من المسؤول عن هذا؟

الكاتب : كي او سي | المشاهدات : 613 | الردود : 8 | ‏6 مارس 2008
  1. كي او سي

    كي او سي بـترولـي خـاص أعضاء الشرف

    الخرافي يرفع جلسة المجلس التكميلية نهائيا لعدم اكتمال النصاب

    الشؤون السياسية 06/03/2008 10:29:00 ص

    الكويت - 6 - 3 (كونا) -- رفع رئيس مجلس الامة جاسم الخرافي جلسة المجلس العادية التكميلية نهائيا اليوم لعدم اكتمال النصاب .
    وسبق ان رفع الخرافي الجلسة للمرة الاولى مدة نصف الساعة الا ان استمرار عدم اكتمال النصاب داخل قاعة عبدالله السالم دفعه الى رفعها نهائيا .
    ____________________________________________________

    لوحظ في الاونة الاخيرة كيف تدافع الحكومة عن نفسها، والاعضاء بتطبيق القوانين على الكبير قبل الصغير

    كيف تريد الحكومة الاصلاح وهي من تعطل مصالح الدولة بيدها؟

    وكيف يريد اعضاء الامة حل مشاكل الشعب؟

    لماذا يحاسب الموظف بتاخيره عن عمله ولا يحاسب اعضاء مجلس الامة او الحكومة؟

    اذا الدولة تسوي جذي شنو خليتوا لنا!!!!!!!!!!!!!

    بالعربي، كل يوم الاجتماعات ملغية بحجة عدم اكتمال النصاب ، او اذا الحكومة مو عاجبها موضوع معين يطلعون بسالفة وياجلون الاجتماع، كافي عطلة الربيع المجلس معطل، اربع اشهر في الصيف قاعدين الاخوان بسويسرا واوربا (مو حسد)، اي عطلة حكومية يعطلون معاها. والله عيب ، كافي يا بشر ، شوفوا الدولة اشتبي وسوولها

    شوفوا وين صرنا

    :mad::mad::mad:
     
  2. جابر

    جابر قــلــم بــتــرولــي أعضاء الشرف

    السالفه سياسه ...مو كسل ....والناس تقول إن الحكومه كانت مستعده .....بس لما شافوا (التأبين ) مطروح ..... إنحاشوا ..:(..خصوصا إن الموقف الحكومى (السياسى) وطريقة معالجته للحين مو واضحه ...النيابه هى اللى قاعده تتحرك وفق صلاحياتها وبمساعدة وزارة الداخليه ..... بدون أى تغطيه سياسيه ...:eek:
    حتى الأحزاب كاشفه اللعبه وعارفه إن الحكومه (مبطله حلجها) ومو عارفه شتسوى .... :(
     
  3. كي او سي

    كي او سي بـترولـي خـاص أعضاء الشرف

    هذا ما يمنع اخوي جابر يشوفون مصالح الشعب وهذا اللي انا اقصده وليس تابين مغنية او عبدالصمد ولاري

    انا ادري انه قصدك ان الحكومة تتهرب، ولكن وين قوتها، اشلون تبونا نثق فيها، وشهالاعضاء اللي كلمة توديهم وتجيبهم

    انزين في جميع دول العالم اذا ما في سياسة واضحة ، من المتوقع يصير اللي قاعد يصير اهني

    ولي متى هذا الحال

    وشاكر لك
     
  4. جابر

    جابر قــلــم بــتــرولــي أعضاء الشرف

    والله كلامك عدل ...بس لو قعدوا علشان يخلصون (لو على الأقل سالفة الخمسين) كان المجلس حشرهم فى سالفة التأبين وهم مو جاهزين للأن .....على كلن .... ضعف الحكومه واضح من أول ما صارت الجولات (المكوكيه) لتوزيع الحقائب الوزاريه و التباحث مع كل من (لبس البشت) والا حطله له ديوانيه .....يؤخذ رأيه منو يصير وزير ..كأنها توزيع شرهات .....عرفنا إنها خربااااااااااااااااااااااااااااااااااااااانه ...
     
  5. HUMMER

    HUMMER بـترولـي خـاص

    مشكور اخوي عالموضوع وماقصرت
     
  6. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    بأختصااار وصلناا الاا وضع لا نحسد عليه
    وأصبحناا ملطشة للكل وأصبحناا "عنوان الفكاهة "
     
  7. كي او سي

    كي او سي بـترولـي خـاص أعضاء الشرف

    العفو اخوي همر
    وحياك الله
    :)

    الفكاهه راح اتشوفها الحين "فكاهه صح" وخاصة المرشحين :D

    الحمدلله افتكينا من مجلس الامة اللي فات وانحل هذا اكبر انجاز في تاريخ الكويت

    والله يجيب اللي فيه الخير ويمثلنا احسن تمثيل بس مو فكاهي:D:p:D

    ومشكور جقروم وديلام
    :)
     
  8. كي او سي

    كي او سي بـترولـي خـاص أعضاء الشرف

    شاكر لك اخوي جابر على ردك الجميل، فعلا بالاضافة للي قلته.... ما بني على باطل فهو باطل.....والدليل حل مجلس الامة ......واستقالة الحكومة.......ومشكور يالطيب:)
     
  9. السيدة العجوز

    السيدة العجوز بـترولـي نشيط جدا

    314
    0
    0
    بصراحة ضربت ضربه قوية ونتمنى انها توجع
    كلامك فوق الصحيح فعلا هذا سيفوه وهذي خلاقينه
    والله المستعان
     
جاري تحميل الصفحة...

مشاركة هذه الصفحة