Kpc موظفة يديدة خايفه =(

الله يكون بعونج

 

مو المكان موزين بس انا سامع ان الاداره موزينه وبعدين انتي بمؤسسه اللي بالديره؟؟

خلي اسالج

 

والله للأسف ما اعرف المكان

بس نصيحتي لج صلي أستخارة

وبالتوفيق

 

التسويق هو عصب القطاع النفطي وهو العين للكويت بالخارج فهو الي يشوف طلبات الزباين وهو الي يشوف انتاج الكويت

اذا كنتي في المبيعات فانتي الان تمثلين الكويت في الخارج فالكل ينظر فيك الكويت

واذا كنتي في التزويد فانتي قائده تامرين بالبيع وتنهين عن البيع فانتي من يرا انتاج الكويت وانتي من يرا الطلب فالطلب والامداد بيدك

واذا كنتي بالبحريه فالله يعينج

اما اذا كنتي في التخطيط فانتي بيدك مستقبل الكويت

اما اذا كنتي في البحوث التسويقيه فسترين انكي مازلتي بالجامعه

اما اذا كنتي في ادارة المبيعات فانصحك باصطحاب مخدتك معك

والله ولي التوفيق

 

ماكو شغل ترا وكبري المخده

ترا الشغل هناك معطينه حق جم واحد من ربعهم يامرون وينهون والموظفين الباجين بس قاعدين يطالعون

 

مشكور اخوي برلنت على التوضيح والشرح
بس ليش بالعربيه الفصحى
حركااااااااااااات

 

حركااااااااااات يالهمر


الله يسامحك يالمهندس ليش الكل ماخذ هالفكره ترا الشغل في كل مكان وكلنا 8 ساعات باي مكان بالقطاع النفطي ,,, تدري مرات نقعد بالتسويق الى الساعه 4 ونص اذا كان فيه مشاكل اما بالمصافي او بالسفن.
لا تحكم على شي وانت ما شفته وانا اخوك

 

لا يخاف

سهود و مهود

خلي ايمانج بالله قوي ودشى المبنى ولا تخافين كككككككككللللللللللل المبنى بنات وشويه شباب
كل شى عندهم كووول حتى نقابتهم كول اعضائها شباب وبنات ... قبل لما كانوا بالصالحيه كان عندهم ستارباكس والحين مادرى اذا نقل والا بعد بس صراحه يبيله ستارباكس بالدوام

اهم شى ان في الدوام الحضور (من 7 ليما ال7ونص) والانصراف (من 3 ليما 3:30) لازم تطبقين 8 ساعات وبينهم احلى حياه .. كيوبيكال على البحر ودوام يفتح النفس وكل الويووه سمحه ... انا صارلى 4 سنين اداوم بالحقول عمرى ما شفت بنيه حتى لو بالغلط ​

 

اشكرك اخي بريلنت


على هذا الشرح والتوضيح



أختي Green Tea

مبروك على الوظيفة الجديده ونتمني لك التوفيق


مع التحية

 

أولا أقول


ثانيا أبشرج أنتي في أفضل مكان في القطاع النفطي ومن أيسر الأعمال وأقلها جهد توكلي على الله

وهذا نعمة الله عليج انج كنتي في هالمكان الكثير يجيب أكبر الواسطات حتى ينتقل الى هذا القسم


فمبروك مقدما والى الأمام

 

باختصـــــار
الوظيفه فى القطـــاع النفطى
حلم لجميع الكويتيين وغير الكويتيييييين
واحمدى الله على هالنعمه وترا النعمه زواله
وقسم التسويق اعتقد انه مناسب والله يوفق الجميع

 

اول شي بالتوفيق والله يكتب اللي فيه الخير وبعدين هذي بيئة عمل لازم تكتشفينها بنفسج وتتكيفين مع جو العمل

يمكن الناس اللي في الدوام خوش ناس بس العمل متعب ( والعكس صحيح ) .. مثل ماقالوا لج الاخوان صلي الاستخارة وتوكلي على الله وبالتوفيق


*ملاحظة / من اسئلتج توقعت انج راح تشترين KPC مو متوظفه هناك ؟

 

اول شي حياج اختي معنا في المنتدى وثاني شغله اذا الموظيفين اللي معاج زيينين ابشري بخير واذا لا اللع يعينج على النقل بس الوضع العام مثل ماقالوا الشباب حطي راسج ونامي

 

أول شي مبروك على الوظيفه اليديده واتمنى لج التوفيق بس حبوبه خل اقولج شي حطيه في بالج زيييييييييييييييييين كثر ما راح تجتهدين باول سنينج راح تنحبطين اذا ما عندج واسطه ترفعج لي فوووووووووووووووووق وراح يندفن حلمج للطموح داخل درج المكتب والتجربه خير برهان بس نصيحه لج من اخت لج صارلها سنين طويله بالبترول على قد معاشج اشتغليلهم وبس لانه مهما انتجتي ما راح يبين وراح يحطمون طموحج وتمنياتي لك بالتوفيق