تعال, إخطب, شوف .... ونحاش ترى عادي !!

الكاتب : حنان | المشاهدات : 2,005 | الردود : 57 | ‏13 مارس 2008
حالة الموضوع:
مغلق
  1. حنان

    حنان بـترولـي خـاص

    2,196
    1
    38
    السلام عليكم ورحمة الله وبركاتة

    الفصل الاول
    "اليوم يوني خطاب ومستانسة وخابة عمري
    من الصبح وانا اتكشخ واختار لي شنو البس اللي ابي البسه
    ونرفع الشعر ونزله ونحط مكياج لا هلالوان مو حلوة
    ياربي شنو الوان الموضة
    زين هل هالعطر حلو ولا لا المفروض يكون عطري مو جذية المفروض ناعم حتى يقول هذي ناعمة وذربة
    ولا شرايج يكون عطري قوي حتى يقول هذي جريئة؟


    الفصل الثاني

    الانتظار
    والترقب

    الفصل الثالث

    يالله حبيبتي يا المعرس ييي يشوفج
    ويبي يتكلم معاج
    جذية يبي يتعرف عليج
    انا بدخل وانتي تعالي عقبي
    وانا زهبت لج كل شي حبيبتي انتي
    عسى الله يوفقج

    .............
    ............
    .............
    ...........
    ...........

    دخلت:

    شافها وتكلموا
    وحان موعد الرحيل

    ,,,,,,,,,,,

    بعد يومين

    دقت امه وقالت
    الولد يقول مو عاجبتة مايبيها الله يوفق بنتكم ام سعود ويرزقها ان شالله بس مافي لنا نصيب مع بعض"



    الفصل الرابع

    بعد مرور شهر ,,,,
    ماماتي حبيبتي اليوم بيي لج معرس وبيشوفج تزهبي اوكي؟
    ............




    الشاب لي يا بيخطب يبي يشوف وهالشي حقة
    ولي ما عجبتة البنت راح دور غيرها هذا حقة

    انتي سلعة؟ كل يوم يا لج معرس ويا لج معرس ويشوفج وينحاش؟
    شنو موقفج عادي ولا احراج؟
    :)
     
  2. القائد

    القائد بـترولـي خـاص

    2,089
    0
    0
    بصراااحة مالوم البنت احرااااج بالنسبة لعاداتنا بس من تعاليم الاسلام على لسان رسولنا الكريم (ص) ان ينظر الخاطب للمخطوبة بس الخطأ ان يتكلم عن مارآى من محاسن او عيوب والله يستر على بنات المسلمين وشاكر طرحج هذا الموضوع الجميل وتقبلي مروري :):)
     
  3. جابر

    جابر قــلــم بــتــرولــي أعضاء الشرف

    مو كل الناس تطبق هالنظام .....فيه أمهات كثيره ترفض وتقول (بنتى مو للعرض) ...تبون تشوفونها ...تراها تروح العرس الفلانى ...
    أو موظفه بالمكان الفلانى ....وبعد مايشوف (بدون ما يسولف ...) يجى ويخطب ....
     
  4. حنان

    حنان بـترولـي خـاص

    2,196
    1
    38

    اهلين اخوي حياك الله ومشكور على المرور
    اهو حق وشي الله حلله ما نقدر نقول حرام او نرفض
    بس بعد شكل البنت مو حلو كل يوم ياي لها واحد ورازه الويه وكاشخة وبعدين ما عجبتنا بنتكم يعني بعد قمة الاحراج لها
    شاركة لك رايك
    حياك الله
     
  5. حنان

    حنان بـترولـي خـاص

    2,196
    1
    38
    انا فاهمة هالشي, وفاهمة وعارفة ان في ناس وايد ترفض هالمبدأ لان هالبنت مو سلعة ولا للعرض نفس ما قلت
    بس هني حبيت اني ابين موقف البنت اللي كل يوم مرزه وياي يخطبها واحد على اساس انه هذا شي حلله الله ومن حقة هالنظرة وجذية وهالمسكينة صايرة جنها سلعة وجنها مالها مشاعر
    ما همها غير هالريل ولا تدور بالدنيا غيره
    على العموم شاكرة لك مرورك والف شكر لك
    حياك الله اخوي
     
  6. القائد

    القائد بـترولـي خـاص

    2,089
    0
    0

    صراحة اخت حنان انا علقت على مواضيع كثيرة بس هالموضوع لقيت من الصعوبة التعليق عليه نظرا لقوة الطرح اللي فيه صرت بين نارين ووضعت نفسي لو بنتي صار معاها نفس الشي بصرااااحة احراااااج ومره ثانية تقبلي مروري وكلامج عدل :eek:
     
  7. حنان

    حنان بـترولـي خـاص

    2,196
    1
    38
    حياك الله مرة ثانية هني انت صرت عادل تدري ليش؟
    ليشنك حطيت نفسك ( بنتك) مكان هالبنت وحسيت بمدى الاحراج
    مشكور
     
  8. YOU^AND^ME

    YOU^AND^ME بـترولـي نشيط جدا

    444
    0
    0
    ياحنان

    ليش مو العكس ..!

    نعم العكس يعني لما يجيلج معرس ويبي يشوفج انتي بعد راح اتشوفينه في نفس المكان واللحظه

    يمكن مايعجبج انتي قبل لا يبدي برأيه

    وهذي نعم من الله سبحانه ...

    ان اجاز لطلاب العروس والعريس ( على قولة اخوانا المصريين) ان يشوفون بعض وهذا نظره لا بد منها

    وتحاتي لكم
     
  9. حنان

    حنان بـترولـي خـاص

    2,196
    1
    38

    انا اقول لك اهو عادي حلال وهالشي الله حلله انا مااقدر اخوض في هالشي حلال وحرام
    بس انا اقول يعني موقف البنت احراج ويفشل كل شوي واحد ياي وما عجبتهم هني اهي بتنحرج
    يعني احنا نتكلم بس على الاوادم اللي اييون المعاريس حق بيتهم
    ايه صحيح كلامك اهو ايي وتشوفه بس مو العكس يعني اهو يوم ايي بيتها عشان اهو يشوفها
    عشانه اهو
    مو عشان اهي اذا بتعجبة او لا
    فهمتني؟
    حياك الله والف شكر لك ع المرور
     
  10. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    لزوووم الخطبة كل ها الكماالياات
    ويا تصيب او تخيب
     
  11. حنان

    حنان بـترولـي خـاص

    2,196
    1
    38
    ايوا
    يا تصيب يا تخيب
    مو الخوف كل الخوف من تخيب
    وما كتبت هالموضوع الا عشان تخيب

    لي خابت صارت المشكلة وطلع الاحراج
    مشكور اخوي وحياك
     
  12. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    بعد لاخابت شي مقسوم تسوي عملية تجميل وترقع نفسها عشان تصيب المره الجايه ;)
     
  13. غيوم

    غيوم بـترولـي خـاص أعضاء الشرف

    7,298
    1
    0
    مشكورة أختي حنان علي هذا الطرح الرائع

    صج ساعات إحراج و بنفس الوقت ملل

    بس هذا سنه الحياة .. ترا اتكون من صالح الإثنين مو بس من صالح المعرس

    يمكن المعرس ما يجوز للعروس و العكس صحيح مو لإزم الرفض يجي دايما من المعرس صح و لا لأ
     
  14. حنان

    حنان بـترولـي خـاص

    2,196
    1
    38
    مشكورة حبوبة ع المرور
    انا معاج وقلت هالشي قبل شرع وحلال بس احرااااااااااج جنها سلعة كل شوي واحد ايي يشوفها يبي يشتريها
    فهمتي القصد؟:)
     
  15. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    حنان أطروحاتك جميلة و تشكرين عليها

    إسمحي لي و ليسمح لي الأعضاء الكرام بالمشاركة في هذا الموضوع

    من وجهة نظري المتواضعة أرى، أن يرى عريس الغفلة (قصدي المستقبل) العروسة عن بعد سواء في مكان عملها أو

    عند خروجها من منزلها ،

    إذا احس بقفان القلب و تسارع النبضات من الوهلة الأولى فعليه إختلاق أو تصنع أي موقف ليواجهها بطريقة طبيعية لا

    تسبب الإحراج كأن يكون مراجعا يسألها عن شخص أو يريد إنجاز معاملة فيرى عروسة المولد ( المستقبل) على

    طبيعتها و دون تصنع .

    في هذا الموقف المصطنع ، إن خفق الخافقان أو رميت سهام العيون بينهما فذلك مؤشر على القبول الذي يشجع

    على التقدم للخطبة .

    هذه الطريقة تحفظ للبنت أحاسيسها و مشاعرها إن لم يتقدم الفتى لخطبتها فهي أصلا لا تدري عنه شيئا و لا تدري

    بنيته الزواج ثم قبوله أو رفضه.


    يا رب أرزق كل فتياتنا و أزهارنا اللطيفات الأزواج الصالحين المناسبين و إجعل عيشهم هنيئا و بارك لهم. آمين
     
  16. حنان

    حنان بـترولـي خـاص

    2,196
    1
    38

    انت الوحيد اللي فهمت شنو قصدي من هالموضوع
    مو انه يشوفها او تشوفة
    ليشنة هذا الشرع محلله بس اهي شنو موقفها لي يا وشافها وما رجع
    اقتراحك وايد حلو بس الحين منو اللي يطبقة يعني احنا نتكلم هني في المنتدى ويمكن في منتدايات ثانية بس لا حياة لمن تنادي يتمون يسون نفس الطريقة ويون وما يرجعون جنة قرقيعان
    عبدالله عريس الغفلة و عروسة المولد عجبوني هالتعليقين
    مشكور وايد على المشاركة
     
  17. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    شكرا ياحنان و فعلا انا فاهم قصدك من الموضوع ، إحساس البنت التي يتقدم لها أكثر من عريس ثم ............ و لا حتى خياله

    أكيد ستعيش الفتاة أيام عصيبة و يملا قلبها الحزن و الكآبة
     
  18. حنان

    حنان بـترولـي خـاص

    2,196
    1
    38
    شكرا على المرور
     
  19. جوري بس فحل

    جوري بس فحل بـترولـي نشيط

    143
    0
    0
    النظره الشرعيه قبل الزواج هي حلال لايختلف اثنان عليه...هذا اولا

    ولكن مع هذا ..اذا امتنع اهل العروس من رؤية الخاطب للبنت..فهذا حقهم ولاأثم عليهم ..

    اي لاذنب علي اهل العروس ان امتنعو من رؤية الخاطب علي ابنتهم ..

    يبقي الخيار بيد الخاطب اما ان يوافق علي هذا او يذهب الي غيرها(.....ويادار مادخلك شر......)

    اتفق ماذهب اليه اخي الفاضل عبدالله بأن هناك اكثر من طريقه لرؤية العروس من غير لاتعلم..

    ولكن اختلف معه في موضوع خفقان القلوب..لأن النظره هي نظرة قبول فقط وليست نظرة حب وعشق

    لأني من مؤيدي نظرية الحب والعشق بعد الزواج وليس قبله (ولاأقبل فيها نقاش ريحو بالكم);)

    انا عن نفسي ارفض تماما رؤية الخاطب لأختي قبل الزواج(...معقد صح ؟:)..)


    مايشدني في الموضوع ان الجمال (وهو مطلوب لاشك والاذواق تختلف) هو المحك في قبول الخاطب للعروس

    وقديما ( وما أحي القديم ) كانت البنت تخطب والمحك هنا سمعة ابيها واخيها وعائلتها .



    اختي حنان شكرا علي الموضوع
     
  20. حنان

    حنان بـترولـي خـاص

    2,196
    1
    38

    اهلين اخوي حياك الله بس دام انت تقول ان هالنظرة شرعية وحلال
    ليش ترفض حق من حقوق هلاانسان انه يشوف اللي يبي يتزوجها؟
    هل لاانك ما تبي تجرح اختك؟
    او لان عادي انت تشوف واهو لا؟
    :)
     
جاري تحميل الصفحة...
حالة الموضوع:
مغلق

مشاركة هذه الصفحة