نادي الشركة

الكاتب : نفطي كويتي | المشاهدات : 1,327 | الردود : 20 | ‏6 مارس 2008
  1. نفطي كويتي

    نفطي كويتي بـترولـي خـاص أعضاء الشرف

    2,016
    12
    38



    من يشوف النادي من بره ينبهر فيها

    ويحسد عمال وموظفين الشركة علي هذا الصرح والنادي الرائع


    فعلا شكلة حلو من برة


    يذكرني لما كنا صغار وكنا نروح للوفرة اثناء العطل الرسميه أو البر

    وكنا نمر الشعيبة وننبهر بتلك الاضاءات العجبية ومن تأثرنا بمسلسلات

    السيارة العجيبة ومستر بن و مسلسل الغزاة

    سمينا الشعيبة الصناعية بمدينة نيويورك

    وسبحان الله كبرت وتوظف بالشركة وطلعت الشعيبة ( نيويوك ) سابقا

    ( نيو دلهي ) يعني انخدعنا فيها

    ابي اعرف شنو النادي يقدم من الخدمات للأطفال

    كمبيوترات بالمجان 10 كمبيوترات 7 خربانين و3 عليهم طوابير مخبز في دولة افريقية

    ملعب كرة قدم خربان

    بلياردو طبعا مو للأطفال والبولينغ

    وحمام سباحة طبعا بالصيف فقط


    بس ديوانية للرجال وللحريم

    وغرفة اجتماعات للإدارة العليا ومسرح اصبح صالة افراح ومناسبات

    يعني شنو تقدم النادي للموظفين

    ما فيها إلا الثيل يعني اطلع من بيتنا للنادي ومودي عيالي عشان الثيل مدري

    انا مطلعهم أو مسرح غنم

    الترجمة للأخوان اللي موفاهينها يسرح الغنم يعني يمشي الغنم

    انا كان على الثيل اوديهم نادي الشباب على الاقل الثيل واجد وفرصة يشوفون مسعود مختار
    عيالي يحبون

    على طاري الثيل كنا هاوين كورة ورحنا نبي نمثل منطقتنا ونلعب كوره بنادي الساحل نفكر في المنتخب:D:D

    طبعا قصير ومدربح بس عندي طموح:D

    حاول المدرب يطفشني:mad: وانا وربعي صاملين اخر شي تعبانا من مجافاة المدرب لإمكانياتنا ولأنة محطم للمواهب الفذة :mad:

    كان ممكن نعطي للمنتخب وننقذ الكورة الكويتية واحد للحين صامل انة لاعب فذ:D

    وخذينا زاوية للملعب وقمنا تقطع الثيل ونمصمص سيقانه :D

    ياليت النادي يطور امكانياتة اكثر عشان الناس تجي وتستمتع

    واخير شنو سنة يستقطعون وسنة يطنشون

    وشنو سالفة ال7.5 زهقنا من هالرقم تقارير 7.5% النادي 7.5

    ياليت النادي يرفعا من هالمبلغ بس يطور امكانياتة

    تبون تعرفون النادي انة ماشي صح إذا شتفوا النادي ما يفضى من الناس تعرفون انكم اشتغلتوا

    بس دامة فاضي هالشكل فياليت الشركة تبيعة احسن على الاقل يشترية واحدويبني بيت وتكون الشركة ساهمت في حل

    المشكلة الاسكانية

    وشكرا لكم
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    للأسف ان يكون هذا حال أندية أغلب الشركات النفطية

    لا يوجد اهتمام .. مجرد صالات لأجتماعات المدراء وكأنها اصبحت تركه خاصه بالمدراء فقط

    نتمنى ان يكون هناك تطوير لناديكم وجميع الأنديه
     
  3. بلاوي

    بلاوي بـترولـي نشيط جدا

    185
    0
    0
    Free Kuwait
    الكويت
    نفطي كويتي


    لووووووول كلامة عين الصواب


    ولا تعليق !!!
     
  4. سلطانss

    سلطانss بـترولـي جـديـد

    10
    0
    0
    على الاقل افتكينا من مانشيني
     
    آخر تعديل بواسطة المشرف: ‏10 مارس 2008
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    كاااااااااااك عجبني التشبيييه تسريح الغنم :D
    أضف الا ذلك الملعب كله حفر يعني من تركض فيه ولا الضب مساابقك وخاصه فصل الصيف لا ويطاالعك واهو حااقد خخخخخخخ :D
    والله يا الغاالي الله يعيينكم قطية بين الشبااب وظبطو الملعب وخلوو ديوانية خبرك الديواوين بيزيلونها بس ديوانيتكم ماتنزال لأنهاا بي آي سييه ;)
     
  6. دبليو دي 40

    دبليو دي 40 بـترولـي نشيط

    144
    0
    0
    فعلا المصافي تذكرنا بالغزاة والسيارة العجيبة لكني لم افهم وجة الشبة بمستر بن؟فممكن توضيح

    وشكرا على الموضوع الهادف يا ملك المنتدى
     
  7. نفطي كويتي

    نفطي كويتي بـترولـي خـاص أعضاء الشرف

    2,016
    12
    38

    انا اسف كنت بكتب مستر تي مسلسل الفريق الاول


    ومشكور على المشاركة
     
  8. saeedelhaj

    saeedelhaj بـترولـي جـديـد

    10
    0
    0
    إي والله أنا معاك: نبي نادي على البحر. على الأقل الواحد إذا شاف شي ما يعجبه....................... يقط نفسه بحر !!!
     
  9. شعيباوي

    شعيباوي بـترولـي نشيط جدا

    362
    12
    18
    ليش أخوي تقط روحك بحر. حافظ على صحتك و إرجع لبيتك سالم ترى الموضوع ما يسوى.
     
  10. دبليو دي 40

    دبليو دي 40 بـترولـي نشيط

    144
    0
    0
    انا توقعت هالشي....

    وفعلا لو يبنون مكان النادي عمارة.....شغل عدل
     
  11. زيـنـه

    زيـنـه بـترولـي نشيط جدا

    162
    0
    0
    نادي و نادي

    ليتهم يشوفون المكان اللي صج ينقال عنه نادي .. و الامثله وايده

    نادي الضباط
    نادي الشرطه

    نادي الحبارى

    خلف الله .. لو يعدلون كثر ما يقدرون عمره ما يتعدل !
     
    آخر تعديل بواسطة المشرف: ‏9 مارس 2008
  12. SOS_KW

    SOS_KW بـترولـي خـاص أعضاء الشرف

    2,252
    0
    0
    هلا حبيبتي زينة .. ضربتي على الوتر .. أنا قبل فترة رحت نادي الحباري .. بالاضافة إلى أنه أفضل وايد من نادي بوبيان الا أنهم أجروا عليه بعض التعديلات اللي تخلي الواحد غصب يروح ويستانس هناك

    مو نفس نادينا :(:(:(


    والسموحة من عزيزي نفطي اني رديت في مشاركتك .. من القهر
     
  13. يادنيا

    يادنيا بـترولـي مميز

    سوؤال ليش سموه نادي بوبيان شمعنه بوبيان هل يقصدون انه يشبه جزيرة بوبيان اللي من الصعب العيش فيها !!!!
     
  14. PANADOL

    PANADOL بـترولـي نشيط جدا

    176
    0
    0
    طيار في شركة الب اي سي :)
    الكويت
    نادي ونادي ونادي ونادي


    اللي يسمع يقول اليانز ارينا (بالمانيا)

    نادي طايح حظه ماينفع بسبع المذاهب وملعب صارلهم 10 سنين يقولون بنعدل ارضيته وماكو شي لو يسكرونه ويستفيدون من الفلوس وايد ابرك
     
  15. نفطي كويتي

    نفطي كويتي بـترولـي خـاص أعضاء الشرف

    2,016
    12
    38

    مشكورين على المشاركة واختي سوس انا ما كتبت موضوعي إلا من اجل المشاركات والردود

    وياليت تكون عادة ما تنقطع منج

    وسلامتج من القهر وشكرا للأخت زينة مشاركتها ايضا
     
  16. سكر زيادة

    سكر زيادة بـترولـي نشيط

    56
    0
    0
    ليش تعورون قلوبكم يالربع ....... ترى النادي حاله حال المطعم والمخيم اثنينهم المسؤول عنهم واحد ...... اذا تغير المطعم والمخيم للافضل اكيد راح يتغير النادي معاهم ....... تبون الصج انا مع سياسة التغيير في كل شي
     
  17. ابوشنب

    ابوشنب بـترولـي نـشـيط

    191
    0
    0
    انا اقول يبيعون النادي وتعرفون سعر الاراضي فى منطقة سلوي ويوزعون القيمة على الموطفين بالتساوي مو مدير اكثر من الموطفين بالتسسسسسسسسسساوى
     
  18. كايدهم

    كايدهم بـترولـي جـديـد

    42
    0
    0
  19. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    اتمنى من اخواني ان تكون مشاحناتهم بعيدة عن مواضيعي

    اخاف اعاقب انا بعد بتسكير مواضيعي وانا مالي سبب

    بس عشان اثنين كارهين بعض

    ترى خربتوا المتندى

    الله يهدي نفوسكم



    ويصلحنا جميعا
     
  20. SOS_KW

    SOS_KW بـترولـي خـاص أعضاء الشرف

    2,252
    0
    0
    الأخ الفاضل والغالي علينا جميعا .. لقد عملنا ما يتطلب حماية طرحك عزيزي أن أبعدت مشاحناتهم هداهم الله عن مشاركتك المثمرة..ولكن للأسف اتخذت الردود منحنى آخر.

    و ستبقى يا عزيزي دائما متميز ولن يغلق لك أي موضوع بإذنه تعالى .. لأنها بالفعل متميزة وتمس ما يجول بخواطرنا .. سلمت ودمت عزيزي

    وشكرا
     
جاري تحميل الصفحة...

مشاركة هذه الصفحة