طلب الى النقابة الموقرة (الظغط على الادارة باعطاء أولوية في التوظيف لأبناء الموظفين)

الكاتب : Q825 | المشاهدات : 1,287 | الردود : 23 | ‏7 مارس 2008
  1. Q825

    Q825 بـترولـي مميز

    500
    0
    0
    السلام

    طلب الى النقابة الموقرة اتمنى منكم انكم تظغطون عالادارة في التوظيف القادم الي راح تعلن عنه الشركه عشان تعطي أولوية حق أولاد الموظفين في التوظيف مثل الكثير من اماكن التوظيف في الأماكن الحكومية مثل قبول أبناء الظباط في الكيات العسكرية اتمنى انكم ماتبخلون علينا بهالشي وخاصة انكم بهالشي ماراح تخدمونا احنا بتخدمون موظفين الشركه الي اهما انتخبونكم ووصلوكم سلطة النقابة وليكن عالأقل هالأولوية في التوظيف على مستوى الجامعيين أو الجامعيين والدبلوم معا.

    وخاصة أبناء الموظفين الي خدمو الشركه اكثر من 20 سنة و 30 سنة أعتقد هذا يكون تكريم لهم لو عطيتو أولوية في التوظيف لأولاد هالفئة من الموظفين وماعتقد هالشي بكون كبير عليهم جدام مدة عملهم وخدمتهم بالشركة.

    انشاااللله النقابة تفزع لموظفينها وتظغط عالادارة لاعطاء أولوية التوظيف لأبناء العاملين بالشركة وخاصة هالشي من صميم برنامجهم الانتخابي من خلال كلامهم بالندوات بأنهم مع الموظفين في جميع الحالات.

    وانشاااللله النقابة ماتخذل موظفينها الي انتخبوها......
     
  2. عادل

    عادل بـترولـي نشيط جدا

    382
    0
    0
    انا معااااك اخوي وهذا النظام معمول فيه في احد الدول المتقدمه بحيث يكون ابن العامل الذي يريد ان يعمل عمل والده ان يجهز حتى يحل محله ونحن نريد ان يكون الابن ليس في مجال عمل ابيه ولكن له الاولويه له في القبول
     
  3. القعقاع

    القعقاع بـترولـي نشيط جدا

    345
    0
    0
    انا برايي ياجماعه حرام لان فيه ظلم للشباب الكويتي ..بعضهم عنده شهاده وتعب على ماحصلها واخرتها يبدون غيره عليه...

    طيب اذا مشت الادارة على هالقرار...راح يحتجون الوزارات الثانية

    يعني مثلا الداخلية
    راح يطلبون الضباط الكبار بالاولوية بتوظيف عيالهم على غيرهم
     
  4. Q825

    Q825 بـترولـي مميز

    500
    0
    0
    اخوي ترا اصلا هالشي صاير بالداخليه والدفاع والحرس الوطني الظباط اعيالهم لهم أولويه بالتقديم والتعيين كظباط وحتى المراكز العليا بالقيادات العسكريه غالبية الظباط الكبار يتم اخيارهم على أساس الظباط الي سبقوهم من أهاليهم.

    حتى لاتروح بعيد التعيين بوزارة الخارجية في سلك الدبلوماسي يتم تعيينهم على أساس هالشي.

    وهم بعد في اماكن وايد بالكويت نفس الشي...

    ماعتقد هالشي بكون شي كبير على الموظف الي خدم الشركة اكثر من 30 سنة لمن يتوظف ولده لمن يكون عنده شهاده جامعيه بعدين النقابه لمن اطالب بهالشي راح اتكون واقفه مع الموظفين الي صوتولها ووصلوها لقيادة النقابة فاذا ماتوقف معاهم بهالشي توقف مع منو ولا ليش الموظفين صوتولها اهما فالنقابة مانخلقت الا فقط للوقوف مع حقوق موظفينها فما بالك الي راح توقف معاهم وطالب بحقوقهم هم من خدمو الشركة اكثر من 30 سنه و 20 سنة وقضو فيها اكثر من نص عمرهم عالأقل يعتبر تكريم من قبل النقابه والادارة بالشركة لموظفينها.

    وأدري عن الناس الي اتقول عنهم مظلومين بينظلمون من هالشغله لنا ماعندهم احد من اهلهم يشتغل بالشركه واصحاب شهادات بس هم الموظفين الي حابين اعيالهم يتوظفون هم عندهم شهادات وانا ماقولك على الكل تكون لهم أولوية عالأقل اتكون أولوية حق اعيال الموظفين الي يكونون اعيالهم من أصحاب الشهادات الجامعية وأعتقد الموظفين الي خدمو الشركه اكثر من 30 سنة اولى من غيرهم بهالشي.

    بعدين الي بدش الشركه ولمن يكون اهله بالشركه له ميزه انا يكون عارف وضع العمل بالقطاع النفطي أحسن من غيره وهالشي بكون من صالح الشركه حتى اتكون عملية التسريب من الشركه من ناحية الموظفين أقل من الي صاير الحين.


    وانا ماقولك يتم تعيينهم اي واحد لأ الي يكون عالأقل من أصحاب الشهادات الجامعية تكون له اولويه بالتعيين ...
     
  5. ابو عبدالله37

    ابو عبدالله37 بـترولـي جـديـد

    13
    0
    0
    اخوي شنووو عملية توريث اهي وين قاعدين انا اعارضك بهذه المساله لانها فيها ظلم واجحاف بحق المتقدمين للوظايف وماعندهم اهل بالشركه لو المساله توريث اعتقد ماشفت نفسك ولا شفت كثير من الوظفين الان متواجدين بالعمل بالشركه..

    والمثال اللي عطيته بالنسبه للداخليه او بالحرس او بالسلك البلوماسي اتحداك اذا فيها اولويه للتوظيف لابناء العاملين صح يمكن اهاليهم اللي سابقينهم بالعمل يمكن يتوسطولهم البعض منهم ينجح بالواسطه والبعض منهم ماتنفهم واسطات اهاليهم اللي سابقينهم بالعمل لكن مساله وجود اولويه لابناء العاملين لايوجد هالشي.. ياخي حنا في بلد ديموقراطي كلنا سواسيه بالحقوق والواجبات..

    تخيل اخي الكريم كاتب الاقتراح المرفوض..انك متقدم للعمل بالشركه ولم يقبلوك لانهم اختاروو شخص ثاني ابوه او امه تعمل بالشركه ماهو شعووورك الا تحس بالغبن والظلم ؟؟؟
     
  6. Q825

    Q825 بـترولـي مميز

    500
    0
    0
    أولا هذا رايك وانته حر فيه وحترمه انك تعتبره مرفوض بس في غيرك وايد يأيدون هالشي بعدين هالشي من صميم عمل النقابة انها اطالب بحقوق العاملين مو البعض يطالب انا يخلون اعيال الموظفين يدرسون بالمدارس الخاصه على حساب الشركه أسوة بالأجانب العاملين بالشركه انا اتحداك اذا ماودك بهشي حق اعيالك لنا هذا حق من حقوقق واذا كنت مأيده ليش ماتعتبره انك تظلم فئات ثانيه من الشعب الكويتي الي ماتشتغل بشركة النفط ولمن اطالب النقابة انها تظغط عالادارة وتعطي أولوية لأولاد الموظفين ليش ماتعتبره نفس لمن يطالب البعض انا يخلون اعيالهم يدرسون بالمدارس الخاصه على حساب الشركه حالهم حال اعيال الاجانب بالشركه اصلا هالشي حق من حقوق الموظفين الي خدمو الشركه اكثر من 30 سنه.

    أما بالنسبة حق سؤالك لا ماشعر بالغبن ولا بالظلم ... ليش مو حرام ابو المتقدم الي خدم الشركه اكثر من 30 سنه ينرد ولده ليش ماتعتبرها تكريم حق الي اخدمو الشركه مده طويله.

    بعدين انت شكلك مو عايش بالكويت أنا الي أتحداك بلي تبيه اتقول بالداخليه والدفاع والحرس الوطني والخارجيه مافيها هالشي اصلا أولويه دايما اتكون حق اعيال الظباط لمن يتقدمون حق الكليات العسكريه هذا يعتبر عرف عالمي بعد اذا مو قانون عسكري ومشكلتك تتكلم بشي وانته ماعندك خلفيه عنه وتسوي نفسك فاهم وانته مو فاهم بالشغله.

    اتقولي ماكو بالعسكريه هالشي اسمحلي انته ماتدري شي عن هالموضوع اصلا حتى تشكيل أي حكومه بالكويت ياخذون بهالشي اول شي يطالعون انته منو ولده منو اهلك وراها يطالعون الكفاءه اتقولي بالكويت ديمقراطيه وحريات انت شنو عمرك ماسمعت بشي اسمه واسطه اللله يهديك بس ولو تبي اعطيك مثال عن الداخلية والله أعطيك بالأسامي وقولك الادارات الي ماسكينهم أبا عن جد وحتى لوتلاحظ على طول عمر ماتكونت الكويت وبدت تتكون فيها مؤسساتها الدستورية أعضاء مجلس الأمة والقيادات بالداخليه والدفاع كلهم يكونونمحدودين بين 20 لي 30 عايله وينتمون فقط من هالعوايل يبا في أمثله كثيره مايمدي أذكرها مني.

    وحتى اصلا تعيين الحكام بأغلب الدول العربيه يتم عن طريق نظام الوراثه بكل الدنيا هالشي موجود.

    بعدين الفكره من كلامي النقابة اشحقه مسوينها مو عشان خدمة الموظفين وطالب بحقوق الموظفين الي انتخبوها هذي تعتبر خدمة من قبل النقابه حق الموظفين الي انتخبوها ويعتبر هذا حق من حقوق الموظفين الي خدمو الشركه 30 سنه وكثر وتكريم لهم.
     
  7. وحش المقوع

    وحش المقوع بـترولـي جـديـد

    41
    0
    0
    بسم الله الرحمن الرحيم

    لو دامت لغيرك لما اتصلت اليك

    اخي العزيز انا معارض وبشده لهذا الموضوع لان الشركه حق مشروع لكل كويتي او كويتيه لا يميزهم بالتوظيف الا مؤهلاتهم وخبراتهم وقدراتهم وهذا هم الهدف الرئيسي الذي يمكن من خلاله المحافظه والتطوير في المورد الرئيسي للكويت وهو النفط



    وشكرا وتقبل تحياتي
     
  8. Q825

    Q825 بـترولـي مميز

    500
    0
    0
    انته الي مشكور ورايك عالعين وعالراس
     
  9. الـخـبـيـر

    الـخـبـيـر بـترولـي جـديـد

    في رأيي أن التوظيف من المفترض أن يكون للأكفأ

    ولا مانع بأخذ أبناء الموظفين بعين الاعتبار

    شكرا ً لكم
     
  10. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اخوي انا مو معاك بهالراي اعتقد انه فرصة التوظيف بالشركة يجب ان تتوفر لكل كويتي يملك المؤهلات اللازمه للوظيفة و بذلك نشجع الشباب على الدراسة و بذل المجهود و ما نحبطهم على اساس انه ابهاتهم مو موظفين بالنفط ... اعتقد اقتراحك فيه شيء من الانانية أما كلامك انه الاولوية للقبول في الداخلية و الجيش و الحرس الوطني لأبناء الضباط فكلامك صحيح لكن احنا ما نشوف الغلط و نقلده خاصة انه هالشي ضلم شباب وايد يستحقون الدخول في المؤوسسات السابقة .

    اتمنى تأخذ راي بصدر رحب و ما يضايقك : )
     
  11. Eng.Vampire

    Eng.Vampire بـترولـي خـاص

    انا مو معاك بالاقتراح هذا واعارضه بشده ... لازم يكون عدالة في التوظيف لجميع الكويتيين ويجب توفير مبدأ تكافؤ الفرص للجميع ... شنو علاقة الي ابو او اخو بالشركة ؟؟ على راسه ريشه يعني ولا السالفة توريث ؟؟؟ بعدين جذي راح يصير ظلم لكثير من الكويتيين وهذا حرااااام ...
     
  12. ابو عبدالله37

    ابو عبدالله37 بـترولـي جـديـد

    13
    0
    0
    مرحبا مره ثانية...اخوي انت اللي وين قاعد انت الظاهر ماتعرف شي وجاي تتفلسف علينا شنووو يعني تتحداني ان هناك مبدا بالعسكريه ان ابناء الضباط يكونون ضباط ؟؟؟

    انا بعطيك مثال بسيط..انا اعرف شخص ابوه ضابط بالجيش واستشهد وراح ولده قدم بدورة الضباط ولم يقبل !!! اكيد لم يقبل لان هناك من اكفأ منه , اذن وين كلامك ان ابناء الضباط يكونون ضباط.

    ثانيا انت خرجت عن الموضووع وقمت تطرح امثله بعيده عن اقتراحك المرفوض طرحت مثال ان ابناء الحكام يكونون حكام ماقول الا الحمدالله والشكر ياليتك ساكت ومارديت علي كلامي..

    هذه شركة نفط الكويت مفتوح القبول فيها لجميع شرااائح الشعب الكويتي الدخول فيها للاكفئ..ماهي شركة نفط فلان وعلان علشان يقبلون فيها عيالهم علي كيفهم.
     
  13. NokiaCity

    NokiaCity بـترولـي نشيط جدا

    ما تبي يوظفون زوجاتهم بعد ؟ و بالمره أحفادهم مستقبلا:p
     
  14. Q825

    Q825 بـترولـي مميز

    500
    0
    0
    شركة من صادها عشى عيالة والخبير والباجي من المعارضين رايكم على العين والراس بس مادري شفيكم موراضيين تفمون كلامي انا الحين ماقلت كل واحد من اعيال موظفين لمن يتوظف ينقبل على طول لأ مو جذي كلامي

    يعني اتكون لها شروط مثل:

    1-يعني ليش ماتكون فقط على مستوى الجامعيين.
    2-أثناء وقت المفاضله بين المتقدمين يكون ولد الموظف الجامعي له ميزة عن الباجي يعني يعطونه مثلا 30 درجه فوق درجاته الي ماخذها بامتحانات القدرات والانقليزي والمقابله الشخصيه والتخصص.
    3-وهالأولوية محد يستفيد منها الا من ابوه او امه اخدمو بالشركه فوق 20 او 30 سنه عالأقل تعتبر تكريم لهم بعدين
    شي مطبق بكل مؤسسات الكويت الحكومية والعسكريه وحتى اغلب دول العالم يسوونه.

    وبعد تنحط فيها كذا شرط ذياده على الي حطيتهم لو ماكفو بس هم عالأقل اعيال الموظفين لازم يكون لهم ميزة يالتوظيف مو معقوله الي خدم الشركه أكثر من 30 سنة وماياخذون ولده تفهمون شنو يعني الواحد يخدم الشركة 30 سنة يعني اكثر من نص عمره خدم الشركة.

    ولي يشوف فيها ظلم لبعض فئات الشعب الكويتي اقوله خل الميزات الي انته تاخذها مع زوجتك واعيالك بالشركه خل ياخذها باجي الشعب الكويتي وراها انا ماطالب باعطاء أولوية لولد الموظف ولا الي انته الي تاخذه ماتشوف انك تحرم ناس وايد مايشتغلون بالشركه.

    اعطيك أمثله من الي انته تاخذه وغيرك محروم منه :
    _________________________________________


    1- انتو لكم مستشفى خاص لكم تتعالجون فيه الموظف ومرته وعياله وامه وابوه والباجي من الشعب مايتعالجون فيه.
    2- لكم نادي خاص اعيالكم يبلعبون فيه ويتسبحون (نادي الحباره ونادي الاتحاد) والباجي من الشعب مايستفيدون منه.
    3- لكم مخيم خاص يطل عالبحر اتقول جنه يم ميناء الزور يعني حاطيلكم البحر يم البر والباجي من الشعب مايدشونه.
    4- لكم تذاكر سنويه اتكون حق الموظف وزوجته و4 من اعياله والباجي من الشعب ماياخذون هالميزة.
    5- عندكم خصومات للموظف واسرته والباجي من الشعب ماعندهم هالشي.
    6- كل موظف له الحق يطالب ابيت بمنطقة الاحمدي والباجي من الشعب مولاقي يسكن.
    7- معاشاتكم ومميزاتكم المالية الكثير من الموظفين بالحكومه ماعندهم مثل مميزاتكم الماليه حتى اصغر موظف جامعي عندكم معاشه احسن من معاش مدير قسم بأي جهه حكوميه وخدمته 5 سنين ومعاه ماجستير.
    8- لكم خصومات كثيرة في اماكن الترفيهيه في البلد لكم خصومات والباجي من الشعب مايتمتعون بهالمزايا.
    .
    .
    وبعد عندكم اكثر من هالميزات غير المعاش التقاعدي ومكافأة نهاية الخدمة...

    وكل الي الي قلته لكم ماتعتبره انك تحرم الباجي من الشعب ومحد يستفيد من هالميزات الا انت وزوجتك واعيالك وشنو تفرق لمن اتظيف عليها انك تعطي ولد الموظف الي خدم الشركه أكثر من 30 سنة أولوية في التوظيف.

    يمكن البعض منكم يقول انكم تتعبون بالشغل وتستحقون هالميزات انا اقولكم انتو تستحقون هالشي بس هم الي بره الشركه يتمنون انهم يشتغلون مكانكم بتقولي انك أكفأ اقولك اسمحلي ثلاث ترباع الموظفين متعينين بالواسطه بالشركه بس الي بره موحصله بسبب الواسطه.

    بعدين كل الميزات الي تاخذونها كانت النقابات السابقة اهي الي كانت اطالب فيها وتحققلكم هالانجازات ولمن اطالب النقابة الحالية تعطي أولويه لولد الموظف او ولد الموظفه اثناء التوظيف اعتقد انها حالها حال الميزات السابقة الي ذكرتها واذا ماتوقف مع حق الموظف الي خدم الشركه اكثر من 30 سنه في توظيف ولده متى بتوقف معاه وأهوه الي بصوته مع الكثير من الموظفين الي خدمو الشركه اكثر من 30 سنه وصلوهم لي النقابة.

    بعدين بدون ماطالب النقابه بهالشي اعتقد الاداره المفروض ماتبخل على من خدم الشركه بأكثر من نص عمره باعطاء ولد الموظف او ولد الموظفه هالميزه وتكون وفيه جدام عطاءات وخدمات ابوه او امه الي قدموها بالشركه.
     
  15. ابو عبدالله37

    ابو عبدالله37 بـترولـي جـديـد

    13
    0
    0
    اخوي مسالة انك تعطي مزايا للموظف وابنائه غير عن مسالة التوظيف..... الخطوط الجويه الكويتيه تمنح الموظف وعائلته تذاكر سنويه بس ماعندهم بالتوظيف مسالة الافضليه للتوظيف لابناء الموظفين...واغلب موسسات الدوله عندهم انديه لهم ولعائلاتهم بس ماعندهم اولويه لتوظيف الابناء ...اذا الدوله بتطبق اللي يدور في بالك راح تخرب الديره الظابط بيخلي ولده ضابط والسفير بيخلي ولده سفير حتي الوزير بيخلي ولده وزير يعني صارت المساله توريث...
    اخوي بعطيك مثال بسيط بعيد عن التوظيف.. تخيل انك واقف وماسك دور بالمستشفي الحكومي او بالمستوصف وحطوو عشر اشخاض قدامك بحجه ان اهاليهم يشتغلون بالمستشفي اكيد راح تزعل وبتحتج وبتقول هذا المستشفي للجميع مو لناس وناس او تعطي الافضليه بالدور لابناء الموظفين بوزارة الصحه شوف هذا دور فما بالك بالتوظيف
     
  16. Eng.Vampire

    Eng.Vampire بـترولـي خـاص

    أخوي Q825 كلامك مو منطقي اسمح لي ولا في عدالة ... شنو يعني يعطون ولد الموظف نقاط زيادة وتصير له أولوية وقت المفاضلة ؟؟ ليش اهو كويتي والباجي لأ ؟؟ ولا على راسه ريشه علشان ابو موظف بالنفط ؟؟؟ قلتها لك وقالوها الاخوان يجب أن تكون واثق من نفسك وبقدراتك سواء بالاختبارات او المقابلة الشخصية وراح تنقبل باذن الله
     
  17. Q8_oil

    Q8_oil بـترولـي خـاص

    1,387
    0
    0
    أنا ضد هالكلام هذا مثلا الأبو كان شغال 100% و لكن الإبن تعبان ليش أظلم الناس الثانيين ؟؟
     
  18. مطارة عطر

    مطارة عطر موقوف

    22
    0
    0
    أتش عطر
    بستان
    اممممممممممممممممممممممممممممممممم ... فشّق من القوم وجكوه السريّه
     
  19. jamabdulla

    jamabdulla بـترولـي نشيط جدا

    انا معارضة وبشده لهذا الموضوع وانا اعمل في الشركة من 1980 الي الأن

    its un fair for others
     
  20. Q825

    Q825 بـترولـي مميز

    500
    0
    0
    اوكي الي معارض خل يشيلون عنه المميزات الي ياخذها وغيره ماياخذها بره الشركه لنا قاعدين يحرمون زملاء لهم خدمو الشركه اكثر من 30 سنه من هالحق ولو شالوها واللله انا اكون من المعارضين لهشي لنا أولويه التوظيف لأولاد الموظفين الي خدمو اكثر من 30 سنه حالها حال المميزات الي ياخذها موظفين الشركه.

    وهذي أرائكم وانتو حرين فيها بس هم في ناس وايد يبون هالشي ومثل ماصوتو حق النقابه لازم النقابه اطالب بحقوق الي خدمو الشركه اكثر من 30 سنه و20 سنه وتعطي اعيالهم أولويه بالتوظيف.

    واعتقد كان في كلام خلال مهرجاتهم الخطابيه انهم بيظغطون على الاداره بخصوص هالشي وانشااااللله مايردون بكلمتهم.
     
جاري تحميل الصفحة...

مشاركة هذه الصفحة