زواج انتهازي

الكاتب : حنان | المشاهدات : 999 | الردود : 18 | ‏9 مارس 2008
حالة الموضوع:
مغلق
  1. حنان

    حنان بـترولـي خـاص

    2,197
    1
    38
    البعض يتسائل شنو زواج الانتهازي ؟

    حبيت اشرح في موضوعي هذا

    سوف اتكلم عن اللي قاعد يصير عندنا في بلدنا الغالي الكويت

    واللي قاعدين نشوفه في البعض البشر

    سوف ابدا واقول البعض وليس الكل

    الفتيات من الجنسيات المختلفه من اي دوله كانت

    تتزوج بشاب او رجل كبير في السن من الجنسيه الكويتيه

    وبعد مرور ايام وعشره وتنجب منه اطفال

    شي اكيد الزوج راح يضيفها بملف الجنسيه لكي تصبح كويتيه

    المفاجاه هي عندما تصبح كويتيه تكشر عن انيابها

    وتطلب الطلاق بدون سبب

    ومن هنا تقدم بوظيفه وتحصل على النفقه و...........الخ

    طبعا اهو موضوع للنقاش حتى يكون هالقسم من المنتدى في مواضيع مختلفة وتناقش قضايا عدة
    ناطرة ارائكم
     
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    حنان ، شكرا على الموضوع

    هناك ما هو مشابه لهذا الزواج لكن أن تتزوج البنت (بنت البلد) و يطلب أهلها ذلك المهر الغالي و تلك الشروط و غيرها ، و تسافر شهر

    العسل مع زوج المستقبل ، و بعد أشهر تزيد أو تقل عن أصابع اليدين تتهمه زورا و بهتانا بالتقصير و بكل وسيلة متاحة لتتطلق منه .

    أحد الأقارب عندما ذهب إلى قصر العدل عرف ذلك من بعض كاتبي العدل هناك و قالوا له أن الموضوع هذا بدأ يتكرر مؤخرا.

    لا أدري أين يذهب الشاب الصادق الذي يريد الزواج الحلال ؟


    مع الأسف ، تكون الأسباب تافهة جدا و كأنها خطة غريبة و لئيمة من البنت أو أهلها للنصب على الشاب المسكين .
     
  3. حنان

    حنان بـترولـي خـاص

    2,197
    1
    38
    العفو حجي عبدالله على المشاركة والرد
    في كل مجتمع ظواهر تؤدي الى تخلخل هذا البلد
    وانا عن نفسي اول مرة اسمع باللي تقولة وماادري صراحة بس جدبلوة هالشي بلوة
    الله يستر على الاوادم
    شكرا لك مرة ثانية على الرد
     
  4. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    مع الأسف يا إختي حنان ،

    الإنفتاح الزائد على الجنس الآخر و قلة الوازع الديني و ضعف الشخصية امام المغريات و رفقاء و رفيقات السوء كلها أمور تجعل هذه

    الظاهرة تطفو للسطح ظاهرة للعيان
     
  5. كي او سي

    كي او سي بـترولـي خـاص أعضاء الشرف

    صح كلامك

    وهذا الواقع الحالي لمجتمعنا للاسف

    بالاضافة الى اللي قالته الاخت حنان

    وبصراحة فعلا مشكلة كبيرة

    بس الواحد شسوي يدخل قلوبهم ليعرف نواياهم

    الله يحفظنا منهم ويكشفهم قبل الزاواج بهم
     
  6. dehen_3ood

    dehen_3ood بـترولـي خـاص أعضاء الشرف

    يعطيج العافية اختي الكريمة على هالطرح الجميل والهادف

    بعتقادي الزواج الانتهازي لا يقتصر على المرأة او الرجل
    بل هو يقتصر على النية المبطنة في الزواج سواء كانت نية الفتاة بالزواج او الشاب بالزواج !!

    في شباب يتزوجون عشان البنت عندها خير او اهلها عندهم خير وبو الشباب يبي يستفيد !!
    في شباب يتزوجون اسم البنت (والله انا مناسب العائلة الفلانية)
    في بنات يتزوجون مثل ما تفضلتي عشان تثبت الوتد على قولة حياة الفهد
    وفي بنات يتزوجون مثل ما تفضل بوصالح وقال عشان اتزوج وتالي اتطلق (تبي حريتها البنت) ويا كثر هالقضايا بقصر العدل !!
    وتدرين عاد وحصلت ان في شباب وبنات يتزوجون بالاتفاق بينهم وبين بعض عشان يتقاسمون الـ 4000 وبعد جم شهر يتم الطلاق !!


    النية !! النية !! النية !! وحتى بالنية قاموا يتاجرون الناس
     
  7. n3n7

    n3n7 بـترولـي نشيط جدا

    271
    0
    0
    والله الي يطلعلها جنسيه هذا جاني على عمره يبى هذيلي ناس مصالح خلك ذكي لمن تكتب كتاب الملجه اشرط عدم المطالبه بالجنسيه يعني اتنازل عنها وشوفوها هذيك الساعه شرط ماتزوجك رااح تتاكد انها مصلحه موووو حـــــب

    خلــــــــــــــــــــــــــــــــك كويـــــــــــــــــــتي
     
  8. حنان

    حنان بـترولـي خـاص

    2,197
    1
    38
    والله يا اخوي مااقدر اقول غير الله يستر على الجميع من شباب وبنات
     
  9. حنان

    حنان بـترولـي خـاص

    2,197
    1
    38
    الله يحفظ كل البشر من اي انسان له نوايا سيئة
    مشكور اخوي على المرور وحياك الله
     
  10. حنان

    حنان بـترولـي خـاص

    2,197
    1
    38

    حياج دهن ومشكورة ع المرور
    والله كلامج عين العقل
    اكرر واقول الله يحفظ الكل من الناس اللي عندهم نوايا سيئة تجاه الاخرين
     
  11. حنان

    حنان بـترولـي خـاص

    2,197
    1
    38
    ايه اخوي بس مو كل اصابعك سوا ولا الكل مثل مثل
    حياك الله ومشكور ع المرور
     
  12. عبدالحميد دشتي

    عبدالحميد دشتي بـترولـي مميز

    782
    0
    0
    والله ياحجي انا متزوج من غير كويتية وكنت متزوج قبلها كويتية وانفصلنا طبعا وحط خط تحت طبعا لان نسبة الطلاق بين الكويتيين 71% كاخر احصائية يعني كل عشرة يتزوجون سبعة يطلقون انا متزوج غير كويتيية (عربية) وصارلي سنين معاها الحين والحمد لله وقت المصايب ما اشوف احد يمي غيرها, وانا قاعد اتكلم عن الجيل الحديث للكويتيات مع احترامي البالغ لبنات ديرتي طبعا صاروا ما تهمهم غير المظاهر ماعندها ربع دينار تحط بانزين وتبي تركب بورش والمطبغ ما ادشه الا اذا تبي تشرب ماي وفلانه قالت وعلانه سوت ابي مثلهم وطبعا القز صار من اساسيات المجتمع الكويتي حاليا والقز هني قصدي لف الشوارع والمولات بدون سبب لمضيعة الوقت بس والزوج منسي طبعا ولمن تبي اطلق عشان ترتاح شوف الحقد والكراهية حتى لو كانت اهي عارفه نفسها انها غلط تلقاها تتهمك بالسرقة والضرب والعنف وتطلع انت مجرم بعين القانون وانت ياحرام ماسويت شي ومصايب يبيلي ثلاث ايام اتكلم طبعا انا عندي وايد من ربعي متزوجين وانا كنز اسرارهم يعني قاعد اتكلم عن اكثر من حالة و لا تنسى المهر مليون تقول متزوج برتني سبيرز والمؤخر مليون جنه مزوجين بنتهم حق حرامي ولازم شبكه الماس وسيارة الماني ووووووووووو
    بس اذا خذيتلك لبنانية او سورية بس من عيال الحمايل والعوايل ترى حتى اهما عندهم عيال حمايل راح ترتاح و الله اسأل مجرب والحين قاعد نشوف وايد من الشباب الكويتي يتجه لبلاد الشام للزواج
    عندي تنويه انا ما أجمعت ان كل الكويتيات من الجيل الجديد لا تصلح لزوجة بل نسبة لا يستهان والله ولي التوفيق
     
  13. القحطاني

    القحطاني بـترولـي خـاص أعضاء الشرف

    4,717
    0
    0
    الله يعطيج العافيه على الموضوع الجميل ولكن ليست جميع النساء هكذا اصابعج مو سوا ولكن في اعتقادي ان الزوجه لم تفعل هكذا الا بسبب الزوج بتعامله معها او قسوته معها فتريها تريد ان تحصل على الجنسيه فتطلب الطلاق منه لتستقل بذاتها

    مشكوره على الموضوع
     
  14. .K.O.C

    .K.O.C بـترولـي نشيط جدا

    454
    0
    16
    يعني وحده متزوجه شايب........



    وطبعا كلنا نعرف شنو يعني شايب


    اغلب الشيبان........مايقدر يجامع الزوجة لحكم كبره في السن


    فبالتالي الفتاة الصغيرة تضطر الى الطلاق..... طبعاً الكلام ما يعم



    واما على اضافة الجنسية او لا


    يكفي ان اولادها كويتيين.... يعني شمنظر واحد كويتي امه اجنبية... هم غلط مايصير

    يعني انت يافلان لو ابوك متزوج امك وطلقها بعد ماجابوك


    ترضى ان امك تظل اجنبية وانت كويتي وانها ماتاخذ نفقة ولا تتوظف بحكم انها راح تكشر انيابها






    تكشير الانياب


    موجود حتى في الكويتيات


    كم وكم من الكويتيات يكشرون انيابهم

    بحجة,,, انها لو تطلقت راح يصرفون لها مصرف اكثر من اللي يصرفه زوجها.... طبعا الكلام مايعم



    جيتوا على البنت المتغربة اللي اتركت اهلها,,, تحاسبونها


    مع العلم انها جابت منه اولاد.... بغض النظر عن اسباب الطلاق

    لو ان لها نية سيئة كان ما جابت منه اولاد


    .... ياجماعه لا تحسسوني اني انا الفاهم الوحيد بينكم


    شغلوا مخكم شوية




    مجرد رأي
     
  15. حنان

    حنان بـترولـي خـاص

    2,197
    1
    38
    مشكور دشتي على المشاركة
    بس خليني اقول لك شي انت ختمت وقلت ان هالكلام مو موجه حق الكل بس يوم تكلمت في بداية كلامك كان كلامك يعم الكل
    هم مو مشكلة مو كل بنات الكويت جذية فيهم اللي اهي تكون الوحيدة اللي توقف مع ريلها بو عيالها وتكون اهي السند له حتى في بنات جيلنا الحين اللي اهم 20 و25 وهالحدود وايد بنات يكونون قمة وتعاملهم مع الريل اوكي بس اهو الله يهداه يكون فيه شي يا عيونة زايغة او انه او او او يعني مو كل الوم على البنت
    بس انا جدا جدا احترم رايك ومقدرة كلامك انه نابع من تجربة شخصية وعسى الله يوفقك انت وام عيالك ويرزقكم الذرية الصالحة وتعيشون على طول بسعادة
     
  16. حنان

    حنان بـترولـي خـاص

    2,197
    1
    38
    حياك الله وشكرا ع المرور
     
  17. حنان

    حنان بـترولـي خـاص

    2,197
    1
    38


    هلا اخوي مشكور ع المشاركة وتاكد اني احترم اراء الكل حتى وان كنت مختلفة معاهم
     
  18. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    كل بلد فيه الشين و الزين و مثل ما في الكويت ناس يشترون الريال كذلك بالمجتمعات الثانية بنات يدورون الستر اما استغلال الرجل فكل واحد عقله براسه يعرف خلاصة يعني شايب لما يتزوج ملكة جمال و عمرها ما يتعدى 19 سنه هل اهوا ما يعرف انه هالبنت تبي من وراه مصلحه امبلى يعرف بس الاخ راضي و قانع بهالشي يعني يبي يستانس حتى لو كان يعرف و يحس انه هالبنت ماخذته مصلحة : )
     
  19. حنان

    حنان بـترولـي خـاص

    2,197
    1
    38
    حياك الله ومشكور ع المرور
     
حالة الموضوع:
مغلق

مشاركة هذه الصفحة