زيادة رواتب الأجانب

الكاتب : العطار | المشاهدات : 1,802 | الردود : 9 | ‏22 أكتوبر 2007
  1. العطار

    العطار بـترولـي جـديـد

    4
    0
    0
    عندما طالب بعض المهندسين الأجانب (الهند) بزيادة رواتبهم وإلا سوف يتركون شركة البترول الوطنية وبالأخص مصفاة الشعيبة وأثناء أعمال الصيانة الشاملة (grta) قام المسئولون بالمصفاة والشركة بمناقشة الموضوع وخلال اقل من شهر زادت رواتبهم (تقريبا 300 د.ك).

    وعندما يطالب المواطن بزيادة راتبه اجتماع... ورا اجتماع... ورا اجتماع... ونقابات.... و اجتماع.... ورا اجتماع... و مؤسسة... واجتماع... ورا اجتماع و نقابات واجتماع ورا اجتماع ومجلس أعلى و اجتماع ورا اجتماع وجرايد وبرنامج 6/6 ..... ليش !!!

    والموضوع نفسه يتكرر بمكان آخر عندما قرر الجانب السعودي الاستغناء عن اليابانيين (بقايا شركة الزيت العربية) واستبدالهم بمواطنين سعوديون فقرر الجانب الكويتي البقاء عليهم عندها قرر الجانب السعودي بعدم تحمله لمصاريفهم عندها قرر الجانب الكويتي بتحمل رواتبهم كاملة وأقنعهم على البقاء واقترح الجانب الكويتي زيادة رواتب اليابانيين 3 أضعاف (معدل 70 ألف ريال سعودي-5750 دينار كويتي للمهندس).

    لا أحد يعترض على أي زيادة تقدمها الشركات لموظفيها سواء المواطنون او الأجانب بل على العكس نشجعها ولكن نستغرب وجود هذه العراقيل التي لا تواجه سوى الموطن فقط.

    ومنا إلى الجندي المجهول بوحمد
     
  2. حاطب ليل

    حاطب ليل بـترولـي نشيط جدا

    213
    0
    0
    مثل هذا النموذج في ردة فعل الإدارة الكويتية مع بعض الموظفين
    قاعد يتكرر بشكل غريب
    ربما يدل على عدم ثقتهم بالموظف الوطني
    وعدم الثقة الغير مبرر في نظري ناتج عن سببين:
    الأول
    سبب * شللي *
    أوضح
    من أخطر ما يمكن أن يدخل في تقييم الموظفين في أي قطاع فني دخول التيارات في مدى كفاءة الموظف أياً كان سببها
    تيارات سياسية أو قبلية أو دينية
    تخلي بعض اللي ما يفهمون يوصلون لمراحل متقدمة في مراكز صنع القرار
    والحل عندهم
    دايماً يطلع حل غبي
    ما له سند
    لاخبرة ولا قانون
    فالأسلم بالنسبة له إنه يتجنب الكويتيين - اللي مو من تياره - ويمر بينهم مثل اللي يمشي في حقل ألغام
    أما الأجانب فهم خارج حسبة التيارات ( إلى الآن ما يندرى شيصير تالي)
    وهذا يخليهم مليانين بشعور خطير على ثروتنا الوطنية
    شعورهم بأنهم متفظلييييييييين علينا بهالوظايف ويظن واحدهم - خل نقول بعضهم على شان اللي راسة ريشة لا يعتقد إنا نقصده - إنه بتقديره لموظف ما هو من تياره - شلته - يكون في صراع مع نفسه
    مو لأن الموظف ما يستاهل
    لأنه ما يقدر يبرر لتياره - شلته - ليش يقدمه وفي من تياره من هم أقل كفاءة منه
    ممكن بتجاوز قانوني ينحط مكانه
    هذي الورطة اللي طايحين فيها
    هذا السبب الأول
    والسبب الثاني
    سهولة اللعب بالعقود الخاصة اللي مع الأجانب لأنه أصلاً خارج مجال المنافسة مع الكويتي
    فالأجنبي - بالنسبة لهم - لايخضع لنظام رواتب الكويتيين
    أعلى أقل المهم إنه مو مثل الكويتي
    في مقابل التعقيد الطويل في إجراءات زيادة الرواتب بالنسبة للكويتيين
    أما الكويتي فهم حاسدينه حتى على مدخوله الشخصي من خارج رواتب النفط
    أما هذا الأجنبي فمسكين
    متغرب
    وما عنده دخل إلا هالوظيفة
    خل يتبحبح شوي
    والكويتي
    شيبي بعد
    الدولة تعطيه قرض البيت
    ويبدل سيارته متى ما بغا
    هذي مشكلتنا مع أصحاب صنع القرار
    وجهة نظر
    يمكن تكون صح
    وأرجو أنها تكون غلط
     
  3. العنيد

    العنيد بـترولـي نشيط

    57
    0
    0
    أخوي العطار تعرف شنو رد الاخوان المسئولين على هالكلام والله من غير مبالغه أو تجني يقولون السبب لأن الاجنبي سوقه رائج في دول الخليج ونخاف ياخذونه منا ومحد يجي يشتغل عندنا,,أما بالنسبه للكويتي فهذي ديرته لازم يضحي لها(طبعا من أجل عيون كومار وراجو باتيل) وبالعربي الفصيح مايتوقعون انك بتروح تشتغل في السعوديه او في قطر أو في الامارات بعد ولا جان عملوا لنا حساب مثل ابناء باتيل وكومار.
    وأتمنى ان ما يفهم كلامي غلط ..والكويت تستاهل نضحي لها.
     
  4. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    للأسف ان هذا هو حالنا في القطاع النفطي بشكل عام وفي جميع شركاته

    دائما الأجنبي له الأفضليه في كل شيئ ,, تخيلو معاي حتى البونص الاجانب ياخذون بشكل سنوي والكويتي تمر عليه سنين مايشوفه ولا يدري عنه مع العلم ان الموظف الكويتي لا ياخذ طبيات ولا يتأخر وملتزم ولكن الأجنبي يقلقس واجد عن المسؤليين وممكن يتحمل اي كلمه من المسؤول.

    الشي الثاني بعض الأجانب امضى في الكويت مايقارب 20 عام فلماذا لا يتم احلال شباب كويتين مكانهم؟؟
    ابناء البلد لا يجدون الوظائف وهناك اكثر من 20 الف كويتي بدون وظيفه ,, مع ذلك تجد الاجانب في كل مكان
    وليس في القطاع النفطي فقط.

    اللي يصير عنده مراجعه في البلديه الرئيسي داخل الديره يروح مبنى الارشيف او الماليه وهو مبنى مكون من 4 طوابق وكل طابق فيه اكثر من 20 مكتب ,, اقسم بالله ماشفت الا موظف كويتي واحد والباقي كلهم اجانب.

    في وزارة الداخليه وفي اهم ادارة في الجنسيه,,, اجانب على الجنسيه واجانب في لجنة البدون واجانب في الادارة الماليه في وزارة الداخليه واجانب في مالية وزارة الدفاع وبالهبل.

    المشكله ماهي في القطاع النفطي وبس المشكله في جميع الوزارات ياجماعه شنو هالتخصص النادر اللي يحتاج كل هؤلاء الاجانب؟؟؟ كلها محاسبه او سكرتاريه.
    وفي النفط مجرد مشغلين حقل او مشغلين غرفة تحكم؟؟؟ هل من الصعب ايجاد شباب من ابناء الوطن لشغل هذه الوظائف؟
     
  5. المهندس

    المهندس بـترولـي خـاص

    1,305
    8
    0
    هذا اللي يقهر والله - الاجانب لهم كل شي حتا في الاس او بي والجريدات - ولمن قرروا الزياده لنا دخلو الاجانب معانا ويقولون الميزانيه تكللف - شكو دخلو الاجانب معانا - المفروض مايكون فيه زياده عالاساسي والمفروض تكون زياداتنا عباره عن عالعلاوات المحصووره للكويتيين - جذي ممكن تخف الميزانيه المقرره
     
  6. Phox

    Phox بـترولـي نشيط جدا

    400
    0
    0

    مبروك على النك الجديد يا الزعيم .. شكله ارتب لو (غيرت) اول حرف منه وخليته سمول

    تراك زعلت الرجال اللى خبرك ... عفسنا بالدوانيه مساع الله يسلمك
     
  7. النابغة

    النابغة بـترولـي نشيط

    140
    0
    0

    المشكلة بسيطة ...............!!!!!!!!!

    السبب الرئيسي في مفاضلة الأجنبي .........على الكويتي ؟؟

    هــــــــــــــــــــــــو

    عدم الثقة في الكويتي ....................!!!!!!!!!!!؟؟؟؟؟؟؟؟؟

    الأجنبي مثل الهندي أو المصري

    ما يناجر أذا شاف شيئ خطأ .......أوكي بابا .......أيوا يا باشـــــــا ...!!!

    الكويتي

    ما يصير .....لا لا لا .......هذا غلط .....ليش يبا !!!!!

    طوال الاعمار والكراسي ......مايبون أحد يعارضهم أو يجادلهم ....لأنهم طوال الأعمار والكراسي والمعالي ...!!!

    ما يحبون واحد .........يقولهم هذه المواد أو المشروع مخالف أو البند الفلاني مخالف بالعقد أو في مشكلة أو المقاول الفلاني ......شغله مو مضبوط ........يا فيه مدراء يستلمون رواتب ومميزات من بعض شركات المقاول وسفرات حلوة ....أفه عليكم وباليد كاش ............ بعد!!!!!

    الكويتي لا يقل عطاء وأخلاصا في عمله أذا رأي أن هنالك من يسانده على الحق .......ويشجعه على الأبداع ...

    الأجنبي (الهندي أو المصري ..) لا يهمه سوى رؤية راتبه والأوفر تايم أو البونص ...ولا يهمه مصلحة البلد بقدر مصلحته وحتى لو سرقات أو تلاعب في حسابات أهم شيئ عنده بعد الحصول على شهاده خبرة من القطاع النفطي ...!!

    والله فيه هندي داوم يمكن سنتين ...وأنه ضايع بالطوشة حتى شهادته مشكوك في أمرها ...أنصدمت أنه متعين بدرجة خبير أستشاري بالنفط ............!!!!؟!؟؟؟؟؟؟؟؟؟؟؟؟؟؟

    شوفوا المسخرة ................!!!!!

    نعم فيه بعض العمال الاجانب يشتغلون بحق ......لكنهم قلة قليلة جدا ......


    لكن يبقى العامل الكويتي هو الثروة التي ...............لا تنضب !
     
  8. زهرة التوليب

    زهرة التوليب بـترولـي خـاص

    للأسف اللي عندنا كله حاطين في بالهم ان الموظف الكويتي مو شغيل !!!

    ويفضلون الأجنبي على الكويتين لأن الأجنبي ما يقول لأ
    بس الكويتي يقدر يقول لأ ويطلع فضايحهم

    اما الأجنبي يخاف على وظيفته

    وهم يبون واحد يمجدهم ويرفع لهم ويصير مثل الخاتم في ايدهم
    بس الكويتي طبعا ما يرضى يصير مثل اللعبه بيد المسؤول
     
  9. HSE_SAFETY

    HSE_SAFETY بـترولـي جـديـد

    17
    0
    0
    ماشاء الله عليك صحيح إنك أسم على مسمى يا النابغة
    وأضيف أن اللى بعيد عن العين بعيد عن القلب والاجانب من كثر ما يكتبون حق بعض المعازيب تلاقيهم طول الدوام بمكتبه

    والكويتى بمكتبه قاعد ويتحقرص كل ما مر أحد بالممر :D

    مع التحفظ على الكلام المضلل بالاقتباس
     
  10. HUMMER

    HUMMER بـترولـي خـاص

    ويبون الكويتي يبدع ويعطي من نفسه بالشغل يبا فلوس ديرتنا مولنا حق هالاجانب
     
جاري تحميل الصفحة...

مشاركة هذه الصفحة