شارك معاي اسعار السلع بعد الزياده ؟

الكاتب : كويـ هلاليه ـتيه | المشاهدات : 7,062 | الردود : 157 | ‏4 مارس 2008
  1. كويـ هلاليه ـتيه

    كويـ هلاليه ـتيه بـترولـي مميز

    916
    0
    0
    بعد الزياده كل شي زاد

    تفاجأت من الغلاء الفاحش مره وحده اطمرت الأسعار , اللي يعرف سلعه كم كانت وكم صارت الحين يشارك معاي



    عياده اعالج عندها ارتفع سعر دخلتها الي 10 دنانير مرررررررره وحده

    النخي والباجيلا كانت ربع دينار ----صارت 350 فلس

    ماسكار ايف سان لوران كانت 8,750 تقريبا ------صارت 10.750 فلس

    مطعم باستا بالسالميه كان الماعون 1,500------صار 1.750 فلس

    كريم ايد ماعرف والله اسمه بالضبط كان 2.500 ------صار 3 دنانير



    و اللي يعرف اي شي عن اسعار السلع يشاركنا

    حراااام عليهم والله ، الله لا يبارك في زيادتهم :(
     
  2. طلال

    طلال بـترولـي خـاص

    والله حتى الحلاق

    كنت أحلق لحيه بدينار والحين بدينارين


    بس على ما أعتقد ان من تاريخ 6/3 راح يكون فيه إعتصام حول موضوع الأسعار



    شكرا إختي هلاليه




    تحياتي
     
  3. mohammed

    mohammed بـترولـي نشيط جدا

    496
    0
    0
    كي دي دي <== ينصح في مقاطعتها ( دينماركي ) السعر كان 110 بعدين صارت 170 بعدين ققلوا حجمها وكميتها وصار 110 وبعدين ردوه الى 150 فلس طبعا كل هذا بشهر


    السينما من 2.500 الى 3 دنانير
     
  4. كويـ هلاليه ـتيه

    كويـ هلاليه ـتيه بـترولـي مميز

    916
    0
    0


    الله يعافيك طلال

    زين والله خلي الناس اتحرك
     
  5. زيـنـه

    زيـنـه بـترولـي نشيط جدا

    162
    0
    0
    النخي و الباجيلا من 250----> 300 فلس
    بطل دقوس القراش (الفلفل) من 40 ----> 100 فلس
    سندويشات المطاعم الفاست فوود صارت فوق الدينار و ربع للساندويش بروحه .

    و تقريبا كل الاماكن زادت اسعارها
    في شي بنسبه غير ملحوظه و في شي بنسبه قويه و مرتفعه و ملحوظه
     
  6. كويـ هلاليه ـتيه

    كويـ هلاليه ـتيه بـترولـي مميز

    916
    0
    0


    بو عبدالله شاكره مرورك ومشاركتك

    نبي كلنا نعتصم مثل ما وضح لنا اخونا طلال- يعني كنك يابو زيد ماغزيت مااستفدنا من الزياده:(
     
  7. كويـ هلاليه ـتيه

    كويـ هلاليه ـتيه بـترولـي مميز

    916
    0
    0


    زينه يازين اعلومج ومشاركنج :)

    جبنه الحلوم كانت ب 700 او 900 تقريبا ----صارت 1,110
     
  8. كي او سي

    كي او سي بـترولـي خـاص أعضاء الشرف

    سندويش بيض عجة كانت 100 فلس صارت 200 فلس بالمقابل البيض قبل كانت الصفيحة 900 فلس والحين 1000

    انزين ليش سندوشة العجة رفعتوها 100 فلس

    عيش كنتري اكس لارج كانت ب 6,800 بعدين 8,700 والحين ب 12 دينار

    عيش الزاحم كانت ب 6.800 والحين 10,800

    اوكي ازيد ربع دينار او نصف دينار مو 3 الى 6 دنانير
     
  9. كويـ هلاليه ـتيه

    كويـ هلاليه ـتيه بـترولـي مميز

    916
    0
    0


    عيش كنتري اكس لارج كانت ب 6,800 بعدين 8,700 والحين ب 12 دينار

    الله اكبر

    يعني شنو ناكل ؟؟؟:(

    استغفر الله يارب
     
  10. redrose

    redrose بـترولـي نشيط جدا

    442
    0
    0
    حليب النيدو الحجم الكبير رقم (1) كان ب 4,500 بعدين 4,890 الحين الله يسلمك انا امس شارته 5,890

    ترى والله في شي غلط
     
  11. feed gas

    feed gas بـترولـي خـاص

    القحفيه قبل ب 500 فلس الحين 750 فلس ... المكسر بو 1250 الحين 1350..... حتا الحلاق بابو داش عرض وما يحلق لك دجه الا ب 1250....انزين بااااابو ليش رفع سعره؟؟؟ لان قال من نهاك قال من امرنى؟؟؟[/COLOR]!!!...... ودمتم سااااااااالمين
     
  12. كي او سي

    كي او سي بـترولـي خـاص أعضاء الشرف

    حفاظات الاطفال بامبرز

    كانت 4 دنانير فيها 84 حبه

    الحين قريب ال 5 دنانير وفيها 80 حبه

    وحليب النيدو فعلا مثل ما قالت رد روز
     
  13. زيـنـه

    زيـنـه بـترولـي نشيط جدا

    162
    0
    0
  14. صندوق شكاوي

    صندوق شكاوي موقوف

    141
    0
    0
    أيها الفضلاء ..
    التلاعب بدأ من الجمعيات التعاونية وبعد ذلك تشجع التجار وطمعوا لما رأوا اتحاد الجمعيات يضع نسبة عالية من الربحية على السلعة اللي يأخذها من التاجر والجمعية حاطة رجل على رجل ومن غير تعب ومو قاعدة تدفع للتاجر الفلوس كاش ، تدفع بالأجل ..
    آنا بنفسي متابع أسعار السلع في الجمعيات .. الجمعية اللي في منطقتنا أسعار السلع في أفرعها غير عن الأسعار اللي في الرئيسية ( مصخرة ) ..
    اكتشفت منزلين بضاعة ( طفايات سجائر زجاجية ) على الرف ودافعين فلوسها للوكيل المورد ، والجمعية أصلا ما تبيع سجائر !!! شلون هذي !! يمكن طفايات السجائر هذي عشان تكون صينية السمبوسة
     
  15. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    موضوع مهم و رائع و يفيد كل الناس يا كويتية يا بنت البلد

    ليت الموضوع يتجمع على هيئة ملف وورد أو إكسل و فيه نوع البضاعة قبل و بعد مع مكان للملاحظات و يفضل ذكر تاريخ ملاحظة فرق السعر.

    و ممكن في الملف هذا يتم إضافة كل جديد في عالم زيادة الأسعار المريب
     
    آخر تعديل: ‏5 مارس 2008
  16. YOU^AND^ME

    YOU^AND^ME بـترولـي نشيط جدا

    444
    0
    0
    اقترح واقتراحي .... ما يلزم احد طبعا

    انت دافع دافع ... سواءا اشتريت باقل او بأعلى

    اقترح على اخواني انهم يقاطعون الجمعيات التعاونية

    والبديل طبعا ... كارفــــــــــــــور ... او مركز سلــــطان

    علشان الجمعيات التعاونية يحسون على دمهم وكذلك الأتحاد العام

    وبالتالي هذا الاحساس راح يمر بلا شك على الشؤن اللي بدورها تخاطب مجلس الوزراء ان هناك مقاطعة شاملة

    للجمعيات التعاونية والسبب غلاء المعيشه ( ارتفاع الاسعار )

    اقتراح متواضع قد اكون فيه مخطأ ...

    وشكرا
     
  17. صندوق شكاوي

    صندوق شكاوي موقوف

    141
    0
    0
    قشطة المراعي في الجمعية عندنا كانت تنباع ب 350 فلس، رحت كلمت مدير السوق وقال لي فيه يعني غلط ( لا غلط ولا يحزنون إلاّ تلاعب والظاهر حسّوا بأنهم مكشوفين ) وبعدين راحوا نزلوها وصارت الحين تنباع ب 300 فلس وفي باقي الجمعيات ومراكز سلطان وبكل مكان حتى عند اللي يبيع عند الدواّر تنباع ب 220 فلس .. يعني جمعيتنا حاطه ربح 50% .... لأنها محسوبة عليهم من شركة المراعي ب 200 فلس .. آنا بنفسي سألت مندوب شركة المراعي واستغرب ..
    للعلم : الجمعية تنزل تقريبا يوميا ما بين 50 إلى 70 حبة قشطة مراعي يعني 100 فلس * 50 = 5 دنانير يوميا على الأقل = 150 دينار شهريا = 1800 دينار سنويا بس من قشطة المراعي . واحسب باقي المئات من السلع الموجودة بداخل الجمعية ..

    المشكلة إن المستهلك ساكت وحماية المستهلك نايمة واللعب شغّال
     
  18. صندوق شكاوي

    صندوق شكاوي موقوف

    141
    0
    0
    كلام حلو أخوي .. آنا تركت الجمعيات واتجهت لمركز سلطان بس معاناة لبعد المركز عن منطقتنا فما زلت في بعض الأحيان أروح للجمعية لشراء بعض الحاجيات .. إذا الكل ترك الجمعيات وراح لمركز سلطان راح تصير مأساة وزحمة ومركز سلطان بمراكزه المعدودة القليلة ما راح يلحق على كل أهل الكويت ، يعني راح تصف دور عند الكاشير ساعتين عشان تحاسب .. هذا إذا لقيت شيء ينباع على الرفوف بسبب الهجوم الكاسح من قبل المواطنين
     
  19. ولد الموسوي

    ولد الموسوي بـترولـي نشيط

    144
    0
    0
    الصراحه تعبنا من هالغلاء في الاسعار :(

    وايد شغلات ما تنعد الصراحه زاد سعرها بشكل كبير :(

    الله يكون في العون
     
  20. workerq8

    workerq8 بـترولـي مميز

    613
    6
    18
    المفروض نقاطع السلع اللى ترتفع اسعارها بغض النظر اذا ايت من اى جمعية لان الاسعار مختلفة من جمعية الى جمعية
     
جاري تحميل الصفحة...

مشاركة هذه الصفحة