نصيحة لمشتركي زين (شين)

الكاتب : كي او سي | المشاهدات : 959 | الردود : 17 | ‏1 مارس 2008
  1. كي او سي

    كي او سي بـترولـي خـاص أعضاء الشرف

    السلام عليكم

    بس ابي احب اخبركم بموضوع يجب اخذ الحيطه والحذر

    رحت اطور جهاز ال اي جو (انترنت)

    كان اشتراكي ابو 16 دينار من مميزاته 5 جيجا فري وبعدين يحسبون علي بكل جيجا دينارين

    يوم طورت الجهاز وغيرت اشتراكي الى 7.2 واشتراكه الشهري 27 دينار قالو لي ان الدوان لود مفتوح

    المهم

    رحت البيت وشغلته والا صار بطئ حيل

    اتصلت عليهم

    ردوا علي اني استنفذت الداون لود واللي اهو 30 جيجا

    وراح تقعد شهرين تقريبا النت يصير عندك بطئ

    الحين حتى صوره ما تفتح عندي

    شفتوا مسخرة زين

    واشتراك ابو 13 دينار 3.6 هم 30 جيجا فري داون لود

    شفتوا الاستغلال


    قلت حق الموظف ليش ما قلتولي هالشي

    رد علي : اذا قلنا هالشي محد راح يشترك (المشكلة يعترف لي الحبيب)

    يعني لو اني ظال على الاشتراك القديم وايد احسن لي

    وللعلم ان اشتراك بو 13 دينار (3.6) او اشتراك بو 27 دينار (7.2) تراه نفس الشي

    بس ليش السعودية هي اول من حطت هالخدمه توهقوا ربعنا

    وسلامتكم
     
  2. mohammed

    mohammed بـترولـي نشيط جدا

    496
    0
    0
    انا من زمان غاسل ايدي من الاتصالات

    ناطر الشركه السعوديه تفتح في الكويت
     
  3. نفطنينهو

    نفطنينهو بـترولـي نشيط

    135
    0
    0
    رجل امن
    الكويت
    زين قلت والله كنت بشترك خلال هاليومين ..
    عالعموم الله يكون بعونك ومشكوور حبيبي
     
  4. جابر

    جابر قــلــم بــتــرولــي أعضاء الشرف

    يعطيك العافيه كى أو سى على هالنصيحه .....بعد هالسالفه ..خلاص ماكو ثقه ...لازم فعلا نجيك على كل شى ....
     
  5. PIC

    PIC بـترولـي نشيط جدا

    313
    0
    0
    اشتركت معهم قبل لينزلون الإغو

    كان الاشتراك ب 9 دنانير

    وكانت الخدمة تعبانه مرة

    وفصلتها على طول

    حاول معي الموظف بالأستمرار معهم وأنهم راح يطورون الخدمات

    بس ما كنت متفائل

    واشتركت بالدي أس ال وارتحت

    من المتعوس (الإتصالات) وخايب الرجاء (الوطنية)
     
  6. .K.O.C

    .K.O.C بـترولـي نشيط جدا

    454
    0
    16
    يا جماعة

    ازيدكم من الشعر بيت

    شخص يسولف لي

    يقول انه كلم مسؤول في زين

    وقاله الموضوع

    قال المسؤول:

    ان لكل مشترك 10 قيقا في الشهر

    اذا تعدى ال10 قيقا,,,العميل داعس السليتر على ما قالوا

    يقومون يضايقون العميل عن طريق ابطاء السرعةلان زين لها اتفاق مع كواليتي نت

    ولهم حسبه وميزانية

    ومن صالح زين التوفير لان كواليتي راح تبطهم

    فيقولون ان لك 30 قيقا وان سرعتك 7.2

    وبعد ال30 راح تقل سرعتك

    الا هي بعد 10
    والسرعة 1 ميغا بالكثير
    هذا اذا كانوا راضيين عليك

    وعذرهم شنو زحمة بالشبكة
     
  7. زيـنـه

    زيـنـه بـترولـي نشيط جدا

    162
    0
    0
    بعد مشتركين بفلوسنا مو ابلاش..عطونا اللي على قد اشتراكنا .. ليش هالحركات !؟
     
  8. computer department

    computer department بـترولـي مميز

    725
    0
    0
    مهندسه كمبيوتر
    ديره الخير ( الكــويت )
    ماكو على Dsl احسن منه ما في
    بلا ايجو وما ادر شنو :)
    نصب واحتيال :)
     
  9. kandaaa

    kandaaa بـترولـي نشيط جدا

    158
    0
    0
    انا كنسلت اشتراكي معاهم لان الهواوي (Data Card) حده 3.6 قلت لهم بدلولي اياه ب E-GO لانه موذنبي انكم تبيعوني جهاز غير متوافق مع تطوير الشبكه مارضوا . المهم خذيت DSL من المعرض وارتحت من زين ومشاكلها.
     
  10. انا من زمان قالولي عن هالشغله بعد ما اشتركت بشهرين شفت الاشتراك صار بطيئ وانا لما خذيته قالي فررري

    ولما سألت قالي لك 30 جيجا واستنفذتهم

    قلت انا سألت الموظف وقالي فري قال اي كان فري ونزل هالقرار وصار لكل مشترك 30 جيجا

    يعني صبه حجنه لبن

    انا لو ما استخدمه براا البيت جان ضليت على الدي اس ال

    بس اكثر استخدامي للنت براا البيت

    والله ننحاش من نصاب ( الوطنيه ) نطيح بأنصب منه ( زين )
     
  11. كي او سي

    كي او سي بـترولـي خـاص أعضاء الشرف

    شاكر لكم تفاعلكم مع الموضوع

    والحمدلله اللي ما اشترك

    نصيحة لا يشترك فيها

    والشغلة الثانية

    في كل دول العالم للمكالمات الخارجية يحسب على المتصل

    ولكن في زين كل شي شين

    تخيلوا

    مثال: اذا اتصلت على سوريا يحسب علي مكالمة دولية وما يحسب على المتصل

    واذا اللي بسوريا اتصل علي يحسب عليه مكالمة دولية ويحسب علي مكالمة محلية

    شفتوا مسخره اكثر من جذي

    كل شركات الاتصالات ما يحسبون التكلفة على المستقبل الا على المتصل

    والمشكلة ان شركة زين عندها اكثر من دولة بس بالكويت يستخدمون معانا هالنظام

    شنو قصدهم ، هل احنا مقصة يعني، ولا ليش الكويتين يدفعون

    وشاكر لكم مروركم الكريم
     
  12. المخدوع

    المخدوع بـترولـي نشيط

    60
    0
    0
  13. كعبول

    كعبول بـترولـي نشيط جدا

    496
    0
    0
    تبي اقولك شي ... علشان تنقهر اكثر واكثر مثلي طبعا ..

    وااحد من الربع صديقه يدرس باليابان ..... يقول اليابان عندهم السرعة خارقة ....

    وشفت الانترنت اللي يشتغل عاليو اس بي ؟

    يقول انه هذه الموديلات اي واحد عنده يضحكون عليه ويقولون انه هذا مال فقاره ...

    اللي هذا توه يجي عندنا ...


    عنده سرعه التنزيل حق 200 ميغا بايت ... ينزل خلال 7 دقائق ...

    ويقول والله انه موقع انمي في مسلسلات وافلام ... يقول انه نزل نص الموجود بالموقع ...

    وهني ... !!!

    ياخلاف اذا وصلت السرعة 2 ميغا زين بعد !!!!

    لا وازيدك بعد انه اسعار الانترنت عندهم رخيييييييييييييص .... واحنا .... 15 دينار و30 و50 دينار والسرعة زفت بزفت

    ماتشوفهم كل شوي حاطين فيديو اللي يستهبل ومادري شنو .... واحنا فيديو يوتيوب .. اغنية يانبع الوفا الصافي تنزل قصب ... ليش؟؟؟؟
     
  14. HUMMER

    HUMMER بـترولـي خـاص

    جرب اخوي قطعة الوطنيه وشوف بلا ايقو بلا زين هالشركة بس تتفنن بالنصب مع انها من اكبر شركات الاتصالات
     
  15. كي او سي

    كي او سي بـترولـي خـاص أعضاء الشرف

    مشكورين اخواني على مروركم وتعليقاتكم

    فضيحة اخرى، والله وناسة

    اذكر قبل 4 سنوات الاعلانات ترس في الشوارع تقول

    لمشتركي زين ان خطوط التعبيئة (ايزي)

    تحتسب فيه المكالمة بنظام الوحدات

    يعني اذا تكلمت 10 ثواني تحتسب وحده ويخصم من الرصيد تقريبا 20 فلس

    واذا تكلمت ثاني مره 30 ثاني تحتسب وحده اخري (انا مجرب وشفتها بعيني)

    بس الحين وبدون سابق انذار وبدون اعلانات ولا توضيح للمشتركين:mad:

    تم تحويل النطام الى حسبة المكالمة يعني

    اذا اتصلت لو ثانية وحده تحتسب 40 فلس

    جربوا وشوفوا

    والله يلعنها من طمع

    صج اذا المدخول زاد البوق يزيد والطمع يعميهم

    على العموم عندي 3 خطوط وال e-go استغنيت عنهم من اليوم

    وهذي مقاطعتي لهم
     
  16. h2s

    h2s بـترولـي نشيط

    54
    0
    0
    بصراحة العيب مو منهم بل من المشتركين
    لو واحد فيكم بس نزل هالموضوع بالمنتديات ويطلب من كل الي صارتلهم هالمكشلة انهم يتجمعون كلهم وتقدمون شكوة جماعية على شركة الاتصالت بتهمة الغش والنصب والاحتيال شان علمتوهم ان الله حق وتطالبون بتعويض لكل متضرر وبس ينتشر هالخبر راح
    اتشوفون كل الناس المتضررين الي ماتعرفونهم راح يروحون لنفس المحامي الي موكل للقضية عشان يشتكون وعددكم راح يزيد وتقوى قضيتكم وإذا تبون نصيحتي روحوا للمحامي العبدالجليل محامي الوطــــن واهو مو بس يشتكي إلا يفضهم حتى على الفضائيات .
     
  17. n3n7

    n3n7 بـترولـي نشيط جدا

    271
    0
    0
    مافهمت؟؟؟؟؟؟؟؟؟؟؟؟؟؟؟
     
  18. h2s

    h2s بـترولـي نشيط

    54
    0
    0
    يعني يا أخوي لازم واحد ينزل موضوع في كل المنتديات إلي يعرفها ويطلب من كل إلي صارتلهم هالمشكلة انهم يسجلون ايميلاتهم علشان أول ما يجمع عدد كبير منهم يتقدمون بشكوى عند حماية المستهلك او شكوى بالمحكمة على الاتصالات بسبب الغش والخداع
    وعلى هذا المتطوع انه يشوفله محامي شاطر وبعدها يدز ايميل جماعي لكل إلي سجلوا ايميلاتهم عشان يروحون ويوقعون على توكيل للمحامي عشان يترافع عنهم في هذي القضية ويطالب بتعويض
     
جاري تحميل الصفحة...

مشاركة هذه الصفحة