اليوم ...جمعيه عموميه ..الساعه 6:30 فى مقر إتحاد عمال البترول ...الأحمدى

الرجاء الحضور ....حتى نعرف شقاعد يصير من حوالينا ....

 

حياك الله بأى وقت كى أو سى

هلا الصايغ ...الهدف كان توضيح بعض الأمور ...الشباب كانوا يشكون من عدم تواصل النقابه ..وما يدرون شنو اللى قاعد يصير ..... وهالإجتماع كان علشان النقابه تقول اللى عندها ...وتأخذ راى اعضاء الجمعيه العموميه بالخطوه الثانيه .....ربك يجيب اللى فيه الخير ....

 

اللى بالأحمر وارد طبعا ....الناس تعبت من المراكض وراء سراب الزياده ...كل مانقرب منها ...تبعد زياده ...
مشاكل الخفجى قاعد تزيد ...والإتحاد ...شايل إيده ..من أأى شى له علاقه بالخفجى ...لأنه يعرف إنها عوار راس ومطالبات ..كبيره ...تختلف عن بقية الشركات ....وفوق هذا كله ....مو بالعين النقابه .....

شى طبيعى ..يكون العدد قليل ...وإن كان دليل لضعف النقابه فى تحشيد الموظفين ....بس ضعف النقابه مو عيب فيهم لكن بسبب قوة الخصم (الإتحاد + الموسسه + جماعة العسكر + مناصرين العسكر من شركات أخرى )

على الناس اللى حضرت عارفه إن النقابه شاده حيلها ...وخرابيط نمر والفهد ومعاهم جم واحد ...ماراح تغير شى من قناعاتنا ...لكنها تبعدنا أكثر وأكثر عن مناصرين العسكر ....اللى هذولا ربعه ينخاف قربه ...

 

يعطيك العافيه على هالجهد ..وان شاء الله مانظلم أحد ...على الأقل مو عن عمد ....بس أنا كان كلامى كله عن الكادر والزيادات ....والا قبل ..كنا لاهين ولاندرى عن هالخلافات ..تعرف دوام الخفجى موته ...اللى كان واضح إن رئيس نقابتنا ورئيس الأتحاد ..ماكانوا (يحضرون ) مع بعض ...وإختفاء رئيس الإتحاد ...من أول ماطلع القرار اللى حدد الزياده بالشركات النفطيه (داخل حدود الكويت )...أما بوغازى زميل وما شفت عليه شى يعيب ...لكن طلع بالجريده مرتين وما قصر ..ذكر الخفجى ..بس السالفه طويله ..ومجهوده قليل ..ما أقدر أحمله أى مسئوليه لأنه مهو رئيس الإتحاد ولا النقابه ...لكن هالمعلومات اللى عندك ليش مانشرها ، ليش ما أعلنها..مايبى يدفع إعلان جريده ..يرسل إيميل ...مايبى يرسل إيميل ..يكتب فى المنتدى ...على الأقل حتى يبرىء ذمته..
أبو غازى رايته بيضه ..ما أعارض عليها حتى لو كان منه بعض التقصير..الرجل خدوم ..وما شفت منه الا كل خير .. ...أما الإتحاد ...لا ..القرار طلع بإستثناء الخفجى ..وحتى العمى يشوف الإستثناء بنص القرار...يعنى الإتحاد ضحى بالخفجى علشان باقى الشركات ...تقبض..هل كان الدافع طمع ..أو ..إحراج لنقابة نفط الخليج ...ما فرقت معاى ...المهم تضررنا بسبب الإتحاد ورئيسه ...

 

معاك حق..فى النهايه تظل مسئوليتهم ولو كانت مسئوليه ضمنيه....لكن الأسباب كانت واضحه..... أنا أتذكر ...لما حاولت النقابه تهدد الموسسه والشركه ...وتقول الموظفين راح يضربون إذا ما أخذوا حقوقهم ...
طلع اللى قال ...مافيه إضراب ....وإنه ضد أى إضراب ...وتمت إرسال رسائل .وجرايد..وشجب للإضراب...للجميع .....الزبده ...عرفت الشركه إنه على الأقل 50% من الموظفين معارضين ومو مأيدين النقابه ...هالحجى أيام (العواد ..طبعا)..وأكيد ال 50% الباقين ماراح يصمل منهم إلا ربعهم ....كالعاده فى أى إضراب....يعنى السلاح الوحيد اللى بيد النقابه والورقه الأخيره ...سحبت منها ..وتم حرقه....(موظفين فى الشركه) كان همهم إظهار النقابه بموقف العاجز ..ونجحوا ......لكن فى الأخير حنا اللى خسرنا ...الموظفين..وبالذات أهل الخفجى ....الناس اللى تضحى بمصالح زملائها علشان نزاعات شخصيه. ..مفروض مانوصلها للكرسى بإيدينا ...ونتحسف بعدين على اللى بيصير ......

 

عندى (بحث) لازم أطبعه ...وكل ما أندمجت ...رديت إنت ...وأخذنى الفضول ...وقريت ردك ...وتركت (البحث) علشان أرد .. من النادر جدا إنى أشوف ردود ونقاش منطقي من (الجماعه المعاكسه)

طبعا هذى وجهة نظرك ...لكن أنا أقول اللى كان الأجدر الناس اللى كانت تحاول عزل النقابه ..ومستعده تضحى بكل شى علشان تفشل أى مشروع للنقابه ...هى اللى تبطل عن هالسوالف ...وتحاول تأخذ حقها عن طريق المحكمه ...وقانونيا بدل ما تجيش الأفراد لأفشال مشروع الإضراب...

النقابه مو من حقها تستقيل ...مادام فيه غالبيه لازالت تبيها ...
وهذى تم إثباتها (ولو شكليا) فى الجمعيه اللى قبل كم شهر وسموها (أعتقد!) ..إثبات شرعيه او شى من هالنوع ..

العمال إختاروا النقابه الحاليه ...لكن مو كل العمال مستعدين يدعمون النقابات ...هذا فى الوضع العادى ..فمابالك لو ..إن خصمك ...قرر إنك إنت الهدف ....وعنده القدره على تحييد نص الموظفين .....
وأكبر دليل على عدم دعم العمال الكامل ...المحاولات اللى قام فيها الإتحاد حتى حاول يجمع موظفين النفط حواليه ...إجتماع ..ومادرى شنو ...و 15000 الف عامل واللى حضروا رقم يفشل ...تتذكر ..قبل كم شهر ..هل هذا معناه إن الموظفين ما كانوا داعمين الإتحاد والا مايبون الزياده ... لا طبعا ..بس كل واحد وظروفه ...

 

عزيز وغالى يا radar و أنت وانا أخوك منت مقاطعنى ..لو أنى مانى حاس إن كلامك مهم ..كان ماتابعته ...وعذرك بسرعة الرد يبين معدنك ...واللى هذا معدنه يعتبر مكسب سواء كان مع فيصل وربعه أو مع مع العسكر وريعه ..

والله ماعندى خبر ...لكن مشكلة المعلومات مصيييييييييييييبه عند الشباب ...ودايما كنا نقول ..بلغوا الشباب..حتى اللى ماحضروا ...إذا مو بالجرايد ...على الأقل بالإيميل ...ولو ماكتبت هالكم سطر عن الجمعيه ..فى المنتدى....كان محد درى شاللى صار ...النيات الحسنه عمرها ماتسوى شى إذا ما أرتبطت بعمل واضح يشوفونه الجميع ...
أحيانا الشغل بسكات مهم حتى توصل لنتيجه ...بس على الأقل ...يبلغونا حنا الموظفين بشى ..مو شرط جرايد

ننطر هاليومين يمكن الخبر يطلع شى...

 

تموت العقارب وسمّها فيها