هل تؤيد عمل المهندسه الكويتيه في القطاع النفطي!! ولماذا !؟

الكاتب : المهندس | المشاهدات : 1,650 | الردود : 34 | ‏22 أكتوبر 2007
  1. المهندس

    المهندس بـترولـي خـاص

    1,305
    8
    0
    السلام عليكم.

    لاحظنا في السنوات الاخيره توظيف عدد كبير من المهندسات الكويتيات في القطاع النفطي اللذي لا اجد فيه اي فائده تذكر للقطاع النفطي اللذي يتميز بالبيئه القاسيه سواعات العمل المرهقه والطويله اللتي لا تتحملها المهندسه الكويتيه. وسوف اسرد بعضا من مساوء عمل المهندسه في القطاع النفطي

    1- طبعا بلا شك عندما تتوظف البنت تكون في قمه نشاطها وهذا شي معترف فيه بس الى متا سوف يستمر هذا النشاط - انا اقول بس السنوات الخمس الاولى من التوظيف بس اذا تزوجت او صار عمرها فوق ال 27 هل تتوقعون راح تنتج!!
    2- القطاع النفطي معروف نسبه الذكور كبيره واذا طلعت البنت حياويه - بتقعد في مكتب وتصك على نفسها وتشتغل بس بالبيبر وورك- عاد شوفو العداله اللي راح تصير ههه المهندس الكويتي في الفيلد والبنت قاعده في مكتب والتقييم السنوي نفس الشي اذا مو أعلى

    3- طبعا مثل ما انتم عارفين المهندسه بعد ما تكبر يا انها تستقيل او تنتقل حق الانجينيرنج او المين اوفيس -
    4- في الحقول ما فيه دور قيادي للمهندسه اذا كانت في الحقول - الشباب راح يحترمونها كونها انثى بس شالفايده اذا فيه ضرر للعمل

    4- تخيلو تزوجت ويابت بيبي - يعني امومه ووضع ومادري شنو - وطبيات واخرتها استقاله او ما تبي تشتغل اللا ما ندر.

    انا لاني مهندس ترا عايش هذا الوضع انا وربعي احنا في المواقع نشتغل وهواش مع المقاولين واهم في المكاتب واخر شي التقييم السنوي نفس الشي اذا مو احسن هههههه لا وصارو سينيورز بالواسطه طبعا :)

    بس ابيكم تتخيلون الوضع وشلون صارو الشباب مالهم خلق يشتغلون بسبب هاذي التفرقه --- ياللا نبي ارائكم ولا تزعلون يا خواتي ترا هذا الواقع ودمتم
     
  2. Green Tea

    Green Tea بـترولـي مميز

    514
    0
    0
    بالنسبة لي كمهندسه ارفض رفضا قاطعا ان اعمل في المصافي والحقول والمواقع ، يعني يا بالاوفيس يا لآ :)
    في فرق بين المرأءه والرجل ولكن اهيا يمكن تقدر تسوي الpaper work احسن من الرجل . ولو ان ساعات العمل طويله وايد :(
    ولا تنسى المرأءه عندها مسؤوليات ثانيه غير الرجل ، عندها مسؤولية زوجها وأولادها
     
  3. المهندس

    المهندس بـترولـي خـاص

    1,305
    8
    0
    تسوي بيبر وركس - ترا احنا قطاع نفطي يعني شغلنا فيلدز وتيكنيكال مو اوفيس - يعني انتم ماكو انتاجيه في الفيلدز - وللاسف في بنات وايد بالفيلدز وقاعدين يوظفونهم - صراحه انا اي مهندسه تدش الشركه ارفضها بس لانها بنت :) - انا ابي ناس تشتغل لي 30 سنه ورا مو خمس سنين بس ----- والله يوفقج///////// اقول الجرين تي منه فايده او لا !!!!!!؟
     
  4. أبو طلال

    أبو طلال بـترولـي نشيط جدا

    430
    0
    0
    أخي الكريم المهندس .... أرجو أن لا نكون متحاملين على أخواتنا المهندسات ...

    فهناك الكثير منهن قدمن و لا زلن يقدمن الكثير من العطاء للقطاع النفطي ... و قد

    يكون من الصعوبه تواجد المهندسه في بعض المواقع الميدانيه بشكل دائم ... و لكن هناك

    الكثير من الأقسام الهندسيه التي يعتمد العمل بها على الشغل المكتبي و مراجعة المخططات

    و المستندات و العمل على أجهزة الكمبيوتر و التصميم و التخطيط ... مثل دوائر الخدمات الفنيه و

    السلامه و التخطيط و التجاريه و غيرها من الأقسام التي يغلب عليها العمل المكتبي و تكون فترات

    العمل فيها صباحا ...

    و شاكر لك طرحك لهذا الموضوع ...و إبداء وجهة نظرك ... و هذه تبقى وجهة نظري الخاصة بحكم عملي

    كمهندس في القطاع النفطي لسنوات طويله ....
     
  5. SMART_BOY

    SMART_BOY بـترولـي نشيط جدا

    189
    0
    0
    خوش موضووووووووووووع

    والله يا أخي الكريم المهندس ترا أنا رأيي من رأيك تماما ... مع بعض التوضيح .. :)

    لكن لا شك أن خواتنا إذا دخلوا أي مجال ممكن جدا أنهم يبدعون ويصيرون أحسن شي;)

    لكن تظل الفوارق بين الذكر والأنثى موجودة
    :rolleyes:

    قال تعالى : ( وليس الذكر كالأنثى)


    وإذا هم نفس الشي ويقدرون يسوون نفس الأشغال ليه خلقهم الله اثنين طيب؟! :cool:

    يعني هم غير عن بعض

    وبالتالي : المفروض أنهم يأدون وظايف غير عن بعض
    :)


    القطاع النفطي وغيره يحتاج النساء ويحتاجهم احتياج كبير .... لكن في الأماكن التي تصلح لطبيعة خلق المرأة ... وأنا متأكد أن هناك أماكن المرأة تبدع فيها أكثر من الرجل

    والقطاع النفطي وغيره يختاج الرجال ... ويحتاجهم احتياج كبير ..... لكن في الأماكن اللي تصلح لطبيعة الرجل ... وهناك الكثير من الأدوار التي يبدع فيها الرجل أكثر من المرأة



    والكارثة الحضارية اللي طايحين فيها حنا ...:mad:

    أن التقييم الوظيفي وبالتالي الترقيات... تتم للذكر والأنثى بنفس الأسلوب!! :(

    كيف؟! وهم قدراتهم مختلفة .. وطاقاتهم مختلفة ... وبالتالي الأدوار اللي لازم يأدونها مختلفة

    أقصد .. لا بد أن يكون التقييم للأداء الوظيفي قائم على أسس ومعايير خاصة ...

    للذكور لهم معايير تقييم تناسب طبيعتهم ... والنساء كذلك .. وذلك لمراعاة الفرق بين الجنسين



    الإبداع الخضاري

    والفن في التقييم الوظيفي

    والوعي الكبير في التفريق بين الجنسين وإدراك الطبيعة البشرية أكبر

    يكون في محاولة الاستفادة الكبرى من الفروق الجنسية هذي .. وتوظيفها في مكانها الصحيح .. وبالتالي تقييمها التقييم الصالحي

    ودمتم سالمين:D




    عسى بيضت وجهك أبو طلال:cool:

    خخخخخخ


    سمارتووو
    :)
     
  6. المهندس

    المهندس بـترولـي خـاص

    1,305
    8
    0
    الله يبيض وجيهكم وما قصرتم وردودك طيبه بس تشعبتم شويه :) النساء ونعم فيهم ما قلنا شي - انا قصدي المهندسات اللي يشتغلون في الحقول والمواقع!!! للاسف الادارات الفنيه في الفيلد والمواقع تقبل مهندسات وتحطهم في الفيلد وهذا له ضرر لا نتاجيه الشغل_ المهندسات موقعهم الافضل يكون في التصميم والادارات الفنيه المكتبيه - وانا اقول لمدراء الفرق لا تقبلون مهندسات للفيلد لصالح العمل...
     
  7. SMART_BOY

    SMART_BOY بـترولـي نشيط جدا

    189
    0
    0
    وجهة نظر

    ما نقول شي
     
  8. BG. 1

    BG. 1 موقوف

    489
    0
    0
    منتظر الترقية
    البيت ماخلص
    أخت الرجال

    سارة أكبر

    أكبر مثال حي كان موجود بالشركة

    بالعكس المهندسات ناجحات بعملهم ولكن العقلية لدي البعض ي التي تحبط من معنوياتهم
     
  9. Shoomy

    Shoomy بـترولـي خـاص

    والله مابي اقول كلام وتقولون هذي تناقض نفسها بس انا مع اخواني وسمارتووو

    صح المره تقدر تنتج ومن اروع مايكون واحيانا"" ... ركزوا على احيانا" ولاتزعلون ... يبدعون ويصير شغلهم احسن من شغل الرياييل بس المرة مو مكانها الفيلد نهائيا بحكم طبيعه الشغل اللي بالفيلد

    انا موضد المهندسات وشغلهم بالعكس انا كنت اتمنى اصير مهندسه بس شسوي... ماكل مايدرسه المرء يفهمه تاتي الامتحانات بما لاتحتوييه الكتب ... المهم موضوعنا المهندسات وشغلهم بالفيلد والله اللي شايفه ان ماعندها مسئوليات وقادره على شغل الفيلد تروح بس تحط في بالها لمن اييها نصيبها شبتسوي؟؟ وعقب لمن تحمل شبتسوي؟؟ ولمن تولد هم شبتسوي؟؟ ... يعني في اعتبارات واشياء لازم تحطها في بالها

    اما اللي ماعندهم مسئوليات ... نفسي :) ... فانا ماعندي مانع بصراحه لو يحطوني على الارياق ... ياخطيره يا شومي ...


    المهم مثل مايقول المثل ... خير الكلام ماقل ودل

    المهندسات على راسي ولهم كل الاحترام والتقدير ... وحتى انتوا يالمهندسين ... وانتوا الاساس يعني يمكن احنا اداريين والشغل الضاهري لنا لكن انتوا الجنود المجهوليين اللي بالكواليس يعني اذا وقفتوا الشغل الشركه توقف

    الله يعطيكم العافيه ومالنا غناة عنكم
    واسمحولي عالطواله

    تحياتي
     
  10. SMART_BOY

    SMART_BOY بـترولـي نشيط جدا

    189
    0
    0
    كلام طيب


    شكرا يا شومي
     
  11. المهندس

    المهندس بـترولـي خـاص

    1,305
    8
    0
    ساره أكبر حاله شاذه ولا تعمم - وثاني شي ساره الله يطول في عمرها فاهمه شغل النفط عدل وشغل والشو أب - يعني وجودها في اطفاء الحرائق بس ظاهري واللا شلون تبونها توصل حق منجر :) - يعني ما دشت ومسكت الهوز او سكرت البير - يعني اذا قلنا اشتغلت بنقول اقل من واحد بالميه وكل شغلها بس بالتصوير- هالايام هاذي في النفط اذا تبي توصل حاول تللزق نفسك في اي كوميتي حتا لو ما تشتغل فيه وفيه شوو اعلامي وراح توصل بسرعه -- واللا نسيتو كتب الشكر حق مليون واحد واللي اشتغلو صج اثنين او ثلاثه
     
  12. العنيد

    العنيد بـترولـي نشيط

    57
    0
    0
    أخوي يعني بس البنات اللي ياخذون مرضيات؟!!
    وهل اذا حصل لك تصير سينيور بالواسطه راح ترفض؟؟؟
    ما ادري ليش تحبطون في هالمهندسات ,,ياخوي والله عندي الكويتيه ولا هالهنود كومار وراجو والجد باتيل بعد الانسان يسوي اللي يمليه عليه ضميره ومايطالع غيره لان اللي بيتابع الناس بيتعب يالغالي..وتحياتي لك,,
     
  13. engineera

    engineera بـترولـي مميز

    626
    0
    0
    مادري هالشي بالال والاخير يعتمد على طبيعة البنت نفسها ..ومع الاسف الشديد ميولي طلعت تاكل مواد واختبارات لا اتلافيهCorossion and inspection (ndt) معني شاطرة حيل في هالمجال وكنت اتمنى اني اشتغل في لاب بس راح اقمع طموحي (حلوة اقمع) واقعد بمكتب لانه بيئة الفيلد ماتصلح للبنت(عقب ماشفت بعيني)ولا اللابات وحتى لو داومت مصافي (وانا منهم)ماأيد انها تنزل اهناك لانه اذا متزوجه وام عيال وحمال هالشي وتلوث يضر بالجنين ..بس الانتاجيه تعتمد على البنت والمهندسه نفسها وخصوصا في الفيلد:)...واللي يحب انه يشتغل راح يظل يشتغل دام يحب نوعية عمله..ثانيا احنا نروح النفط لانه في ترقيات واذا قعدنا بوزارة نكش ذبان وماكو انتاجيه ولا شي ولا ترقيات ولا هم يحزنون...واحنا بنات ماينفعنا الا العمل المكتبي ان صعدنا ان نزلنا بنظل بنات و مانقدر على شغل الرياييل ولا نجرتهم ومثل ماقال smart-boy قال تعالى(وليس الذكر كل الانثى)

    وختام هالحجى كله مكان المرة البيت اذا متزوجه وعندها عيال لانه family come first (لوول) بس هالشي مايمنع لا طموح ولا شغل دام في تنظيم ..بس الحق حق
     
  14. tq68

    tq68 بـترولـي جـديـد

    نعم لأن المرأه عضو فعال بالمجتمع وهي اخت الرجال فلا شيء يمنعها من العمل الهندسي البترولي او غير ذالك
     
  15. باش دبلوم

    باش دبلوم بـترولـي نشيط جدا

    194
    0
    16
    لا اعتقد بان المهندسه تستطيع تحمل العمل بالفيلدز مثل الرجل وخصوصا فى جو مثل جو الكويت حر ولواهيب وغبار بالصيف وامطار وبرد يدش بالعظم فى الشتاء وذلك بسبب خلقة رب العالمين لتكوين جسم المرأه .

    بعكس الرجل يستطيع التحمل والوقوف والعمل فى اى طقس ومكان .

    ليس قصورا فى المهندسات ولكن هذا شى معروف وهى حكمة من رب العالمين اعطى المرأة مميزات والرجل مميزات .
     
  16. فنطاسي

    فنطاسي بـترولـي نشيط

    53
    0
    0
    انا مع سمارت بالراي
    سؤال ليش البنت ما تشتغل بالفيلد في اوربا يشتغلون بالفيلد
    وبناتنا يقدرون يشتغلون بالفيلد .......لا تقولي دوام الليل في ناس يداومون في المستشفيات والمطار
    بس كل حسب طبيعة عمله واذا البنت ظروفها تسمح تقدر تشتغل
    اصلا هذا من صالح الشركه تخف الطبيات
    هههههههههههههههههههههه
     
  17. engineera

    engineera بـترولـي مميز

    626
    0
    0
    لالالالالالا ماعندنا بنات يشتغلون بالليل مجتمعنا مايسمح وهم هالشي في خطر على البنت وبعدين منو اللي يسمح حق مرته نص ليل تنزل فيلد وحقول وابار وكله عمال!!!انتو ترضون!!!عسانا ماشتغلنا في القطاع النفطي اذا بنتبهذل جذيه والحمدالله الكويت ديرة خير مهي محتاجه انه المرة تشتغل في الليل
     
  18. فنطاسي

    فنطاسي بـترولـي نشيط

    53
    0
    0
    مجتمعنا ما يسمح حق القطاع النفطي بس يسمح حق المطار وغيره......... لانه المطار غير فيه مطاعم ومحلات وتكييف مركزي
    واللي تشتغل بالمطار مو متزوجه بعد ......بس بناتنا يبون يحطون مكياج جنه رايحه عرس مو دوام
    مع احترامي لج يالمنهدسه
     
  19. EQUATER-1

    EQUATER-1 بـترولـي مميز

    693
    0
    0
    صبحكم الله بالخير جميعا ودي اشاركم وباختصار عندنا بايكويت تجارب ناجحه من المهندسات الكويتيات العاملات بقطاع التصنيع وانوقع لهم مستقبل باهر وهذي وجهة نظري المتواضعه ولكم جزيل الشكر.
     
  20. engineera

    engineera بـترولـي مميز

    626
    0
    0
    اي فنطاسي انا معاك في هالنقطه البنات ماشالله في سوق في دوام في العرس في البيت نفس المكياج واللبس وماكو احترام للمكان بس مو كل البنات طبعا ياريت لو يشوفون البنات الاجانب على الحريه اللي عندهم يداومون بكامل اناقتهم واحترامهم ولبس محترم لانهم يحترمون المكان اللي فيه ...بس هم انا ضد البنت تشتغل زام ليل ماله داعي مفروض ينزل قرار يمنع عمل البنت بعد 12 ويكون العمل شي اختياري بعد 12 مو اجباري
     
جاري تحميل الصفحة...

مشاركة هذه الصفحة