قصه شايب قلبه اخضر

الكاتب : النك تحت الصيانه | المشاهدات : 690 | الردود : 11 | ‏3 مارس 2008
  1. النك تحت الصيانه

    النك تحت الصيانه بـترولـي نشيط جدا

    350
    0
    0
    مشغل حقل
    kuwait
    [COLOR="Red"]بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب فيه بنت ملكعه وصاحبة مقالب
    قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون
    راحت له وردت عليه السلام كيف حالك يا شايب ؟؟
    رد السلام والله بخير الله يعافيك...
    وفجأه عطته ظهرها ومشت ولا استئذان ولا شي !!!!
    ولع الشايب من حركتها
    قال فيها كم بيت يستعطفها فيها ويقول انها ذكرته الماضي
    و اذا ما عطيتيني وجه لحقت باخوي حمود اللي في قبره
    ويذكر التاريخ واليوم اللي قابلها فيه


    يقول الشايب :

    يا بنت خوذي خاطري وارحميني
    لا تجرحين العود بعيونك السـود
    غضي نظرك وغطي الوجنتينـي
    لعل يومٍ جدد الجرح مـا يعـود
    يوم انتهى مع مرمسات السنينـي
    جتني صواديفه على غير مقصود
    باول شهر عشره نهـار الثنينـي
    حمدان مروا به على جنازة حمود


    البنت كانت تقصد من استفزازه انها تجاريه في الشعر وترد عليه !!
    والمسكين ما كان يدري انها شاعره وعلى باله ما خذ راحته في التغزل ..


    ردت عليه وهزأته تقول ::


    يا شايب الرحمن وينـك ووينـي
    عزي لحالك قدامك الباب مسـدود
    قلبك عطوف وجاه قلـبٍ متينـي
    والبنت ما تشفق على مغازل العود
    حبل الرجا مقطوع بينـك وبينـي
    مثل الغليث اللي رعا قلبه الـدود
    اقفى شبابـك والعـرب مقبلينـي
    يا عود ما يرجع من العمر مفقود

    حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت
    يقول لها صدي عني انه ما يبي الغزل بعد ما وصل عمره ثمانين سنه

    يقول حمدان :

    يا بنت صـدي بالعيـون الظليلـه
    لا صد عنـك الله نهـار القيامـه
    مالي ومالك يالفـروع الطويلـه
    لو فيك من رسم البـداوه علامـه
    يابنت مـا لـي بالثمانيـن حيلـه
    اهدف كما تهدف على البير قامـه
    اقفى شبابي والدهر شفـت ميلـه
    يالله حسـن الخاتمـه والسلامـه
    اعطيك موجز والبضاعـه قليلـه
    واخذت لك من صافي الماء سنامه

    راحت الايام والشايب مسكين !!
    سنه خذله معها شايب وهي بنت وتقول له كيف اعطي شايب وجه ؟؟؟
    بعد فتره مرته مره ثانيه
    وردت عليه السلام واستفزته وراحت وخلته
    ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف
    بالكرم واني ما ابي منها غير التحيه والترحيب

    يقول حمدان


    يا بنت ما جاك الكبر والخشونه
    وعادت شباب اليوم يجفل من الشيب
    ياسرع ما وبلك تمزع مزونه
    يالفاتنه يا ام الثمان الرعابيب
    يا بنت ما بيني وبينك مهونه
    كلمة شرف نبي تحيه وترحيب
    الله من عودٍ ثقيله طنونه
    ينصاه راع المشكله والمواجيب
    على الكرم والدين نفسه حنونه
    تلقاه بالاجواد شرق وتغاريب

    جهز الأبيات وأرسلها مع عجوز ووعد العجوز بهديه اذا وصلت الرساله لها
    راحت العجوز وعطت البنت الابيات
    شافتها البنت وقفلت على العجوز في غرفه وقالت مثل ما جيتي بابياته ترجعني بابياتي
    العجوز مسكينه قالت طلعيني ولا ابي منكم شي الله لا يعودكم انتم واوراقكم
    ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف


    تقول البنت ::

    العود عود وطايحـاتٍ سنونـه
    من كثر ما يرقد على جرة الذيب
    عودٍ مهرقل والعرب ما يبونـه
    ياعود ما لك في طويل المراقيب
    اقفى شباب العود راحت حتونه
    مثل اليتيم اللي بكا ما له مجيب
    جداه ينثر دمعـة ٍ مـن عيونـه
    غريق موجٍ ما لقا له مقاضيـب


    اتمنى ان تنال اعجابكم (منقول)
     
  2. !!..Me

    !!..Me موقوف

    239
    0
    0
    عجبتنا وبيض الله وجهك

    بس خوفك من هالابيات انك تبي تثير الفتنه على قولة بعض الرعب :) وينحذف موضوعك

    موضوع رائع وابيات اروع تسلم يمينك يالغالي
     
  3. النك تحت الصيانه

    النك تحت الصيانه بـترولـي نشيط جدا

    350
    0
    0
    مشغل حقل
    kuwait
    حياك الله ياخوي ومروركم اسعدني بصراحه
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    يا مال العاافية علي القصة الجميلة
    ومشكلة الي قلبه خضر دائما يطيح بالملكعاات
    بس علي قولة المثل >>>>>> خل قلبك شمالي

    لاهنت مره ثاانية
     
  5. النك تحت الصيانه

    النك تحت الصيانه بـترولـي نشيط جدا

    350
    0
    0
    مشغل حقل
    kuwait
    حياك الله اخوي جونم جقرم واسعدني مرورك على الموضوع
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    مشكلة إذا لم يتوافق القلب مع العمر

    و مصيبة الحب و التصابي للمشيب

    شكرا على الموضوع الطريف و الجميل يا نك تحت الصيانة
     
  7. النك تحت الصيانه

    النك تحت الصيانه بـترولـي نشيط جدا

    350
    0
    0
    مشغل حقل
    kuwait
  8. طلال

    طلال بـترولـي خـاص

    والله اكثر الشيبان قلوبهم خضر عسى الله يرحم حالهم :)


    مشكور اخوي وماقصرت
     
  9. HUMMER

    HUMMER بـترولـي خـاص

    يعطيك العافيه عالموضوع وماقصرت
     
  10. النك تحت الصيانه

    النك تحت الصيانه بـترولـي نشيط جدا

    350
    0
    0
    مشغل حقل
    kuwait
    مشكورين اخواني على المرور بلموضوع
     
  11. LP-WET

    LP-WET بـترولـي نشيط

    145
    0
    0
    الله يرحم الحااال .. والله يعين اللى قلوبهم خـضرا
    شكـرا على القصة الممتعه
     
  12. النك تحت الصيانه

    النك تحت الصيانه بـترولـي نشيط جدا

    350
    0
    0
    مشغل حقل
    kuwait
جاري تحميل الصفحة...

مشاركة هذه الصفحة