شكوى ضد رؤساء الورديات مصفاة الشعيبه...لازالت الكمبيوترات

قانون الشركة يعطي كل موظف ساعتين انترنت
شلون استخدمهم اذا ماعندي كمبيوتر؟

حنا في عصر الكمبيوتر والانترنت والشباب مادري شسالفتهم

اللي مايبي يشتغل ماراح يلهيه الانترنت .. راح يلقى الف والف شغله تلهيه عن العمل غير الانترنت

 

هذا تسلط ورجعية من مسؤولين الشعيبة

واكيد السيد مطلق العازمي صوروا له صورة خطأ عن الموقف .. أتوقع لو يرحون له الموظفين ويوضحون له الصورة ماراح يقصر وبيتفهم الوضع

السيد مطلق العازمي معروف بفهاميته وتقديره الأمور

وهذا أيضا مخالف لخطة الشركة من حيث الاستغناء عن الأوراق والأرشيف يكون في أجهزة الكمبيوتر

 

والله كلامكم صحيح وانا كلمت المتسببين بالازالة وكان ردهم: ( اذا ما شلنا الكمبيوترات راح نعطيكم انذارات )
بالله عليكم هذا كلام مسؤول ومنو هذا المسؤول ( الشفت ليدر R.s.l )
الله المستعان
ما أدري شنو هالدكتاتورية وين المناقشة وأخذ رأي الموظفين
سلامتكم ماكو شئ

والله أعلم

 

ما لكم الا ايصال شكوى الى السيدالفاضل احمد الجيماز لانه ذو عقلية متفتحة.اما اللذين اكل عليهم الزمان و شرب فما لكم الا الدعاء عليهم.

 

يا اخوان والله ها العالم مادري شلون تفكر

انزين بالله شلون بنحط ورك اوردرز وشلون بنشوف الريزلت وشلون بنشوف السلري سليب اذا كانوا اهم قاطعين الورق اصلا

المشكله مو بمطلق العازمي هذا الرجل ممتاز ورايته بيضه المصيبه بالشفت ليدريه الي يوصلون معلومات غلط بغلط

بس هم ها الناس يتصيدون على العالم

احب اعلمكم حسب ما بلغني انه سبب شيلة الكمبيوترات هم اثنين من الليدر


وأعتقد عمليات الشعيبه يعرفون ها الشخصيات

ودي أقول لهم كلمه ياللي ما تستحون تاكلون معانا وتضحكون وتسولفون جنه ربع واخوان وااذا رحت لمسؤولينكم

بطيتوا ربعكم بط ..!

اكثر من 120 رجل انحرموا من ها الميزه بسبب غلط واحد او حتى اثنين

شذنبي انا وغيري ننجر بخيطئه انسان واحد فقط

احب اسجل امتعاظي الشديد جدا على ها الشي

وشكرا لك اخي صاحب الموضوع

 

رايك أخوي نحترمه


لكن ممكن نعالج الأمور بطريقة حضارية أفضل حتى لا نخسر الموظفين


طريقة المنع أعتقد أنها طريقة ديكتاتورية قديمة لاتصلح في الوقت الحالي

من وظيفة دائرة الاعلام

أن تتبنى برامج

توعية للموظفين ومن شأنها تذكر الموظفين بأهمية متابعة العمل ... وأهمية تسجيل الأشياء UPSET

ويعمل كورسات تدريبية للموظفين ... تشجع الموظفين على متابعة العمل ... وترصد لها جوائز شهرية


لكن طريقة هتلر هذي طريقة نازية من رأيي أنها لا تصلح في عصرنا الحالي


والمسؤول الناجح يعرف كيف يرغب الموظفين ويحببهم في العمل ....


للأسف الكثير من المسؤولين ... يشعر وكأنه أصبح وزير ,,, والمفروض أنه زادة مسؤلياته ... فهذا يزيد متابعته للموظفين .. وعمل زيارات فردية للموظفين يسمع مشاكلهم ويحاول حلها .... ويوصي عليهم المسؤولين المباشرين

بهذه الطريقة الموظفين يحبون العمل ويزيد الانتاج .... ويلتفون حول المسؤولين

هذا رأيي الشخصي

أما ما نراه الآن فالمسؤول يعتبر المنصب تشريفي ... وليس تكليفي


هذا رأيي

 

يا اخوي اتروح بعيد وترجع عكس . وليش الحسد وانا عارف م. الشعيبة عدل وما هي الا تراكمات سنين و حسد عسى الله يرزق الكل.
اليس هناك مبدا العقاب و الثواب؟
خلى يسوي الي يسوي......اليس هناك عقاب..........؟ ام الخير يعم والشر يخص.
ما هي الا فئة حاسدة و حاقدة .
يعنى الشباب بشفت الليل اغلب الوقت قاعدين بدون عمل طبعا بعد ما يوزعون البيرمت. والبنل طبعاا سكييور.
ليش مايشغل نفسه بشيء مفيد بدال الكلام الي من غير طعم ولا لون...واذا اخطا يحاسب ويتحمل المسئولية كاملة.
و ارجوا من الاخوان التحلي بالحلم والترفع عن المهاترات
واخيراا نتمنى التوفيق للجميع..ونسال الله ان يرجع لكم الكمبيوترات وفوقها اشتراك دي.اس.ال 1 جيجا.للجميع.
ويفكنا شر الحاسديين والمنافقين.

 

انا ابي اسال الناقابيين اللي يشتغلون بالشعيبه ليش مايردون علينا ولا يعني تكبر السالفه وبعدين يتكلمون او لازم نكتب شكوي رسميه علشان يتحركون او انهم مايقدرون يسوون شي بدون مايصير اجتماع واجتماع يجر اجتماع وانطر يا --

 

الغاء الكمبيوترات من غرفة التحكم هو الغاء ارتجالي من الشفت ليدر
ولم ينزل تعميم من مدير العمليات
بالغائها
واكثر الشفت ليدريه نطيح عليهم داشين بورصة و منتديات و محادثات ومغازله وxxxxx
واذا طلع من مكتبه صار اتكانه
وكأنه ماسوى شئ حتي التشييك برى مايطلع خير شر او نادرا
واذا سولفنا وياهم كله علي السفرات والمراقص
ومايتكلمون في الشغل الا بداية الشفت او عند حصول مشكله

واللحين سوف ترون نقابتنا الموقرة والبصامه للمسؤولين
راح ترجع الكمبيوترات مره ثانيه ؟؟؟؟؟؟؟؟
او الاخوه اللذين يبون يدشون النقابه ويبون العمال يصوتون لهم
الصراحه انا افتخر بنقابة البترول لان همهم الاول والاخير هو الكرسي
وكله علي اكتافنا

 

الله يكون بعون الربع في الشعيبه زادت همومهم هم

 

اللي أشوفه إن هؤلاء اللي تسببوا في ازالة الكومبيوترات يبدو أنهم يعانون من خلل في تفكيرهم
وبعض الرجعية....فهم يعلمون علم اليقين أن المشغلين لا يتركون الpannel واللهو في الكومبيوتر ....
ولكن هناك دائما مشغل متواجد أمام الpannel...
ولكن يبدو أنه نوع من الحسد ...والمشكلة الكبرى إن الشفت ليدر ما يفارق الكومبيوتر

 

يالحبيب لازم تعرف ان الشعيبه فيها في بعض الوحدات بنل اوبريتر واحد بروحه علي البنل واذا ترك البنل وصار يبيع بالبورصه ويشتري وخاصه اذا البورصه طايحه(مقوعه) اكيد ان البنل بتروح فيها بعدين منو ياكلها غير الاوبريتر المسكين يشغل البمب اللي طفت ولا يرفع اللفل ولا يفتح الباي باس والسبه الاخ كان يتابع البورصه وناسي البنل
انا اقول ياخوان احسن شيلت اكمبيوترات

 

الرزاق بالسما والحساد بالارض

 

الإداره سيا ستها سيا سة القرود كل الإدارات في knpc خصوصا" العمليات . مدير مصفاة و رئيس فريق مصفاة رابعه يكرم مع العشرين سنه خدمه!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

 

هذا المفروض يصير من زمان

ويا ريت نضيف على الشكوى نقاط ناثيه احنا ساكتين عنها من زمان

الناس الي ما تستحي الاولى انه احنا م انستحي منها

ونبطهم مثل ما يبطون خلق الله

واذا في مجال للاضافه الله يخليك اخوي تبلغنا عشان

نعرف نشتكي عدل

 

اسئل الله لكم التوفيق. واحنا وياكم,وحاضرين للاستشارات القانونية.

 

موفقين زملائي


والظلم محد يرضاه

وحب لأخيك ما تحب لنفسك


أعتقد اللي تسببوا في المنع ..لو حصل معهم نفس الأمر ... شنو بيكون موقفهم

مع انهم مسؤلياتهم أهم ...

لو قلتلم انها تلهي الموظفين وهم مسؤولين عن وحدة

وأنتم كم من الوحدات مسؤولين عنها

 

معكم قلبا وقالبا ويجب ان يكون هناك وقفه من النقابه ايضا .. ألى متى هذا التعسف في استخدام القرارات