احنا بره غير

الكاتب : kkk | المشاهدات : 516 | الردود : 4 | ‏28 فبراير 2008
  1. kkk

    kkk بـترولـي مميز

    احنا داخل الكويت لنا طقوس وحياتنا الخاصه ونختلف ونتهاوش وهذا اصفر وهذا اخضر
    وهذا مع الخرافي وهذا مع السعدون وهذا مع الفهد وهذا مع الغانم
    وهذا شيعي وهذا سني وهذا سلفي وهذا اخوان
    تري داخل الكويت بس
    ولكن بره احنا كويتيين نفس العقل والروح ما نرضي على احد من ربعنا
    لا على السعدون ولا الخرافي
    لاعلى الفهد ولا طلال ولاالغانم ولا..................الخ
    بس منو يفهم
    اعلان نصف صفحه اليوم في الجرايد تهاجم طلال الفهد
    اعلان بحريني مدفوع الاجر
    انااختلف مع طلال الفهد داخل الكويت بس
    اما بره انا ادفع عن طلال الفهد وما ارضا عليه
    والغبي يلعب هذي اللعبه ويدخل من هذا الباب او مو فاهم شنو الديمقراطية الكويتيه الخاصه
    وايد من الدول المجاوره تراهن على اختلافنا والمشاكل ونجرة مجلس الامة
    بس احنا بره غير ............واقول غير
    والتايخ شاهد
     
    آخر تعديل: ‏28 فبراير 2008
  2. .K.O.C

    .K.O.C بـترولـي نشيط جدا

    454
    0
    16
  3. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    مشكوور عزيزي " كاك "
    علي الموضووع
    بس الي براا الكويت يكوون باله مشغوول بغيير الكويت والي داخلها ;)
    عشان كذا الكل واحد
    يعني تخيل نفسك انت مسافر سياحة وتبي تستانس هل تعتقد أنك بنفس الوقت بتفكر شبيصير داخل الديره ولا بتأجلها لين ترجع بالسلامة ;)
     
  4. HUMMER

    HUMMER بـترولـي خـاص

    يعطيك العافيه اخوي عالموضوع وماقصرت
     
  5. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16

    يا سلام عليك يا KKK

    بعض الاغبياء والجهال بره الكويت يشوفون بينا مشاكل وامور كثيره ويشوفونا تيارات واحزاب وناس ضد ناس ويعتقدون بكل غباء انه من الممكن انا نوقف مع هالطرف الخارجي ضد اعدائنا الداخليين

    غباء الاتحاد البحريني يمتثل بانه اعتقد انه ممكن يلقي دعم وتاييد من يختلفون مع طلال ..!!

    مايدري بطقوس الكويتيين ...

    حلوه منك طقوس يا KKK
     
جاري تحميل الصفحة...

مشاركة هذه الصفحة