إجتماع اليوم ....مختصر ..والباقى عليكم ..

الكاتب : جابر | المشاهدات : 615 | الردود : 6 | ‏12 مارس 2008
  1. جابر

    جابر قــلــم بــتــرولــي أعضاء الشرف

    حضر الإجتماع اليوم بحدود 40 غلى 50 شخص ...وتم مثل ماتوقعنا وتوقع RADAR خارج الصاله ...فى الممرات :eek:

    على العموم كان موجود الأخ فيصل (بوحمد )وعايض الهاجرى فى الإجتماع ...وهذا اللى فهمته ...ويصلحولى الشباب إذا فيه نقص أو خطأ :

    - بالنسبه للكوادر :
    الخشتى دعم موقف موظفين الخفجى ...وأرسل رساله (للمؤسسه !) بأن موظفين الخفجى لازم تشملهم الزياده بالكامل ...وذالك بسبب عزوف موظفين (جامعيين ذو خبره) كثيرين عن الخفجى فى السنه الأخيره ..وبعد هالزياده ..هالشواغر الكويتيه فى الخفجى يمكن راح تزيد ...

    تم تبليغ (الشويب !) بأن عمال الخفجى ...راح ينطرون بالضبط شهر واحد بعد صرف الزياده لموظفين البترول وبعدها إذا لم تصرف لموظفين الخفجى أو يجى أمر بصرفها ...الموظفين راح يداومون بالمكتب الرئيسى (يعنى لو الزياده تجى باخر شهر أبريل ...الفرصه معاهم لأخر مايو لأضافتنا ...أو يتم تنفيذ التهديد)

    - الحضور أيدوا الإقتراح لكن أصروا على زيادة وسائل الضغط على الشركه وتفعيل الإعلام فى هالمده

    بالنسبه للعقود

    طرح أقتراحين ...لكن ماندرى متى المؤسسه تتخذ قرار الترجيح :
    1. تشكيل شركه أخرى (بموافقة الجانب السعودى) ويتم تسجيل الكويتيين فيها ...شكلها صعبه ...
    2. تسجيل الكويتيين فى KGOC
    رئيس الشركه الخشتى ...مهتم بقانونية العقود ...لكن الى الأن مافيه وقت محدد لحلها

    - شمول موظفى الوفره بالمستشفيات الخاصه : ...
    فيه رفض من (اعتقد ) الموسسه على هالفكره ...فطلع إقتراح بأن بدل إشتراك النوادى الرياضيه ...يعمل للموظفين تأمين صحى ....بس ماندرى وين وصل هالإقتراح ...

    - أحد الشباب أقترح بزيادة المصادر الماليه ...وذالك للقضايا المرفوعه والأعلانات ..لكن فيصل رد عليه وقال الخير كثير وعقب عايض بأننا متعاقدين مع مكتب كبير ومتخصص وقاعدين ندفعله سنويا (جنه قال مكتب الطبطبائى !) وهو يشيل كل القضايا ...

    ذا تذكرت شى بكره راح أزيد ...ولو إنى أتمنى من النقابه تريحنا و تحط تصريح بالجريده بكره باللى صار

    ادرى والله..بعد هالموضوع ...راح يطلع لى مارد المصباح (الفهد) .مو قاعدلنا قعده اليوم ;)...
     
  2. جابر

    جابر قــلــم بــتــرولــي أعضاء الشرف

  3. السيف

    السيف بـترولـي نشيط

    57
    0
    6
    مشكور اخوي جابر على نقل الاجتماع
     
  4. نمر بن عدوان

    نمر بن عدوان بـترولـي نشيط جدا

    268
    0
    0
    يعني الاجتماع فشل ............



    يعني ما توصلو لأي حل .............



    يعني ما في اي فائدة من الاجتماع او الحضور...........

    والله يعينا عليهم

    وشكرا اخ جابر على ايراد الخبر بس انت موجود وياهم او لا....؟؟؟
     
  5. نمر بن عدوان

    نمر بن عدوان بـترولـي نشيط جدا

    268
    0
    0
    مع اني كنت موجود وما شفتك

    بس شفت عايض و فيصل


    سلامات جابر ليش ما حضرت
     
  6. جابر

    جابر قــلــم بــتــرولــي أعضاء الشرف

    ما عليه ...أنا وعدتك ..مادام إنك زميل وعضو جمعيه عموميه..(حسب كلامك).....راح نبدى ..حسن النيه ...
    أنا حضرت ....وكنت من أول الموجودين ....وصلت قبل المغرب...وصليت المغرب فى مسجد السوق ..
    بس انا بعد ماشفتك ..;)
     
  7. جابر

    جابر قــلــم بــتــرولــي أعضاء الشرف

    حياك الله يالسيف ...وكان بودى لو التفاصيل تكون أكثر ...لكن فكرة النقل ماخطرت ببالى الا بعد ما وصلت البيت ...
    وتعرف ...الخفجى ..طيرت خلايا الذاكره ...
     
جاري تحميل الصفحة...

مشاركة هذه الصفحة