وقفة مع الذات

الكاتب : عبدالله البلوشي | المشاهدات : 555 | الردود : 5 | ‏25 فبراير 2008
حالة الموضوع:
مغلق
  1. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    كل عام وانتو بخير بمناسبة عيد الاستقلال وعيد التحرير

    الصراحه انا مثل ما يقولون كنت ملتزم الصمت لين الامور تهدى شوي على شان نقدر نناقش الموضوع بكل

    ادب و صراحه ومنطقيه


    الحين عدنان عبدالصمد واحمد لاري صار ما عندهم وطنية ولا ولاء للكويت


    اذا كان الموضوع وطني فا انا ابصم بالعشره انهم على خطأ

    لكن اذا كان الموضوع طائفي فا هني مربط الفرس مثل ما يقولون ولكم الدليل


    وايد اعضاء وناس طالبو الحكومه بسحب الجنسية من عدنان ولاري لانهم خانو الوطن


    عندي لكم ناس وابي رايكم المفروض بعد تنسحب جنسيتهم ولا لاء



    خلونا نبتدي من ايام الغزو الصدامي


    الحين اللي طلع من الكويت ايام الغزو وتخلى عن وطنه

    ادري راح تقولون الاكثريه اللي برا سوو مسيرات وارفعو اعلام الكويت ووووو

    لكن المقصد ان لمى طلعت من الكويت يعني تخليت عن الوطن بأكثر وقت الوطن كان محتاجك فيه



    انزين ابي الكويتيين اللي خانو الكويتية ايام الغزو ما سمعنا ان احد منهم انسحبت جنسيته بس شاطرين على

    زينب الضاحي و امبريج اللي سجنتوهم واخر شي سفرتوهم



    خلونا من هذيل



    اكيد الكل ملاحظ كثرة الاستجوابات بالديره


    طيب الوزير لمى يمسك الوزاره من ضمن الحلف ماله انه ما يخون البلد ويحافظ على ممتلكات البلد


    ابي الاعضاء اللي اطرحو بالوزارء الثقه ليش ما يطالبون الحكومه بإسقاط الجنسيه عنهم


    اذا تبي تقولي الاعضاء اطرحو الثقه بالوزير بسبب مصالح شخصيه اكيد عيل ما تهمهم مصلح الوطن

    واذا قالو ان العضو طرح الثقه بسبب خيانة الوزير للوطن عيل ليش ماطلب من الحكومه بإسقاط الجنسية عنه



    و بالنسبه للعضو المحترم الدكتور وليد الطبطبائي وين كانت وطنيته لما قال انا سفير لطالبان بالكويت


    وهم بعد وين الاعضاء عن جمعية الاصلاح يوم اصدر بيان تتهم فيه الجامعيين وان الزنا واللقطاء منتشرين بسبب الاختلاط


    ليش ما طلبو الاعضاء سحب جنسية من اصدر البيان هذا


    صدقوني يا جماعه الموضوع اخذ اكبر من حجمه بوايد تدرون ليش ؟


    كله بسبب جريدة الوطن

    والكل يعرف مدى كره جريدة الوطن للكويتيين سنه وشيعه


    مره يطنزون على المطاوعه ومره يطنزون على الساده ومره يطنزون على الشباب ومره على البنات وها

    وبعدين ملينا من الجذب بجريدة الوطن كل وم قضايا مالها اول ولا اخر طيب اذا اهما صج عندهم مصداقيه خلهم يحطون رقم القضيه مثال قضيه رقم 600 \ 2008 هذا المعروف مو بس كويتي مات بجرعه زائده و شاب بصحبة صديقته ووووو

    واخر شي لا فيه قضيه ولا شي مثل ما يقول يحشون الورق وبس



    ودي اعطيكم مثال على جريدة الوطن وياريت توسعون بالكم شوي معاي


    الحين لو اي شركة تبي تنزل المنتج مالها خلى نفترض احد مطاعم الوجبات السريعه


    تشوف الصورة بالجريده الصراحع توب لايعلى عليها ودك تغمض عينك وتفتحها تلقى الوجبه جدامك لكن لما تروح المطعم وتشتري نفس الوجبه إللي موجوده بالاعلان تنصدم على بالك طالب شي ثاني او داش مطعم بالغلط




    صدقوني يا اخوان جريدة الوطن قاعد تتبع الاسلوب هذا واهوا اسلوب الاثاره والتشويق لشد القراء لان شعبيتها كل ماله وبالنازل




    وانشالله يارب ايي اليوم اللي تنكشف فيها كل الاوراق ويبين الحق


    واسمحولي على الاطاله وشاكر لكم على سعة صدوركم


    اخوكم عبدالله البلوشي


    والسلام ختام
     
  2. PetroleumENG

    PetroleumENG بـترولـي نشيط

    146
    0
    0
    Petroleum Engineer
    Kuwait
    أخوي... كلامك صحيح 100%

    السالفة وما فيها.. انه في ناس شايله أحقاد دفينة... ولقت الفرصة المناسبة للتنفيس عن أحقادها..

    والله العظيم سالفة مغنية طلعت بلاوي كثيرة..

    وطلعت الناس على حقيقتها...

    وبالنسبة للنقاش المؤدب.. فهو معدوم اهني... لأن الانسان اللي يتكلم ابدوافع طائفية ما راح يعرف يتؤدب..

    وأبشرك.. انك بعد اشوي... راح اتلاقي نفسك خائن وعميل للخارج :)
     
  3. كي او سي

    كي او سي بـترولـي خـاص أعضاء الشرف

    جنك ما صدقت واحد وقف وياك

    بعدين ترى احنا عيال ناس اوادم محترمين ، عيب تقول انا غير مؤدبين

    على العموم بالنسبه حق اخوي عبدالله

    راح ارد على مقالك بس عطني وقت وحبيت ادخل الحين بسبب مستر بتروليوم انجينير لانه بين على حقيقته

    وهو اللي يؤجج الموضوع ويكبره

    وهذي اخر مقاله ارد عليك فيها لان سبق وان تكلمنا في مواضيع كثيره ولاكن بينت بان لا مصداقيه معاك

    واسف اخي عبدالله على هذا الرد
     
  4. PetroleumENG

    PetroleumENG بـترولـي نشيط

    146
    0
    0
    Petroleum Engineer
    Kuwait
    هدي أعصابك ياخوي..

    محد وجه الكلام لك..

    ليش اتشك ايروحك؟؟!!!!

    أنا أقصد الناس اللي تستعمل عبارات ساقطة مثل: زبالة.. حثالة.. محشش.. خمة.. وووو

    (لكم الكرامة)..
     
  5. كي او سي

    كي او سي بـترولـي خـاص أعضاء الشرف

    انا قاعد اقرأ وسأرد على هذه المقالة

    فمالي شغل باي مقاله انت مريت عليها وقريتها سواء فيها مدح او ردح

    لنحترم كاتب الموضوع وهو طلب منا بان نتحاور بحدود الادب والاحترام

    فلنعطيه ما يريد

    واذا كان سفيها واستخدم اسلوب سئ للحوار

    فالعين بالعين

    لازم تمشى مع عقلية الكاتب واذا كنت مميز تقدر تستخدم اسلوب ادبي لتخرج بنتيجة ايجابية تكون من صالحك
     
  6. المتألق

    المتألق بـترولـي نشيط

    108
    0
    0
    أولا : الرجال فاتح موضوع قال رأيه و لا بد من احترام رأيه...
    ثانيا : موضوعك هذا مثله مثل غيره العقلانية عنه بعيده جدا جدا جدا .
    ثالثا : هناك قياس على اشخاص و حوادث مالها علاقه بالحادثه مالت عبدالصمد .
    رابعا : جريدة الوطن محنا مدافعين عنها و الرجل المنصف هو اللي عندما يقط كلمه يعرف معناها و محتواها الجريدة و قرائها و تداولها و الإشتراكات و الكتاب في تزايد مستمر أما القصص المختلقه فثمانين بالميه منها صحيحية.
    رابعا الجريده لها خط معين و انت و انا نعرفه لكنها تعرف الديمقراطية اكثر بكثير من الجرائد الأخرى.
    خامسا : التطنز عندي احسن من السب......
    سادسا : شرايك اللي ما يسنع دوامه و يداوم عدل نسحب جنسيته .
    سابعا : اللي ما يحترم مرته و يطقها هم نسحب جنسيته.
    ثامنا : انشالله يارب ايي اليوم اللي تنكشف فيها كل الاوراق ويبين الحق ... أنا مو فاهم انت تبي اليوم اللي يعرف الناس ان عدنان و تابعه مو غلطانين و الا اليوم اللي خبري خبرك .
    تاسعا : اذا كان الموضوع وطني فا انا ابصم بالعشره انهم على خطأ و الله موضوعنا وطني وطني وطني. و الدليل عمرك شفت مواضيع فاتحه بالمنتدى عن الطائفية .
    عاشرا : (( وأبشرك.. انك بعد اشوي... راح اتلاقي نفسك خائن وعميل للخارج )) عمرك ما راح تاخذ البشاره يا PetroleumENG لأن الأخ عبدالله البلوشي رجل وطني وطني .

    (( لا نحكم على الغير بالوطنية أو غيرها ... فالكل في هذه الأرض وطني مالم يثبت غير ذلك))
    شــــــــــــكرا للجميــــــــع
     
جاري تحميل الصفحة...
حالة الموضوع:
مغلق

مشاركة هذه الصفحة