مــبــروك ســرنــا أجــانــب

الكاتب : puma.kw | المشاهدات : 749 | الردود : 10 | ‏26 فبراير 2008
  1. puma.kw

    puma.kw بـترولـي نشيط جدا

    182
    0
    0
    السلام عليكم ورحمة الله وبركاته

    نسيان العادات والتقاليد

    في السنوات الماضيه الكل لاحظ ان اغلب الشباب والبنات نسوا شي اسمه عادات وتقاليد وساروا يتغيرون تدريجيا سواء بالبس او الشكل او بالتعامل وحتى بالكلام ......الخ بحجه ان الوقت تغير والسنين تغيرت وكل ما لاموهم على اللي يسوونه ردوا بكل بساطه احنا بـــ 2008 احنا بزمن السرعه احنا واحنا ,, طيب ليش مايتطورون ويتماشون مع الوقت مع المحافظه على عاداتهم وتقاليدهم وقيمهم ؟؟!! مع العلم ان العادات والتقاليد مأخوذه من الدين الاسلامي بمعنى ان التمسك بالعادات يعتبر شئ من العباده انا بصراحه استغرب لما اشوف واحد يسولف معاي وبنص الكلام يقعد يقط كلمات انقليزيه او ناس يروحون المطعم وكل واحد يدفع حسابه وماله شغل بالثاني وفي امثله كثيره يبيلي وسيله مدرسيه علشان اكتبها اتمنى اني قدرت اوصلكم الموضوع بالطريقه الصحيحه .

    اكتفي بهذا القدر

    وانتظر التعليقات ؟؟؟ ؟؟ ؟
     
  2. كي او سي

    كي او سي بـترولـي خـاص أعضاء الشرف

    كلام سليم ومفهوم

    صح مثل ما قلت لو يتمسكون بدينهم جان ما تشوف اللي ما ودك تشوفه

    بصراحة انا صادفت هالاشكال في اكثر من موقع واخرها كان قبل يومين في الافنيوز "داخل ايكيا"

    كنت ويا صاحبي نتشرى اغراض ولا مجموعة بنات الله يهديهم يتكلمون انجليزي بعدين حولوا لبناني بعدين فرنسي

    وردوا على الانجليزي وانت اللي ماشي

    انا توقعت ان هذول اجانب يعني يمكن وحده كويتية والثانية فرنسية والثالثة لبنانية

    ويوم وصلنا الكاشير ولا كلهم قام يتكلمون كويتي .

    مشكور اخوي والله يستر علينا وعليهم
     
  3. workerq8

    workerq8 بـترولـي مميز

    613
    6
    18
    احنا في زمن العولمة يعنى مو بس الكلام غير حتى الثقافات مستوردة من جميع بلاد العالم
    الواحد لازم يتمسك بالثوابت الاسلامية لانها اقوى من العادات والتقاليد اللى تلاشت في اغلب بلاد العالم
     
  4. puma.kw

    puma.kw بـترولـي نشيط جدا

    182
    0
    0
    كل الشكر والتقدير على مروركم وتعليقكم
     
  5. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    تغريب المجتمع يا فهد ،

    هو مصيبة المجتمع و هو مصيبة الأجيال القادمة إن لم يقف المصلحون لينصحوا و ينبهوا لمخاطر ما بعد التقليد و التشبه بالاجانب.

    شكرا على طرحك هذا الموضوع
     
  6. puma.kw

    puma.kw بـترولـي نشيط جدا

    182
    0
    0
    اشكر مرورك وتعليقك ياعبدالله ولك كل التقدير
     
  7. HUMMER

    HUMMER بـترولـي خـاص

    هذي العولمه وماتسوي ياخوي وبعد ماشفتو شي

    الله يستر من اللي ياي
     
  8. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    مشكوور سيدي الفااضل علي طرح المووضع الي فعلناا يأسف عليييه
    هذااا مشكلة "" التقلييد الأعمي ""
    والي حتي بالتقلييد حرفوو فيييه بكل شي
    ياا رجل عندي سؤاال الحين اليابان أم الصناعة وتواكب عصر السرعة هل غيروو عاادااتهم وتقااليدهم مثل ماا سويناا في مجتمعنااا ؟؟
    مااعتقد تدري ليه لانهم نااس محاافظييين بمعني الكلمة
    ويااليت نكوون نفسهم بالمحاافظة علي تقااليدناا وعاداتنااا مهماا تغير الزماان والأواان

    تقبل مروري وتعقيبي
     
  9. workerq8

    workerq8 بـترولـي مميز

    613
    6
    18
    تبون الصراحة في عندنا من العادات والتقاليد السيئة واللي اظلمت بالخصوص المرأة
    الاسلام هو الاساس وكتاب الله وسنة نبيه هي الطريق وهي الفلاح في المجتمع
     
  10. puma.kw

    puma.kw بـترولـي نشيط جدا

    182
    0
    0

    اشكر مرورك ومرور همر وتعقيبكم ذكرتني بشغله على طاري اليابان تصدق ان بألمانيا واغلب الدول الاوربيه لو كلمت اي واحد باللغه الانقليزيه مايرد عليك حتى لو انه فاهم ويعرف يتحدثها تدري ليش لانه يعتز بلغته ومايحب يغيرها لدرجة ان في منطقه بألمانيا نسيت اسمها تخيل لحد الحين النازيه موجودين فيها ولما يزورهم اي واحد غريب يطردونه صج مبدأهم غلط بس يكفي انهم محتفظين بعاداتهم ..

    لكم كل الشكر والتقدير على مروركم :)
     
  11. puma.kw

    puma.kw بـترولـي نشيط جدا

    182
    0
    0

    اشكر مرورك وكلامك عين العقل

    :)
     

مشاركة هذه الصفحة