ناصر المحمد : عبدالصمد ولاري من أبناء الكويت والقضية لا يجب أن تخرج عن التأبين

الكاتب : المنسي | المشاهدات : 5,604 | الردود : 143 | ‏13 مارس 2008
  1. المنسي

    المنسي موقوف

    295
    0
    0
    اسمع كلامك اصدقك اشوف افعالك استغرب ...و الله دخنا
    أسامة أبو السعود - مؤمن المصري


    بعد يوم من الإفراج عن المحتجزين الـ 5 في قضية تأبين مغنية، والطلب الرسمي برفع الحصانة عن النائبين عدنان عبدالصمد وأحمد لاري، كان لافتا أمس تأكيد سمو رئيس مجلس الوزراء الشيخ ناصر المحمد لكل من عبدالوهاب الوزان ود.يوسف الزلزلة ان عبدالصمد ولاري من ابناء الكويت والقضية لا يجب ان تخرج عن دائرة التأبين.

    على الصعيد نفــسه، اكد وزير الداخلية الشــيخ جابر الخالد، في اتصال هاتـفي مع النائب صالح عاشـــور، انه لا تحامل على المتـهمين بالمشــاركة فـــي تأبين مغــنية، ونحن ماضون قدما في رفـــع الحصانة، ولن نسمح بأن تأخذ القــضية اي منحى آخر خارج اطار قضية التأبين.

    من جانب آخر اجتمع عدد من الشخصيات الشيعية، حيث دعوا جميعا الى توحيد الصفوف في مواجهة طلب رفع الحصانة.

    بدورها قالت هيئة الدفاع عن النائبين في بيان تلقت «الأنباء» نسخة منه، ان قضية التأبين لا تستدعي رفع الحصانة عن النائبين لأنها «قضية كيدية» كما جاء في البيان.

    من جهة ثانية، أمرت النيابة العامة أمس باستمرار حجز النائب السابق د.عبدالمحسن جمال على خلفية ما ذكره لقناة «العالم» الفضائية، وذلك لحين عرضه على النيابة اليوم.

    وضمن الجهود الحثيثة التي يبذلها فريق الدفاع عن المتهمين علمت «الأنباء» أن منسق الفريق المحامي جليل الطباخ سيتقدم اليوم إلى النائب العام بطلب لإخلاء سبيل د.جمال.


    http://www.alanba.com.kw/AbsoluteNMNEW/templates/?a=24645&z=12
     
  2. بلبل عنقريزي

    بلبل عنقريزي بـترولـي خـاص

    2,187
    0
    0
    بما انهم براءه ومالهم شغل بولاءات خارجيه
    بالعكس المفروض النائبين المحترمين يصرون على رفع الحصانه عنهم على شان تعلن برائتهم
    ويتحاكمون محاكمه عادله
    بدون تدخلات ايرانيه وقميه وغيرها

    وثاني شي المفروض ايضا يحطون ببطنهم بطيخه صيفي الوضع سهالات
    الكويت وحكامها اجواد وماعندهم الا الخير لو انهم بحدا هالدول اللي بالي بالك او حتى بايران كان شفت انواع العجب العجاب اللي راح يطبقونها على ظهر عبدالصمد

    لايمنع ان نقول نثق بنزاهة القضاء
    وايضا نثق بتمساك الشعب الكويتي جميعا
    ونثق بالولاء للجميع لهذه الارض
     
  3. المنسي

    المنسي موقوف

    295
    0
    0
    شكو ايران و قم و مادري شنو !!

    ياخي ليش دايما تحاول تخلط الاوراق باي خرابيط ..و تحاول تثير الفتن في المنتدي ..رد علي قد الموضوع و اذا ما عندك رد يكون احسن !

    الموضوع عن ناصر المحمد و تصريحه عن و طنيه و ولاء سيد عدنان و لاري .... و مكتوب بالعربي ... :)

    باي
     
  4. جابر

    جابر قــلــم بــتــرولــي أعضاء الشرف


    فعلا عجيبه ....أنا واحد من الناس يهمنى تثبيت الإنتماءات الحزبيه لحزب (الله) ..إن وجد عليه إثباتات طبعا ...هذى أخطر بكثير من حادثه فرديه إسمها التأبين ... أتمنى إن الخبر (اللى باللون الأحمر) مايكون دقيق ...

    إما الخبر اللى باللون الأزرق ...فهو كارثه إن صح ..إلا طبعا إذا كانت هالشخصيات كلها من (جمعيه) وحده ;).. ...
     
  5. بلبل عنقريزي

    بلبل عنقريزي بـترولـي خـاص

    2,187
    0
    0
    ريلاكس واخذ نفس عميق
    انت تدري شقصد انا
    بس مادري شفيك بسرعه تعصب :)
    وبعدين فديت عينك وين الفتنه اللي اثرتها انا :) خبر شطوله شعرضه بالاخبار وتقول شكو :)
    انت خوش ولد المنسي بس يعيبك شي واحد
    كأنك اللي يطقني وطيار يشتكي علي شسالفه يبا ماسبيتك هدي اعصابك
    وبعدين وين خلطت الاوراق وانا صاج الشيخ ناصر المحمد لازم يهدي الوضع اظن اسقاط الحصانه مايت عبط
    وكل شي على نار هاديه
    وبعدين اخوي المنسي اتمنى صراحه ماتلعب على الفتنه وغيرها وخلك اكبر من جذي شوي
    كل شي مكتوب بالعربي بس الظاهر يااخ منسي الثقافات تختلف :)
     
  6. المنسي

    المنسي موقوف

    295
    0
    0

    الحين صار الي يهمك اهو اذا ينتمون لحزب الله و لا لا !

    ما عرفنالك يوم كانت سالفت التابين كنت مهتم بدم الكويتيون الي انسفك علي يد عماد مغنيه علي حسب ادعاء ات البعض ... والحين يوم نار تكبير الاكذوبه قاعد ينطفي و بداءت تظهر الحقائق ..صارت السالفه حزب الله و خرابيط ثانيه !!

    ماكو فايده تبون البلد تشعلل باي طريقه
    !
     
  7. بلبل عنقريزي

    بلبل عنقريزي بـترولـي خـاص

    2,187
    0
    0
    اخوي جابر
    استحمل اخونا المنسي شوي
    وخل نحاول شيبي يوصله بالضبط

    تفضل اخونا المنسي غرد وقول شنو اللي فاهمه انت وشنو الغلط
    ومنو تكره ومنو تحب :)
    ترى اكلمك صج انت صاحي ؟ العالم تناقشك وانت تصارخ فتنه وفتنه !!!
    اركد شوي ترى الموجودين ربعك سنه وشيعه
     
  8. المنسي

    المنسي موقوف

    295
    0
    0


    ترا صارت قديمه حركاتك ....انت قاعد تحاول تغير اتجاه الموضوع و تحولا الي نقاش شخصي ...قال و قلت و خرابيط ثانيه من طرفك :)

    عندك شي بصلب الموضوع برد عليك ...اشياء ثانيه ...ما ني راد عليك ...بخليك انت و جابر ترفعون حق بعض و تجبسون علي راحتكم :)

    باي
     
  9. بلبل عنقريزي

    بلبل عنقريزي بـترولـي خـاص

    2,187
    0
    0
    هذا اللي قدرت عليه المنسي :)
    الله يهديك بس
    ياخوي والله مابيني وبينك شي بس اذا انت بتنقل موضوع ولاتعرف تناقش ليش تثير هالمشاكل والهواش
    وبعدين اخذ الموضوع على حسن نيه على طول خليتنا اهل مشاكل ونرفع حق بعض
    الحمدلله الكل داش وبيشوف
    اذا كل من مر بتنط بحلجه وتهاوشه هذي مصيبه
    اخوي سواء قال رئيس مجلس الوزراء هالكلام او لا ماراح يغير بالموضوع شي
    الاشخاص اللي قاعد تدافع عنهم باعوا الكويت والكل عنده خبر
    ممكن رئيس مجلس الوزراء حب يهدي الوضع بس مع هذا اللي صرح فيه اشوفه تسرع
    واهم اولياء امرنا وراضين باللي يبونه لانهم بالاخير يبون مصلحة البلد
    بس اخوي المنسي ياليتك تكون اكبر من جذي وتناقش بطريقه اخويه
     
  10. bo-saleh1980

    bo-saleh1980 بـترولـي نشيط جدا

    240
    0
    0

    كلامك صحيح ياخوي

    بس سؤال بريء جدا جدا جدا

    ليش مواضيع الكويت الداخليه تعرض في قناة العالم الايرانيه تقول سي ان ان هالقناة في مواضيع الكويت مافيه اشطر منها

    جاوبني على سؤالي ولك مني كل الشكر
     
  11. bo-saleh1980

    bo-saleh1980 بـترولـي نشيط جدا

    240
    0
    0
    والنائب الفاضل عبد المحسن جمال يصرح في هذه القناة ( العالم الايرانيه ) انه الشيعه منتهكين حقوقهم في الكويت ياخي الكريم اذكر الله وشوف من الذي يثير الفتنه انهم هم وليس نحن

    وسلمونا بسكوتكم يامثيرين الفتنه ترا البلد مو ناقصه هالاشكال اللي فينا كافينا

    وبورغال والثاني وبوشوارب وكل واحد انتقص حق الكويت بتأبين المفسد عماد مغنيه راح ياخذ جزاءه باذن الله
     
  12. المنسي

    المنسي موقوف

    295
    0
    0


    اخوي سؤالك كلش مافيه براءه :)

    انت عارف الجواب ليش تسال :)
     
  13. بلبل عنقريزي

    بلبل عنقريزي بـترولـي خـاص

    2,187
    0
    0
    اخوي المنسي :)

    سكر الموضوع وياليتك مانقلت شي :)

    شباب المنسي يمثل روحه الله يهديه

    وربعنا اللي هني سواء شيعه ولا سنه بيمرون وراح يقرون والحمدلله ماراح يشوفون من صوبنا الا كل خير
    بس المنسي مو عارفين شيبي بالضبط
    والله يالمنسي لو تكون صريح وتقول اللي عندك راح نناقشك بكل اخويه :)
    بس طريقتك بالرد على اخوانك المفروض تكون احسن من جذي
    تبي تثير المشاكل هني لا ياخوي الموجودين ربع واخوان
    ومانبي المنتدا يقلب هواش وفتنه الله يرضى عليك

    ياليت تكون فاهمني وشقصد من كلامي
     
  14. المنسي

    المنسي موقوف

    295
    0
    0


    هم شخص اخر قاعد يحاول يغير اتجاه الموضوع ... بورغال و شوارب و خرابيط :)

    ناصر المحمد قال عدنان و لاري ناس وطنيين و ابناء الكويت و الموضوع لازم ما يطلع من التابين و القانون
    ناصر المحمد ما ياب طاري اي من الخرابيط الثانيه الي قاعد تحاول تثيرها بالمنتدي :rolleyes:

    عندك اعتراض علي كلام رئيس مجلس الوزراء الي يمثل كل الكويت ... :)
     
  15. المنسي

    المنسي موقوف

    295
    0
    0


    قاعد تحاول باي طريقه انك تدفع الموضوع باتجاه الاغلاق ....

    نصيحه لك لاتحاول اكثر لاني ماراح اماشيك ... :)
     
  16. بلبل عنقريزي

    بلبل عنقريزي بـترولـي خـاص

    2,187
    0
    0
    ههههههههههههههههههههههه المنسي
    اقسم بالله اضحك صج شتبي وانا حاضر والله
    ماتبي تناقش حاضر ولا يهمك ماتبي يتسكر هم من عيوني لك والاداره مستحيل تسكره ان شاءالله

    تبي نقعد هني بدون لانتحجى هم حاضر انت تامر بس

    تبي نلعب حجره ورقه مقص ^_^
    طيرت عقلي الله يرضى عليك :)
    السموحه
     
  17. bo-saleh1980

    bo-saleh1980 بـترولـي نشيط جدا

    240
    0
    0


    يحليلك يالمنسي مسوي نفس فيصل القاسم

    انت قلت لازم مايطلع من التابين والقانون كلام الحكومه صح هذا اللي ابيه

    شنو فيه التابين ؟؟؟؟؟؟؟؟؟؟؟؟؟؟؟؟ وشنو القانون اللي راح يتخذ فيه هذوله الاعضاء عطني انا قاعدلك قعده

    بس عطني شوي اصلي الظهر وراد لك
     
  18. Safety First

    Safety First بـترولـي خـاص أعضاء الشرف

    السلام عليكم

    أخوي المنسي ليش كل مواضيعك عن هذي القضية ؟ وماعندك سالفة الا هالسالفة وتلف وتدور الله يهديك

    شوفلك موضوع أفضل لان هذا الموضوع انتهى امره وهو بيد القضاء وماله داعي هالسوالف

    اسمحلي على هالمداخله :)
     
  19. المنسي

    المنسي موقوف

    295
    0
    0


    القانون عند اهل القانون ... و الحكم يطلع من المحكمه ...مو كل من هب و دب صارب قاضي و محامي و وكيل نيابه !

    قاعد لي قعده :confused:

    روح صل ابرك لك من التهديد
     
  20. المنسي

    المنسي موقوف

    295
    0
    0


    مسموح اخوي ... هذا موضوع جرح وايد ناس و انا منهم ... لما اشوف تصريح من ناصر المحمد يصك افواه المشككين بوطنيه رموز كبيره لازم الناس توقف عنده و تسمع ...لعلا و عسا الله يهدي بعض اصحاب النفوس التعبانه الي تبي تدمر البلد !
     
جاري تحميل الصفحة...

مشاركة هذه الصفحة