موظف جديد وتقاعد طبي؟؟؟؟؟؟؟؟؟؟؟؟؟

الكاتب : القائد | المشاهدات : 1,051 | الردود : 9 | ‏28 فبراير 2008
  1. القائد

    القائد بـترولـي خـاص

    2,089
    0
    0
    سؤال سالني اياه موظف ماصار له الا شهر والله العظيم وبالصيغة ( شلون اذا الواحد بيطلع تقاعد طبي شيسوي ؟ وشلون ياخذ الkpc ؟ كاملة ؟ ) انتهى .......... سالته ليش ؟ رد علي :( ابي اضبط حالي نفس الشباب :يقصد جم واحد خدمتهم 20 سنة عندنا واطلعوا لما توظف عندنا ) بذمتكم واستحلفكم بالله مو حرام هالاشكال تتوظف عندنا مو حرام بعض الشباب اللي فاتتهم فرصة التوظيف والسبة الواسطة وخذت هالاشكال اللي تدور التقاعد الطبي اول ماتتوظف , انا مع التقاعد الطبي اذا كانت خدمة الشخص فترة طويلة وكان يشكي من مرض حتى لو (قولون ) لكن توك متوظف بدال ما تفكر بمستقبلك وشلون تفكر تكون نفسك وتكتسب خبرة بالحياة تسال عن التقاعد الطبي بصراحة تنرفزت وقتها ومارديت عليه عشان ما............. بصراحة متنرفز ماقدر اكتب زيادة :mad:
     
  2. النادر

    النادر بـترولـي نشيط

    98
    0
    0
    موظف في شركة البترول الوطنيه الكويتيه
    الكويــــت
    والله يا العنزي


    لولا خوفنا من الله


    ثم خوفنا اننا نأكل اولادنا مال حرام

    راح نفكر مثله


    بس الواحد اذا ترك شي لله عوضه الله خيرا منه


    المتمارض او من يدعي المرض حتى يستفيد من التقاعد الطبي والحصول على راتب وهو مرتاح وقاعد بطالي

    صدقني الله راح يبلاه


    اللهم اجعل رزقنا حلال وارزقنا الصحه والعافيه والله يصبرنا نكمل الخدمه ونطلع من هالشركه بسلام
     
  3. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    الأشكال اللي تقول عنها ياخوي يامشاري متروسة بالقطاع النفطي والبلد وعلى جميع المستويات
    لكن ربك موجود وووين يرووحون من رب العباد
     
  4. جابر

    جابر قــلــم بــتــرولــي أعضاء الشرف

    المشكله إن هالعالم هذى هى أكثر ناس تطالب بالزيادات والكورسات وتكثر من الطبيات ...والإجازات (اللى من تحت الطاوله) ..
    وإذا تأخر قريده راح يهدد العالم ويدور وراء كل واحد أخذ قريده بدون تأخير .... وقال شمعنى ... ويعفس الدائره كلها بالذات لما يكون عارف له أحد ...وياويلك إذا صاد صيده والا لقى ثغره إستفاد منها فقير ....
     
  5. القعقاع

    القعقاع بـترولـي نشيط جدا

    345
    0
    0
    الله المستعان

    الواسطه هدمت حياااااااااااة ناس كثيرين على حساب المواطن العادي...والله حرام لمتى ديرتنا تمشي عالواسطة
     
  6. محمد الشيباني

    محمد الشيباني بـترولـي نشيط جدا

    306
    0
    0
    اخ مشاري صايره عندنا مصيبه اسمها مصيبة الجيل الجديد ما ادري شنو هالجيل فيه مواصفات غريبه .
     
  7. HUMMER

    HUMMER بـترولـي خـاص

    اكبر مصيبه (( التقاعد الطبي ))

    واغلبهم مافيهم شي بس ماله خلق يشتغل فيحسبها ويقولبها ويدفع فلوس علشان التقاعد الطبي وبعدها شنو

    والواحد يحمد ربه على نعمة الصحه والعافيه
     
  8. القائد

    القائد بـترولـي خـاص

    2,089
    0
    0
    مشكور على مرورك
     
  9. حرف

    حرف بـترولـي خـاص

    1,776
    0
    0
    بسبب الدكتاتوريه اللى صايره بالشركه والاحزاب اللى فيه تخلي الواحد يفكر بالتقاعد الطبي
    ولو لا مخافتنا من الله واكل الحرام كان تلاقي نص موظفي الشركه يتقدمون على التقاعد


    بس العتب على هذا الشخص انه توه بدري عليه يعني للحين ماشاف شى من السوالف والحركات اللى بالشركه لو صاير له فتره جان عذرته ..
     
  10. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    الحين بالكويت الحكمه الماشية ( من له حيله فاليحتال ) اللي يشتري شهادة و ياخذ منصب و اللي يضبط واسطه و يروح يصيف بلندن و لا المانيا على حساب الحكومة او الكي او سي على بو انه مريض و اللي يرشي عشان ياخذ تقاعد طبي و الجامعي يدور واحد يعرف الدكتور عشان يرفعه من D لي A الكويت كلها ماشيه بهالشكل و المناصب مقصوره على مجموعه ساكنين بين الدائري الاول و الثاني .
    اعرف شخص مصاب بمرض الشين لم تسمح له لجنة العلاج بالخارج السفر و شخص ريله مكسوره ماخذ معاه عيال عمه لا و درجة اولى بعد ... يا عمي وين الحق و الباطل صج من له حيله فاليحتال .

    صار اللي يمشي سيده مخدي و ما يعرف يتصرف بهالديرة .
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    7,406
  2. المحرر النفطي
    الردود:
    10
    المشاهدات:
    19,396
  3. المحرر النفطي
    الردود:
    8
    المشاهدات:
    41,977
  4. المحرر النفطي
    الردود:
    3
    المشاهدات:
    2,883
  5. المحرر النفطي
    الردود:
    1
    المشاهدات:
    1,936

مشاركة هذه الصفحة