار المقاول صاحب الحال و المال

كيف البلد تنهض و ينهض عملها
دام الهنود تقوم في كل الأعمال

مناصب البترول - من هم أهلها؟؟؟؟
أما ولد عم - أما ولد خال ...




منقول

العمده

 

التكويت
مطلب صعب

الشركات النفطية
كوتت

90% من الوظائف

تدرون شلون!!

شالوهم من الشركة الأم
براتب يكلف الشركة 500 دينار (على سبيل المثال)

و حطوهم بمقاول و يشتغلون نفس الشغل
براتب 2000 دينار

للأسف هذا الواقع

أين مجلس الأمه .. الدايخ..
عطوه رصاصة الرحمة ..

ما نبيه .. ما نبيه .. ليش!؟
لأنهم 99,9 % مصلحجيه
و متسلقين

و مثل ما قال العمده
سياسة التكويت ..
عرجاء

بس أعتقد ..
بتصير كسيحة .. و الزمن راح يثبت ذلك..

سامحوني
أنا مو متشائم
بس هذا اللي قاعد أشوفه

وا .. أسفاه
هزلت