شنو هذا يا سيكيورتي معقوله

الكاتب : فرناس | المشاهدات : 797 | الردود : 9 | ‏24 فبراير 2008
  1. فرناس

    فرناس بـترولـي نشيط جدا

    183
    0
    0
    هاهاها شفتوا يا شباب تصدقون الامن السيكيورتي حاطين لهم نقطة تفتيش داخل المصفاة لا وعن شنو اتوقعون يفتشون على السلامه او الليسن او السرعه لا والله ابد بصراحه شي يضحك لانه لما وصل دوري بالتفتيش وآنا بالسيارة سألني عن هوية الشركه تصدقون ههههههههه يرحم والديك يا الحبيب ما تقولي انا شلون داش من البوابه بالله عليكم مو شي يضحك شماله هالتفتيش داخل المصفاة عن هويات الشركه ومنو الذكي إلي عطاهم هالاوامر
     
  2. HUMMER

    HUMMER بـترولـي خـاص

    الله يكون بالعون ووين المسؤل عن هالتفتيش والله عشنا وشفنا صج

    تفتيش داخل المصفاة عيل اشفايدة امن المنشات عند البوابه ولا هذا حكم قراقوش ؟؟
     
  3. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أولا حياك الله أخوي فرناس


    لكن أعتقد والله أعلم انها أوامر عليهم من فوق ..لأن على ما أظن فيه دفعات جديدة ..


    أعتقد يحاولون يشغلونهم .. لأن هذي فعلا من صميم وظايفهم


    لكن أعتقد انها من رأيي مالها داعي


    والله يعين ربعنا السيكوريتي ويعطيهم العافية
     
  4. H.A

    H.A بـترولـي مميز

    725
    0
    0
    بالعكس يا اخوان زياده اطمئنان وحفاظا على الموظفين والمنشآت النفطيه لازم يفتشون يمكن واحد داش من غير هويه او زرق من البوابه بحيله او بأخرى وبعدين شنو فيها محد خسران شي خلهم يفتشون علشان اللي في باله شي يخاف ويعرف ان شباب الكويت عيونهم سهرانه لحفظ أمن البلاد والعباد.

    ودمتم سالمين
     
  5. القحطاني

    القحطاني بـترولـي خـاص أعضاء الشرف

    4,717
    0
    0
    الله يكون بالعون ووين المسؤل عن هالتفتيش والله عشنا وشفنا صج

    تفتيش داخل المصفاة عيل اشفايدة امن المنشات عند البوابه ولا هذا حكم قراقوش ؟؟

    :confused:
     
  6. بو حمود

    بو حمود بـترولـي نشيط جدا

    175
    0
    0
  7. نفطنينهو

    نفطنينهو بـترولـي نشيط

    135
    0
    0
    رجل امن
    الكويت
    ياللي مو عاجبكم . اعتقد هالشي سيفتي بالدرجه الاولى

    ونفس ما قال اخوي الوسام اوامر من فوق لازم تتلبى ..

    وانا اشوفها عاديه ..
    لان ياما شفنا ناس دايسيين فوق المعدل بوايد والمصيبه داخل المصفاة وعند التوانكي والاماكن الخطره
    وفي سيارات معينه تقدر تدخل اماكن ضيقه واللي فيها غازات لان هالسيارات مزوده بشغله على لقزوز عشان الشرار
    ويا كثر السيارات اللي بالشركه مافيها هالشي بس تبيني اضحكك ... تدري ان سيارة الامن مافيها هالشي (( اللي على لقزوز )))معنه سيفتي ؟؟ صج غريب

    عالعموم اوامر وتتلبى واذا مو عاجبكم هالوضع كلموا الشفت ليدر او اللي اعلى منه يقول حق الضابط المسؤول عن الشفت لا تسوي هالتفتيش


    ... بس صج مو مرات المباحث اعتقد او المنشآت نفسهم يفتشون الموظفين واهما داخل الباصات وياما صادوا شباب خاشين تليفونات بدلاقاتهم ولا باماكن ثانيه ليش ما تقول حقم ترا شغلكم اي شي مع العلم ان كل موظفين الشركه يدخلون عن طريقهم قصدي عن طريق المنشآت وبعد ما يركب الباص يفتشون الموظفين مو كل مره بس مرات (( عرات ))

    بس على السيكيورتي ضحكت ومو عاجبك
     
  8. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت


    لا والله بالعكس أخوي



    أنا أقول يعطيكم العافية وماقصرتوا


    وان شاء الله مأجورين ...وأنتم الخط الثاني لحراسة منشآتنا


    واذا الأوامر من فوق الله يعينكم
     
  9. مبارك الشمري

    مبارك الشمري قــلــم بــتــرولــي أعضاء الشرف

    686
    0
    0
    يا إخوان كلنا يهمنا أمن البلد والمناطق الحيوية فيه والله يعطيهم العافيه إخوانا في الأمن وما يقصرون

    وأنا أعتقد أن إعتراض الأخ صاحب الموضوع كان عن السؤال عن هوية الشركة وهو أصلا داخل الشركة

    يمكن هذا الذي أشكل عليه ... والله أعلم
     
  10. puma.kw

    puma.kw بـترولـي نشيط جدا

    182
    0
    0
    يعطيكم العافيه على التعليق واخص بالشكر الوسام على لباقته وذوقه

    انا بالــــ koc ومادري عن طبيعة عمل الــــ knpc بس اللي اعرفه واللي اخذنا عنه دورات انه الشي اللي قاعد يسوونه من لوائح السلامه والحرص على ان تكون بيئة العمل آمنه وعلشان يضبط اي شخص مخالف لقواعد العمل ,,

    تقبلوا مروري

    ملاحظه : يقول الشاعر : ماتلحق الشكات كود الرديين

    وشكرآآآ
     
جاري تحميل الصفحة...

مشاركة هذه الصفحة