صحوه وطنيه : حجز أي سيارة تحمل صور زعماء وأعلاماً خارجيين

الكاتب : جابر | المشاهدات : 1,086 | الردود : 20 | ‏4 مارس 2008
  1. جابر

    جابر قــلــم بــتــرولــي أعضاء الشرف

    تاريخ النشر: الثلاثاء 4/3/2008 ..الوطن ..

    حجز أي سيارة تحمل صور زعماء وأعلاماً خارجيين

    ضمن قراراته الجريئة والوطنية، أصدر وزير الداخلية الشيخ جابر الخالد قراراً بحجز أي سيارة تحمل ملصقات عليها صوراً أو أعلاماً أو عبارات تابعة لأي دولة غير الكويت أو لأي أحزاب خارجية أو أشخاص خارجيين، واستثنى الخالد من ذلك علم الكويت ورموز البلاد من حكامها
     
  2. بلبل عنقريزي

    بلبل عنقريزي بـترولـي خـاص

    2,187
    0
    0
    الله يعزه على هالقرار
    والله تعبنا وكنا محتاجين هالقرارات
    الديره بتضيع والسبب هالمرضى
     
  3. اي زييين يسووي صج انها يااات متأخره شوووي بس مثل ماتقوول صحوه وطنيه


    لاهنت على الخبر الرائع
     
  4. workerq8

    workerq8 بـترولـي مميز

    613
    6
    18
    محلات الزينة راح يصير عليهم دوس هاليلام
     
  5. طلال

    طلال بـترولـي خـاص

    هذا لازم يصير من أول

    والله يا أخوان مو معور قلبي إلا شعارات حزب نصر الله اللي كثرة بالديره
     
  6. LaRambla

    LaRambla بـترولـي خـاص أعضاء الشرف

    2,041
    3
    38
  7. زيـنـه

    زيـنـه بـترولـي نشيط جدا

    162
    0
    0
    it's never too late

    زين ما يسوون بس الكلام يطبقون و الا لا ؟
     
  8. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
  9. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    لحظة يعني راعي الدتسن اللي حاط صوره جيفارا يسحبون وانيته عاد مسكين تلقاه ما يعرف جيفارا بس اعجبته الصوره و حطها : )
     
  10. بلبل عنقريزي

    بلبل عنقريزي بـترولـي خـاص

    2,187
    0
    0
    زين منه انه مايعرف ويحط يعني مع الخيل ياشقره :)
    غيره يعرف وعنده خبر ويحط هني مربط الفرس :)
    تصدق اخوي المفروض اصلن هالقانون مسوينه من زمان جيفارا وحسن نصر الله وصور انواع السلق مالت الصيد او اي نوع من انواع الحيوانات بالعربي صور غير صور ولي امرنا ممنوع كل هالاشياء مالها داعي بالاساس اللي يبي يحط يحط صورة شيوخنا اعلامنا شهدائنا شي يحسس الواحد بالوطنيه

    قانون كان لازم يطبق من زمان
     
  11. Winchester

    Winchester المـراقب الـعـام

    قرار المفروض تطبيقه من زمان

    الله كريم
     
  12. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    في اسلوب افضل من هذا ما ادري اذا كنت تقصد تسب جيفارا و حسن نصر الله فالاول دافع عن ارضه و قاتل بشراسة للقضية اللي يؤمن فيها في كوبا و الارجتين و بوليفيا اما الثاني فقاتل الاسرائيلين اللي احتلوا ارضة : ) ...
     
  13. Q80

    Q80 بـترولـي نشيط جدا

    203
    0
    0
    knpc
    على فكره... هذا القرار موجود من زمان لاكن مو مفعل... يعني مو شي يديد وهم مراح يفعل هذا وانا اذكركم مثل الكثير من القرارات
     
  14. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    يا رجل ماراح يطبق حاله حال بااقي القراارات
     
  15. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    قرار صائب أنا مع المؤيدين و بشدة
     
  16. جابر

    جابر قــلــم بــتــرولــي أعضاء الشرف

    هدى ياعسل :) وأحسن النيه ..
    فعلا فيه ناس حاطه صور حيوانات (وأنت بكرامه) على سياراتها ...
    بالنسبه للدفاع عن الشخصيتين ...مايهمنى جيفارا ولا أفكاره ....لكن ...
    حزب (الله) ورئاسته ...أعتقد الدفاع عنهم ...مشيوه (على الأقل)..لأن حزب (الله) مو بس مغنيه ..مدان بجرائم ضد الكويت ..
     
  17. n3n7

    n3n7 بـترولـي نشيط جدا

    271
    0
    0
    ياريت يفهمون الشرطه مو يوقفك ويخالفك ملصقات وانت تقوله هذا علم الكويت يقولك ملصقات مالهم حيله المخالفه ياااياه يااايه
     
  18. MESHARI.M.AL-AZEMI

    MESHARI.M.AL-AZEMI بـترولـي جـديـد

    السلام عليكم ورحمة الله وبركاته

    أبارك للدوله على هذا القرار الجريء الذي كان من الواجب ان يتواجد من قبل .. ونحمد الله على هذا القرار ونسأل الله التوفيق وأن يساهم هذا القرار بالتصدي لكل من يحاول زرع الفتن بين شعب الكويت ,, ونعم وزير الداخليه أثبت للجميع بأنه قادر بعد الله سبحانه وتعالى على طرح ماهو مناسب من قوانين وقرارات تساهم بحل المشكله لا أن تساهم بكسر عظم الدوله التي قد ساهمت من القدم بجمع شمل جميع الدول العربيه والخليجيه سواء من سياسه اجتماعيه او اقتصاديه علميه ..,نشكرك يا وزير الداخليه ونبارك لكَ هذا الاختيار القيم وللشعب الكويتي ككـل ...


    الحمدالله ,, الحمدالله ,, الحمدالله

    ولا حول ولاقوة إلا بالله
     
  19. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي

    هههههههههه الله يهداك جابر شايفني قاعد امجع شعري :p

    يا معود اي مشبوه هاليومين اختلط الحابل بالنابل و الكل يسب و يوزع التهم عيل حزب الله صهيوني شلون لو تقولي موالي لايران تركب بس شلون صهيوني :D
     
  20. جابر

    جابر قــلــم بــتــرولــي أعضاء الشرف

    لا يبه مو صهيونى ...ولا له شغل بالصهيونيه العالميه ..ولا المحافل الماسونيه ولا الإمبرياليه الأمريكيه :D

    حزب (الله) ..حزب عسكرى ..ذو صبغه دينيه ...له ميزانية دوله ...ومدعوم من إيران ....ومسئول عن التفجيرات وخطف الطائرات الكويتيه ....
     
جاري تحميل الصفحة...

مشاركة هذه الصفحة